Ɛksodɔs 20:13 - Krio Fɔs Oli Baybul

¹³ “Una nɔ fɔ kil ɛnibɔdi.

Ɛksodɔs 20:13 Referans Kwoze

Lɛta Fɔ Rom 13:9

Di lɔ dɛn we Gɔd gi Mozis se, “Man nɔ fɔ lɛf in wɛf go kip ɔda uman ɛn uman nɔ fɔ lɛf in man go kip ɔda man; nɔ fɔ kil; nɔ fɔ tif; ɛn nɔ fɔ gɛt tifyay” ɔl dɛn lɔ ya ɛn ɛni ɔda wan dɛn de insay wan lɔ we se, “Una fɔ lɛk una kɔmpin mɔtalman lɛkɛ aw una lɛk unasɛf.”

Ditarɔnɔmi 5:17

Nɔbɔdi nɔ fɔ kil in kɔmpin.

Ɛksodɔs 21:14

Bɔt if man tek wikɛdnɛs kil in kɔmpin, i lɛk i go ayd na mi ɔlta, una fɔ pul am kɔmɔt de ɛn kil am.

Jems 2:11

Gɔd we se, “Yu nɔ fɔ kil pɔsin,” na di sem Gɔd se, “Yu nɔ fɔ lɛf yu mared man ɔ wɛf go fɛn ɔda pɔsin na trit.” If yu nɔ lɛf yu mared man ɔ wɛf go fɛn ɔda pɔsin na trit, bɔt yu kil yu kɔmpin mɔtalman, na Gɔd yay, yu dɔn brok ɔl di lɔ dɛn.

Matyu 19:18

Di man aks Jizɔs se, “Uswan pan di lɔ dɛn a fɔ kip?” Jizɔs se, “Yu nɔ fɔ kil yu kɔmpin mɔtalman; maredman nɔ fɔ lɛf in wɛf go kip ɔda uman ɛn mare du man nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin;

Lɛvitikɔs 24:21

If pɔsin kil ɔda pɔsin in animal, i fɔ gi am layf animal bak; ɛn dɛn fɔ kil ɛnibɔdi we kil in kɔmpin mɔtalman.

Ɛksodɔs 21:20

If masta bit in slev wit tik te i day, dɛn fɔ pɔnish di masta,

Jems 2:13

If pɔsin nɔ de sɔri fɔ in kɔmpin mɔtalman ɛn padin am wɛn i du am bad, Gɔd nɔ go sɔri fɔ da pɔsin de ɛn padin am wɛn i go jɔj am. Bɔt pɔsin we de sɔri fɔ in kɔmpin mɔtalman ɛn padin am, Gɔd insɛf go sɔri fɔ insɛf ɛn padin am wɛn i de jɔj am.

Fɔs Lɛta To Timoti 1:9

Pɔsin fɔ no se nɔto fɔ pipul we gud lɔ de, bɔt na fɔ dɛn wan we de brok di Lɔ, dɛn wan we de tif ɛn du ɔl kayn bad tin, dɛn wan we nɔ no Gɔd; dɛn wan we nɔ de fɔ Gɔd, we nɔ tek Gɔd biznɛs mek natin, dɛn wan we de kil dɛn yon mami ɛn dadi, ɛn dɛn wan we de kil dɛn kɔmpin mɔtalman,

Ayzaya 26:21

Bikɔs PAPA GƆD de kɔmɔt nain ples kan na do fɔ pɔnish di pipul we tap na wɔl fɔseka dɛn sin, ɛn di wɔl go pul di sikrit bɔt di blɔd we dɛn dɔn shɛd pan am, ɛn i nɔ go kɔba di wan dɛn we dɛn kil, igen.

Lɛta Fɔ Galeshya 5:21

dɛn nɔ want mek bɛtɛ fala dɛn kɔmpin, dɛn de drɔnk, ɛn dɛn de mek dɛn wayl pati, ɛn dɛn de du plɛnti ɔda bad tin dɛn lɛkɛ dɛn wan ya. A de wɔn una lɛkɛ aw a bin dɔn wɔn una fɔs se: dɛn pipul we de pan dis kayn layf nɔ go de ɔnda Gɔd in rul.

Prɔvabs 1:18

di trap we dɛn sɛt nain de kech dɛn, dɛn de fɔdɔm insay de ɛn day.

Prɔvabs 1:11

If dɛn se lɛ una le ambush fɔ kil, lɛ una jɛs kil inosɛnt pɔsin fɔ kil sek;

Apɔsul Dɛn Wok 28:4

Wɛn di pipul dɛn na di tɔŋ si wetin bi, dɛn bigin tɔk to dɛn kɔmpin se, “Dis man ya bin dɔn kil pɔsin. I nɔ day na wata bɔt da gɔd we dɛn kɔl Jɔstis dɔn pe am!”

Jɛrimaya 26:15

Una jɛs no se, if una kil mi, una go put inosɛnt blɔd na una an ɛn na dis siti ɛn pan di wan dɛm we tap de, bikɔs na tru se, na PAPA GƆD sɛn mi to una, fɔ tɔk ɔl dɛn wɔd ya na una yes.”

2 Kronikuls 24:22

Dat sho se Joash we na bin di kiŋ, nɔ mɛmba di gud we Jɛoiada we na Zɛkaraya in papa, bin du to am, bɔt i kil in bɔypikin. Wɛn i bin de day i day se, “Mek Papa si ɛn rivɛnj!”

2 Kiŋ 21:16

Fɔ ad pan di bad tin dɛn we Manasɛ bin de du, i shɛd inosɛnt blɔd ɛn de kil mɔtalman fitifata. I mek di wanol Jerusɛlɛm bin de smɛl blɔd, ɛn mek di kɔntri kɔmit sin to PAPA GƆD.

Ɛksodɔs 21:29

Bɔt if na kaw we dɔn yus fɔ de buk ɛn kil, ɛn dɛn dɔn wɔn di pɔsin we gɛt am bɔt i nɔ tay am ɔ du ɛnitin, ɛn di kaw buk pɔsin ɛn kil am, una fɔ ston di kaw te i day. Dɔn di wan we gɛt di kaw insɛf fɔ day.

Mak 10:19

Yu no dɛn lɔ we se: ‘Yu nɔ fɔ kil yu kɔmpin mɔtalman; mared man nɔ fɔ lɛf in wɛf ɛn kip ɔda uman ɛn mared uman nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin; yu nɔ fɔ rog; yu fɔ rɛspɛkt yu papa ɛn mama.’”

Lyuk 18:20

Yu sabi di Lɔ we se, ‘maredman nɔ fɔ lɛf in wɛf ɛn kip ɔda uman ɛn mare du man nɔ fɔ lɛf in man ɛn kip ɔda man, yu nɔ fɔ kil yu kɔmpin mɔtalman, yu nɔ fɔ tif, yu nɔ fɔ lay pan yu kɔmpin ɛn yu fɔ rɛspɛkt yu papa ɛn yu mama.’”

Ɛksodɔs 21:12

“Ɛnibɔdi we nak in kɔmpin ɛn kil am, dɛn fɔ kil insɛf.

Ɛksodɔs 23:7

Dɛn wan we de jɔj kes fɔ jɔj tret. Dɛn nɔ fɔ lay pan poman. Dɛn nɔ fɔ sɛntɛns inosɛnt ɔ pɔsin we de waka tret na PAPA GƆD in yay fɔ day. If dɛn du dat, a nɔ go fɔgiv dɛn.

Lɛvitikɔs 24:17

Dɛn fɔ kil ɛnibɔdi we kil in kɔmpin mɔtalman.

Apɔsul Dɛn Wok 16:28

Bɔt Pɔl ala big big wan se, “Nɔ kil yusɛf. Wi ɔl de na ya!”