Ɛksodɔs 20:11 - Krio Fɔs Oli Baybul

¹¹ Na siks de PAPA GƆD tek fɔ mek ɛvin ɛn ath, di si ɛn ɔl wetin de insay de, bɔt i blo di de we mek sɛvin. So PAPA GƆD insɛf blɛs da de de, ɛn mek am oli.

Ɛksodɔs 20:11 Referans Kwoze

Ɛksodɔs 31:17

Na dis de yaso go sho se sɔntin de bitwin mi ɛn di Izrɛlayt dɛn; na siks de a tek fɔ mek ɛvin ɛn ath, di de we mek sɛvin a tap fɔ wok ɛn blo.”

Apɔsul Dɛn Wok 20:7

Di fɔs de na di wik, wi gɛda wan ples fɔ it. Pɔl tɔk to di pipul dɛn na Troas sote midul nɛt bikɔs i bin gɛt fɔ go di ɔda de.

Jɛnɛsis 1:28

PAPA GƆD blɛs dɛm, ɛn tɛl dɛn se, “Una bɔn bɔku pikin dɛn, fɔ mek una de ɔlsay na di wɔl ɛn kɔntrol di wɔl. Una go gɛt pawa fɔ kɔntrol ɔl di fish dɛm, ɔl di bɔd dɛm ɛn ɔl dɛn animal dɛm.

Apɔsul Dɛn Wok 4:24

Wɛn di Kristiɛn dɛn yɛri wetin Pita ɛn Jɔn tɔk, dɛn ɔl pre to Gɔd se, “Yu we na Masta, na yu mek ɔl dis wɔl ɛn ɔltin we lib de.

Apɔsul Dɛn Wok 14:15

“Wi pipul dɛn, wetin mek una de du dɛn tin ya? Wi na mɔtalman lɛkɛ unasɛf! Wi kam na ya fɔ tɛl una di Gud Nyuz fɔ mek una lɛf fɔ du dɛn tin ya we go mek una day, ɛn kam to Gɔd we gɛt layf sote go. Na Gɔd mek dis wɔl, di klawd, di wata, ɛn ɔltin we de na di wɔl.

Di Ibru Pipul Dɛn 4:4

Dɛn rayt wan ɔda say na Gɔd in Buk bɔt di de we mek sɛvin de, se, “Di de we mek sɛvin de, Gɔd blo, bikɔs i bin dɔn du ɔl in wok dɔn.”

Rɛvɛleshɔn 10:6

I swɛ bifo Gɔd we de naw ɛn we go de sote go, Gɔd we mek ɛvin ɛn ɔl wetin de insay de. I se, “Tɛm nɔ go wes igen!

Ɛksodɔs 8:22

Bɔt na Goshɛn, usay di Izrɛlayt dɛn tap, wan flay nɔ go de de. Dis go mek i no se na mi na PAPA GƆD na di kɔntri.

Ɛksodɔs 9:29

Mozis ansa di kiŋ se, we i kɔmɔt na dis siti, in go es mi an ɔp ɛn pre to PAPA GƆD. Di tinada go tap fɔ blo ɛn di kayn ren we fiba grabul grabul nɔ go fɔdɔm igen I se dat go mek dɛn nɔ se dis wɔl na PAPA GƆD gɛt am.

Ditarɔnɔmi 5:15

Izrɛl nɔ fɔ fɔgɛt we dɛn bin bi slev na Ijipt, we PAPA GƆD we na dɛn PAPA GƆD bin yuz in pawa ɛn trɛnk fɔ sev dɛn, ɛn na dat mek in PAPA GƆD we na dɛn PAPA GƆD, de tɛl dɛn paopa se nain nɔmɔ dɛn fɔ de mɛmba di de we mek sɛvin ɛvri wik.

Ayzaya 42:10

Siŋ wan nyu siŋ to PAPA GƆD, siŋ in prez usay di wɔl tap! Le di si ala ɛn ɔl wetin de de, di kɔntri dɛn nia di si ɛn di wan dɛm we tap de.

Ayzaya 48:13

Na mi le di fawndeshɔn fɔ di wɔl, ɛn mi raytan prɛd di skay; wɛn a kɔl dɛm, dɛn de kɔmɔt tinap togɛda.

Jɛnɛsis 1:31

PAPA GƆD luk ɔl wetin i bin dɔn mek, ɛn i si se ɔltin gud ɛn fayn. Ivin tɛm kam ɛn do klin - dat na bin di de we mek siks.