Ɛksodɔs 2:3 - Krio Fɔs Oli Baybul

³ We i nɔ ebul ayd di pikin igen, i put am insay wan blay we dɛn mek wit papirɔs, ɛn rɔb ta rawnd di baskit so wata nɔ go go insay. Dɔn i put di bebi insay di baskit ɛn put di baskit kɔnasay na di riva usay lɔŋ lɔŋ gras dɛn bi de gro.

Ɛksodɔs 2:3 Referans Kwoze

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Apɔsul Dɛn Wok 7:19

Dis nyu kiŋ ya tek advantej pan wi pipul dɛn ɛn i mek wi pipul dɛn sɔfa bad. I fos wi grampapa papa dɛn fɔ trowe dɛn pikin na do, mek di pikin dɛn go day.

Jɛnɛsis 6:14

Tek gud bod ɛn bil Ak fɔ yusɛf; mek rum dɛn insay ɛn kɔba am wit ta insay ɛn na do.

Matyu 2:16

Kiŋ Ɛrɔd bin vɛks bad wan wɛn i no se di trenja dɛn we bin kɔmɔt na di ist mek am ful. I pas lɔ se, dɛn fɔ kil ɔl dɛn bɔy pikin we de na Bɛtliɛm ɛn di tɔŋ dɛn we de rawnd Bɛtliɛm. I se dɛn fɔ kil frɔm di wan dɛn we bin dɔn ol tu ia kam dɔŋ to di wan dɛn we bin jɛs bɔn. Di kiŋ du dat fɔseka di wɔd we di trenja dɛn we bin kɔmɔt na di ist tɛl am bɔt Jizɔs, di tɛm we dɛn bin si di sta.

Ayzaya 18:2

we de sɛn ambasedɔ dɛn we de pas na Riva Nayl, insay bot dɛn we na papirɔs dɛn tek mek dɛn! Una go, una dɛn mɛsenja we gɛt spid to wan neshɔn we dɛn pipul gɛt ayt ɛn dɛn bɔdi smut, pipul dɛn we dɛn de fred ɔlɔbɔt, neshɔn we pawaful ɛn de kɔnka ɔlsay, we na riva dɛn divayd dɛn land.

Matyu 2:13

Afta di sɛnsman dɛn dɔn go, Gɔd sɛn wan enjɛl na drim fɔ wɔn Josɛf. Di enjɛl se, “Kiŋ Ɛrɔd de fɛn di pikin fɔ kil am, so grap tek di pikin ɛn in mama, rɔn go Ijipt wantɛm, ɛn lib de sote a tɛl yu fɔ kɔmɔt de.”

Jɛnɛsis 11:3

Dɛn tɛl dɛn kɔmpin se, “Una kam! Lɛ wi mek kle blɔk dɛn ɛn bek dɛn mek dɛn go traŋa gud gud wan.” So dɛn mek di kle blɔk ɛn yuz dɛn fɔ bil. Dɛn yuz ta lɛkɛ mɔta fɔ fasin dɛn.

Ayzaya 19:6

ɛn di kanal dɛn na Riva Nayl go stink, ɛn di branch dɛn na Riva Nayl we de na Ijipt go dray slo slo, dɛn plant dɛn we kin gro ɔnda wata, ɔl go day.

Jɛnɛsis 14:10

Dis vali bin pak ful wit ol dɛn we gɛt ta insay ɛn wɛn di kiŋ dɛn na Sɔdɔm ɛn Gomɔra bin de tray fɔ rɔnawe pan di fɛt, sɔm pan dɛn sojaman dɛn bin fɔdɔm insay dɛn ol ya, dɔn di balans rɔn go ɔp sɔm mawnten dɛn.

Ayzaya 35:7

di sansan we de bɔn pipul go tɔn usay wata de gɛda, ɛn di grɔn we tɔsti go tɔn usay wata de bɔs ɔnda grɔn; da say we dɛn jakal bin de pas pas go tɔn swamp, di gras go tɔn dɛn wata say gras dɛn.