Ɛksodɔs 20:2 - Krio Fɔs Oli Baybul

² “Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ɛksodɔs 20:2 Referans Kwoze

Ditarɔnɔmi 5:6

nain PAPA GƆD we na dɛn PAPA GƆD, we pul dɛn kɔmɔt na Ijipt usay dɛn bin tek dɛn mek slev ɛn dɛn bin de sɔfa bad bad wan.

Ozie 13:4

PAPA GƆD se nain na PAPA GƆD dɛn Gɔd frɔm di tɛm we dɛn de na Ijipt; I tɛl dɛn se nain nɔmɔ dɛn no bikɔs nain wan ebul pul dɛn pan trɔbul.

Lɛvitikɔs 26:13

I se PAPA GƆD se nain na PAPA GƆD we na dɛn GƆD we pul dɛn kɔmɔt pan slev layf na Ijipt, so dat dɛn nɔ go bi di Ijipshian dɛn slev; i dɔn pul da lod de kɔmɔt na dɛn ed ɛn naw dɛn kin waka friwan wit dɛn ed ɔp.

Di Sam Dɛm 81:10

Mi na PAPA GƆD, di waŋren PAPA GƆD, we pul una kɔmɔt na Ijipt. If una du wetin a want, a go blɛs una.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Lɛvitikɔs 19:36

I se dɛn fɔ yuz ɔnɛs skel, ɛn ɔda tin dɛn fɔ mɛnshɔ tin dɛn. I se nain na PAPA GƆD we pul dɛn kɔmɔt pan slev layf na Ijipt.

Ditarɔnɔmi 7:8

Bɔt PAPA GƆD lɛk dɛn ɛn de kip in prɔmis we i bin dɔn prɔmis dɛn fɔstɛm-papa dɛn se i go pul dɛn kɔmɔt slevri na Ijipt dɛn kiŋ in an, ɛn dɛn go bi in yon pipul dɛn sote go.

Ditarɔnɔmi 5:15

Izrɛl nɔ fɔ fɔgɛt we dɛn bin bi slev na Ijipt, we PAPA GƆD we na dɛn PAPA GƆD bin yuz in pawa ɛn trɛnk fɔ sev dɛn, ɛn na dat mek in PAPA GƆD we na dɛn PAPA GƆD, de tɛl dɛn paopa se nain nɔmɔ dɛn fɔ de mɛmba di de we mek sɛvin ɛvri wik.

Lɛvitikɔs 23:43

so dat dɛn jɛnareshɔn go no se na bafa PAPA GƆD bin mek dɛn tap we i pul dɛn kɔmɔt Ijipt: i se nain na PAPA GƆD we na dɛn GƆD.

Ditarɔnɔmi 15:15

Mozis tɛl dɛn se dɛnsɛf fɔ mɛmba wetin dɛn bin pas we dɛn na bin slev dɛn na Ijipt, bifo PAPA GƆD we na dɛn PAPA GƆD go pul dɛn de. I se na ɔl dat mek in tɛl dɛn se, dɛn fɔ fri dɛn slev dɛn afta siks ia ɛn gi dɛn sɔntin fɔ dɛnsɛf.

Ditarɔnɔmi 13:10

ɛn dɛn fɔ ston am te i day, bikɔs i bin wan pul di pɔsin kɔmɔt biɛn PAPA GƆD we na dɛn PAPA GƆD, we pul dɛn kɔmɔt pan slev layf na Ijipt.

Lɛvitikɔs 26:1

Mozis tɛl di Izrɛlayt dɛn se dɛn nɔ fɔ mek ɛni dɛn smɔl smɔl gɔd fɔ de pre to ɛn put ɛnitin we dɛn mek fɔ fiba tin we gɛt layf fɔ de pre to ɔ ɛni pila nɔ fɔ tinap fɔ de pre to, ɛn nɔ fɔ mek ɛnitin we fiba tin fɔ wɔship na di land we dɛn go gɛt fɔ baw to ɛn wɔship; i se bikɔs nain na PAPA GƆD we na dɛn GƆD.

Jɛrimaya 31:33

PAPA GƆD se, ‘Bɔt na di kayn Kɔvinant dis we a go mek wit Izrɛl dɛn tɛm dɛn de: A go put mi lɔ insay dɛm ɛn a go rayt am na dɛn at; ɛn a go bi dɛm Gɔd, ɛn dɛn go bi mi pipul.

Di Sam Dɛm 50:7

“Una yɛri o, mi pipul! Na mi na di PAPA GƆD we una de wɔship ɛn na mi go tinap, tɔk bɔt wetin una dɔn du, we bad.

Lɛta Fɔ Rom 10:12

Gɔd de sev dɛn Ju pipul ɛn dɛn pipul we nɔto Ju, bikɔs dɛn ɔl na wan, Gɔd na di wangren Masta fɔ ɔlman ɛn i de gi ɔl dɛn wan we de pre to am plɛnti plɛnti blɛsin.

Lɛta Fɔ Rom 3:29

Na fɔ di Ju pipul dɛn nɔmɔ Gɔd de? I nɔ de fɔ dɛn pipul we nɔto Ju? Gɔd de fɔ ɔlman, fɔ dɛn Ju pipul ɛn dɛn pipul we nɔto Ju.

Jɛrimaya 31:1

“PAPA GƆD se, Da tɛm de, a go bi ɔl di famili dɛn na Izrɛl dɛn Gɔd, ɛn dɛn go bi mi pipul.”

2 Kronikuls 28:5

Na dat mek Papa Gɔd we na Gɔd mek di kiŋ na Siria, bit ɛn kapchɔ bɔku bɔku pan in pipul dɛm ɛn briŋ dɛm kam Damaskɔs. PAPA GƆD mek di kiŋ na Izrɛl insɛf bit am ɛn kil plɛnti pan dɛm.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 15:13

Bikɔs yu lɔv nɔ de chenj, yu kip to yu prɔmis, yu pul yu pipul dɛn na dɛn ɛnimi dɛn an wit yu trɛnk, ɛn lid dɛn go na yu yon oli ples.

Ɛksodɔs 15:16

We yu sho yu pawa Fred kech dɛn ɛn dɛn trimbul; dɛn stif lɛk boraks ɛn dɛn tinap te yu pipul dɛn pas te ɔl di pipul dɛn we kɔmɔt Ijipt pas.

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

Ɛksodɔs 20:1

PAPA GƆD tɔk ɔl dɛn wɔd ya. I se,

Ɛksodɔs 29:46

Na da tɛm de dɛn go no se na mi PAPA GƆD na di PAPA GƆD we pul dɛn kɔmɔt na Ijipt fɔ lɛ a go de wit dɛn. Mi na PAPA GƆD dɛn PAPA GƆD.

Lɛvitikɔs 11:45

I se, in na PAPA GƆD we na di PAPA GƆD we pul dɛn kɔmɔt pan slev layf na Ijipt fɔ mek i bi dɛn PAPA GƆD so dɛn fɔ bi difrɛn frɔm ɔda pipul dɛn lɛk am.

Di Jɔj Dɛm 2:1

PAPA GƆD in enjɛl bin kɔmɔt Gilgal go Bochim go tɛl di Izrɛlayt dɛn se, nain pul dɛn kɔmɔt Ijipt go put dɛn na di land we in bin dɔn prɔmis dɛn fɔstɛm-papa dɛn se, in go gi dɛn, ɛn in nɔ go ɛva pwɛl di wanwɔd we dɛn gɛt.

Ayzaya 43:3

Bikɔs mi na PAPA GƆD we na yu Gɔd, di Oli Wan na Izrɛl we na yu seviɔ. A giwe Ijipt fɔ fri yu, ɛn ɛkschenj Itiopia ɛn Sɛba fɔ yu.

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Jɛrimaya 16:14

PAPA GƆD se, “Fɔseka dat, di tɛm de kam we nɔbɔdi no go de se, ‘Wans PAPA GƆD we pul di Izrɛlayt dɛn kɔmɔt Ijipt de,’

Jɛrimaya 34:13

Na dis PAPA GƆD we na Izrɛl dɛn Gɔd se: A bin mek Kɔvinant wit una fɔstɛmpapa dɛm, wɛn a pul dɛm kɔmɔt Ijipt insay waala. Di Kɔvinant se,

Izikɛl 20:7

Ɛn a bin tɛl dɛn se, lɛ dɛn ɔl trowe dɛn tin dɛn we a et bad bad wan we dɛn at de pan, ɛn lɛ dɛn nɔ dɔti dɛnsɛf na mi yay wit Ijipt dɛn laylay gɔd dɛn; Mi na PAPA GƆD we na una Gɔd.

Izikɛl 20:19

Na mi PAPA GƆD na una Gɔd; una du wetin mi lɔ se, ɛn mek shɔ se una obe mi kɔmand dɛm,

Emɔs 2:10

A pul una kɔmɔt Ijipt ɛn mek una pas na di ɛmti land we pɔsin nɔ go ebul tap fɔ foti ia fɔ mek a go gi una di Amɔrayt dɛn land.

Ɛksodɔs 13:14

Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt.

Lɛvitikɔs 25:38

I se nain na PAPA GƆD we na dɛn GƆD ɛn nain pul dɛn kɔmɔt pan slev layf na Ijipt fɔ gi dɛn di land we bay rayt nain yon ɛn fɔ mek i bi dɛn GƆD.

Lɛvitikɔs 25:42

I se na dɛn ɔl i pul kɔmɔt pan slev layf na Ijipt so dɛn nɔ fɔ kam bi slev bak.

Lɛvitikɔs 25:55

Bikɔs di Izrɛlayt dɛn na PAPA GƆD in slev, slev dɛn we i pul kɔmɔt pan slev layf na Ijipt: I se nain na PAPA GƆD we na dɛn GƆD.

Ditarɔnɔmi 20:1

Mozis tɛl di Izrɛlayt dɛn se we dɛn go fɔ go fɛt dɛn ɛnimi dɛn, ɛn si se di ɛnimi dɛn plɛnti ɛn gɛt ɔs ɛn karej, dɛn nɔ fɔ fred. PAPA GƆD we na dɛn PAPA GƆD we bin pul dɛn kɔmɔt Ijipt, go de wit dɛn.

Di Jɔj Dɛm 6:10

I se, in bin tɛl dɛn se in na PAPA GƆD we na dɛn PAPA GƆD, so dɛn nɔ fɔ butu to di Amɔrayt dɛn we gɛt di land, dɛn gɔd dɛn. Bɔt dɛn nɔ gri du wetin i se.

1 Kiŋ 18:39

Wɛn ɔl di pipul dɛn si wetin bi, dɛn fɔdɔm flat na grɔn ɛn tɔk se, “Na PAPA GƆD na PAPA GƆD! Na PAPA GƆD, na PAPA GƆD!”

2 Kiŋ 17:7

Ɔl dis waala yaso mit Izrɛl bikɔs dɛn kɔmit sin to PAPA GƆD dɛn PAPA GƆD we pul dɛn kɔmɔt na Ijipt na di kiŋ na Ijipt in an. Dɛn bin de wɔship ɔda gɔd dɛn

2 Kiŋ 17:12

Dɛn bin de wɔship lay lay gɔd, ivin we PAPA GƆD bin dɔn wɔn dɛn nɔ fɔ du dat.

Di Sam Dɛm 81:7

We una bin de pan trɔbul, una kɔl mi fɔ ɛp una ɛn a kam ɛp una. We a bin de insay insay tɛnda, a ebul ansa una a tɛst una nɔmɔ wit di wata na Mɛriba

Di Sam Dɛm 81:11

“Bɔt o ya! Mi pipul nɔ gri lisin to mi; Izrɛl nɔ gri fɔ put insɛf dɔŋ fɔ du wetin a se.

Izikɛl 20:5

ɛn tɛl dɛn se, na dis Papa Gɔd we na Gɔd se; di de wɛn a bin pik Izrɛl, a bin swɛ to Jekɔb in jɛnareshɔn. We a sho misɛf to dɛn na Ijipt, a bin swɛ to dɛm ɛn se, na mi na di PAPA GƆD we na una Gɔd.

Ozie 12:10

I mɛmba dɛn se nain bin de tɔk to di prɔfɛt dɛn; i bin lɛ dɛn de gɛt bɔku vishɔn ɛn kin gi dɛn parebul fɔ di pipul.