Di man aks Jizɔs se, “Uswan pan di lɔ dɛn a fɔ kip?” Jizɔs se, “Yu nɔ fɔ kil yu kɔmpin mɔtalman; maredman nɔ fɔ lɛf in wɛf go kip ɔda uman ɛn mare du man nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin;
Mi Kristiɛn pipul dɛn, una lɛf fɔ tɔk bad bɔt una kɔmpin mɔtalman. Ɛnibɔdi we tɔk bad bɔt in kɔmpin ɔ jɔj am, da pɔsin de de tɔk bad bɔt Gɔd in Lɔ, ɛn i de jɔj Gɔd in Lɔ. If una jɔj Gɔd in Lɔ, dat min se una nɔ de fala Gɔd in Lɔ.
dɛn wan we liv fri layf, dɛn man we de kip dɛn kɔmpin man, dɛn wan we de kech pipul fɔ tɔn dɛn to slev, dɛn wan we de lay, dɛn wan we de lay bɔt dɛn de swɛ se na tru dɛn de tɔk, ɛn ɛnibɔdi we de du ɛnitin we difrɛn frɔm di tru tin we wi dɔn lan una.
Una nɔ fɔ gɛt bad at fɔ una kɔmpin, una nɔ fɔ gɛt wam at, una nɔ fɔ ala pan ɛnibɔdi, ɛn una nɔ fɔ kɔs. Una nɔ fɔ et ɛnibɔdi ɛn una nɔ fɔ tɔk bad bɔt una kɔmpin.
dɛn nɔ go de du gud, dɛn nɔ go gɛt sɔri at, dɛn go de tɔk bad bɔt pipul, dɛn nɔ go ebul kɔntrol dɛnsɛf, ɛn dɛn go wayl if pɔsin ambɔg dɛn; dɛn nɔ go lɛk ɛnitin we gud;
Dɛn soja man dɛnsɛf se, “We wi, wetin wi fɔ du, sa?” Jɔn ansa se, “Una nɔ fɔ fɛt pipul tek dɛn kɔpɔ, una nɔ fɔ lay pan pipul fɔ mek una gɛt mɔni. Una fɔ satisfay wit di mɔni we dɛn pipul we una de wok fɔ de pe una.”
