Ɛksodɔs 2:25 - Krio Fɔs Oli Baybul

²⁵ PAPA GƆD bin si aw di Izrɛlayt dɛn de sɔfa i sɔri fɔ dɛn, ɛn i bin rɛdi fɔ ɛp dɛn.

Ɛksodɔs 2:25 Referans Kwoze

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Di Sam Dɛm 55:22

Lɛf ɔltin gi PAPA GƆD, ɛn i nɔ go lɛf yu dɔŋ; i nɔ de ɛva disapɔynt udat abop pan am.

Di Sam Dɛm 1:6

PAPA GƆD nɔ de tek jok fɔ udat de waka tret bɔt di bad man go sɔfa fɔ ɔl wetin i dɔn du.

Lyuk 1:25

I se, “Na Gɔd sɔri fɔ mi mek a gɛt bɛlɛ so, i dɔn pul mi kɔmɔt pan shem bifo mɔtalman.”

Matyu 7:23

Da tɛm de a go tɛl dɛn se, ‘A nɔ no una, una kɔmɔt klos mi, una we dɔn du bad.’

2 Samiɛl 16:12

I se sɔntɛm sɛf na dat go mek PAPA GƆD du gud to am fɔseka di kɔs we Shimɛay de kɔs am.

Job 33:27

mɔtalman go siŋ usay pipul dɛn de, se: a dɔn kɔmit sin ɛn dɔn du wetin nɔ rayt, bɔt PAPA GƆD nɔ du mi natin.

1 Samiɛl 1:11

I swɛ to PAPA GƆD Ɔlmayti se if i kin sɔri fɔ am nɔmɔ ɛn gi am wan bɔypikin, i go gi am bak to PAPA GƆD fɔ wok fɔ am te i day ɛn i nɔ go kɔt in ia.

Ɛksodɔs 1:8

Afta sɔntɛm, wan kiŋ we nɔ no natin bɔt Josɛf ɛn wetin i bin dɔn du bigin fɔ rul na Ijipt.

Apɔsul Dɛn Wok 7:34

A dɔn si di waala we mi pipul dɛn de pan na Ijipt. A dɔn yɛri we dɛn de pini bikɔs dɛn de sɔfa ɛn a dɔn kam dɔŋ naw fɔ kam pul dɛn pan dɛn waala. So kam, mek a sɛn yu go Ijipt.’

Ɛksodɔs 3:9

A dɔn yɛri we di Izrɛlayt dɛn de kray ɛn a dɔn si aw di Ijipshian dɛn de du dɛn bad.

Ɛksodɔs 18:8

Mozis ɛksplen to Jɛthro ɔl wetin PAPA GƆD du di kiŋ na Ijipt ɛn di Ijipshian dɛn fɔseka di Izrɛlayt dɛn. I tɛl am bɔt ɔl di prɔblɛm we dɛn gɛt na rod ɛn aw PAPA GƆD sev dɛn.

Ditarɔnɔmi 26:7

So dɛn bin pre to PAPA GƆD we na dɛn fɔstɛmpapa dɛn PAPA GƆD, ɛn i bin si ɔl wetin dɛn bin de pas.

Di Sam Dɛm 10:14

Bɔt yu, PAPA GƆD, de si ɛn no ɔltin; yu de si di sɔfa we pipul de sɔfa ɛn yu rɛdi fɔ fɛt dɛn kes. Na yu nɔmɔ dɛn de luk ɔp to. Yu na lɛk papa to udat nɔ gɛt nɔbɔdi.

Di Sam Dɛm 31:8

Yu nɔ mek mi ɛnimi dɛn ebul mi; yu dɔn gi mi alafia.