Ɛksodɔs 20:12 - Krio Fɔs Oli Baybul

¹² “Una fɔ rɛspɛkt una papa ɛn una mama fɔ lɛ una go gɛt lɔŋ layf na di land we PAPA GƆD we una PAPA GƆD go gi una.

Ɛksodɔs 20:12 Referans Kwoze

Lɛta Fɔ Kɔlɔse 3:20

Una dɛn pikin, una fɔ de du wetin una mama ɛn papa tɛl una fɔ du ɔltɛm, bikɔs Gɔd go gladi fɔ si se una de du so.

Ditarɔnɔmi 5:16

Izrɛl dɛn fɔ rɛspɛkt dɛn papa ɛn dɛn mama bikɔs na so PAPA GƆD se, lɛ dɛn go gɛt lɔŋ layf ɛn ɛnjɔy dɛnsɛf na di land we PAPA GƆD we na dɛn PAPA GƆD dɔn gi dɛn.

Mak 7:10

Mozis bin se, ‘Una fɔ rɛspɛkt una mama ɛn papa; ɛn dɛn fɔ kil ɛnibɔdi we tɔk bad bɔt in mama ɔ in papa.’

Prɔvabs 30:17

Ɛnibɔdi we nɔ rɛspɛkt in papa, dɔn i nɔ luk in mama, na bɔd dɛn go it in dedebɔdi, na yuba bɛlɛ go tɔn in bɛriŋrɔn.

Lɛvitikɔs 19:3

I se ich wan pan dɛn fɔ rɛspɛkt in mama ɛn papa, du wetin in we na PAPA GƆD se fɔ du di de we mek sɛvin we na fɔ blo bikɔs nain na PAPA GƆD we na dɛn GƆD.

Lyuk 18:20

Yu sabi di Lɔ we se, ‘maredman nɔ fɔ lɛf in wɛf ɛn kip ɔda uman ɛn mare du man nɔ fɔ lɛf in man ɛn kip ɔda man, yu nɔ fɔ kil yu kɔmpin mɔtalman, yu nɔ fɔ tif, yu nɔ fɔ lay pan yu kɔmpin ɛn yu fɔ rɛspɛkt yu papa ɛn yu mama.’”

Matyu 19:19

yu fɔ rɛspɛkt yu papa ɛn mama; yu fɔ lɛk yu kɔmpin lɛkɛ aw yu lɛk yusɛf.”

Prɔvabs 20:20

If ɛnibɔdi fityay in mami ɔ dadi, in lamp go ɔt bifo do klin.

Ɛksodɔs 21:17

“Ɛnibɔdi we molɛs in mami ɔ dadi fɔ day.

Mak 10:19

Yu no dɛn lɔ we se: ‘Yu nɔ fɔ kil yu kɔmpin mɔtalman; mared man nɔ fɔ lɛf in wɛf ɛn kip ɔda uman ɛn mared uman nɔ fɔ lɛf in man go kip ɔda man; yu nɔ fɔ tif; yu nɔ fɔ lay pan yu kɔmpin; yu nɔ fɔ rog; yu fɔ rɛspɛkt yu papa ɛn mama.’”

Ɛksodɔs 21:15

Ɛnibɔdi we nak in mami ɔ dadi, fɔ day.

Ditarɔnɔmi 32:47

I tɛl dɛn igen se, nɔto fɔ natin in bin de tich dɛn ɔl wetin i dɔn tich dɛn, bɔt na fɔ dɛn yon vɛri layf. I tɛl dɛn se if dɛn obe di lɔ dɛn, dɛn go gɛt lɔŋ layf na di land we dɛn bin de rɛdi fɔ krɔs Riva Jɔdan go kapchɔ.

Prɔvabs 3:16

Sɛns de mek pɔsin gɛt lɔŋ layf, i de gi jɛntri ɛn ɔna.

2 Kiŋ 2:12

We Ilaɛlsha si di ɔs ɛn karej, i ala se “Mi Papa! Mi Papa! A si di Izrɛlayt dɛn ɔs ɛn karej.” Ilayja lɔs nain yay i nɔ si am igen Ilaɛlsha chɛr in klos tu.

Ditarɔnɔmi 4:40

I advays dɛn fɔ du ɔl wetin i bin dɔn tɛl dɛn se PAPA GƆD se dɛn fɔ du ɛn nɔ fɔ du, so ɔltin go fayn fɔ dɛn ɛn dɛn pikin dɛn we nɔ bɔn yet; lɛ dɛn go gɛt lɔŋ layf fɔ ɛnjoy di land we PAPA GƆD we na dɛn PAPA GƆD dɔn gi dɛn sote go.

Ditarɔnɔmi 25:15

Di wet dɛn we dɛn de put na dɛn skel fɔ we tin dɛn, fɔ kɔrɛkt, ɛn di pan dɛn we dɛn de yuz fɔ mɛnshɔ, fɔ ful, so dat dɛn go gɛt lɔŋ layf na di land we PAPA GƆD we na dɛn PAPA GƆD de gi dɛn.

Malakay 1:6

I se bɔypikin kin rɛspɛkt in papa dɔn bɔy de rɛspɛkt in masta. I se, so, if dɛn de se in na papa, usay in yon rɛspɛkt de; ɛn if in na masta, usay in rɛspɛkt we i fɔ gɛt go. PAPA GƆD Ɔlmayti se, di man dɛn we de mek sakrifays fɔ pipul sin nɔ gɛt wan rɛspɛkt fɔ am ɛn dɛn nɔ bisin sɛf bɔt in nem.

Prɔvabs 30:11

Pipul dɛn de we de fityay dɛn papa, dɔn dɛn nɔ de blɛs dɛn mama.

Prɔvabs 28:24

Ɛnibɔdi we de tif in mami ɛn dadi ɛn se natin nɔ de pan dat tan lɛkɛ ɛni am rɔba.

Prɔvabs 15:5

Fulman nɔ de tek wetin in papa tich am, bɔt yu de yɛri wetin dɛn tɛl am gɛt sɛns.

1 Kiŋ 2:19

Bathshiba go to Kiŋ Sɔlɔmɔn fɔ go tɔk to am fɔ Adonayja. Wɛn di kiŋ si in mama, i grap nain chia baw to am ɛn sidɔm bak; dɔn i mek dɛn briŋ ɔda ay chia fɔ am fɔ lɛ i sidɔm nain raytan.

Lɛvitikɔs 19:32

I se fɔ sho se pɔsin de rɛspɛkt old pipul ɛn fred PAPA GƆD so fɔ du wetin i se: nain na PAPA GƆD.

Lɛta Fɔ Ɛfisɔs 5:21

Una fɔ put unasɛf ɔnda una kɔmpin bikɔs una rɛspɛkt Krays.

Ditarɔnɔmi 4:26

i se mek ɛvin ɛn dis wɔl de fɔ in witnɛs, bikɔs dɛn go day day na da land de we dɛn bin de krɔs Riva Jɔdan fɔ go kapchɔ. I se dɛn nɔ go gɛt lɔŋ layf; dɛn ɔl go day.

Ditarɔnɔmi 5:33

I advays di Izrɛlayt dɛn fɔ du ɔl wetin PAPA GƆD we na dɛn PAPA GƆD dɔn se dɛn fɔ de du so dat ɔltin go fayn fɔ dɛn ɛn dɛn go gɛt lɔŋ layf fɔ ɛnjɔy di land we dɛn bin de go kapchɔ.

Ditarɔnɔmi 6:2

so dat dɛn ɛn dɛn pikin dɛn go rɛspɛkt PAPA GƆD we na dɛn PAPA GƆD ɛn du ɔl wetin i want dɛn fɔ de du, di we we i go want dɛn fɔ du dɛn, te dɛn day. Dat go mek dɛn gɛt lɔŋ layf.

Ditarɔnɔmi 11:8

Mozis se if dɛn du ɔl wetin in tɛl dɛn da de de se PAPA GƆD se dɛn fɔ de du, dɛn go gɛt trɛnk ɛn pawa fɔ krɔs Riva Jɔdan go kapchɔ di land we dɛn fɔ go tek fɔ dɛnsɛf.

Ditarɔnɔmi 11:9

I se dɛn fɔ du ɔl wetin PAPA GƆD se, so dat dɛn go gɛt lɔŋ layf fɔ ɛnjɔy di land we gɛt ɔltin we mɔtalman want, we i bin dɔn prɔmis dɛn fɔstɛm-papa dɛn se i go gi dɛn.

Ditarɔnɔmi 21:18

Mozis tɛl di Izrɛlayt dɛn se if ɛnibɔdi gɛt bɔypikin we traŋayes bad bad wan, ɛn i nɔ de yɛri in mami ɛn dadi wɔd ɔl we dɛn dɔn bit bit am,

Ditarɔnɔmi 27:16

“ ‘Ɛni pikin we go du ɛnitin we go mek in mami ɛn dadi shem na pɔblik, lɛ PAPA GƆD mek bad bad tin mit am.’ ‘Dɔn ɔlman fɔ ansa, Emɛn!’

Prɔvabs 17:6

Lɛkɛ aw grampa de gladi fɔ si grampikin, na so pikin dɛnsɛf de gladi fɔ dɛn mami ɛn dadi.

Jɛrimaya 35:7

una nɔ fɔ bil os; una nɔ fɔ ib sid na gadin, una nɔ fɔ plant ɔ ivin gɛt greps fam; bɔt una fɔ tap na tɛnt te una day, so dat una go liv lɔŋ na di land we una de as fɔrina.’

Jɛrimaya 35:18

Bɔt Jɛrimaya tɛl di Rekabayt dɛn se, “Na dis PAPA GƆD Ɔlmayti we na Izrɛl dɛn Gɔd se: Bikɔs una dɔn obe Jonadab we na una papa kɔmand ɛn du ɔl wetin in lɔ dɛn se ɛn ɔl wetin i kɔmand una fɔ du,

Izikɛl 22:7

Dɛn de luk dɔŋ pan di dadi ɛn mami we de wit una; una de tek mɔni dɛm bay pawa na di trenja dɛm we kan tap wit una, dɛn an; una de rɔŋ dɛn wan dɛm we dɛn dadi dɛm dɔn day, ɛn dɛn uman dɛn we dɛn man dɛn dɔn day.

Jɛnɛsis 48:12

Josɛf tek di pikin dɛn na Jekɔb in lap, dɔn i baw rayt dɔŋ.

Jɛnɛsis 50:12

Jekɔb in bɔypikin dɛn du wetin i bin tɛl dɛn fɔ du;

Ruth 3:6

So i go dɔŋ na di milos ɛn du jɛs wetin in mɔdɛnlɔ bin tɛl am.

1 Samiɛl 22:3

Frɔm de i go na Mizpa we de insay Moab. I aks di kiŋ na Moab fɔ mek in papa ɛn mama tap wit am te i yɛri wetin PAPA GƆD want am fɔ du.