Ɛksodɔs 2:23 - Krio Fɔs Oli Baybul

²³ I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Ɛksodɔs 2:23 Referans Kwoze

Jems 5:4

Una nɔ pe dɛn pipul we de wok na una fam ɔl wetin dɛn fɔ gɛt. Dɛn dɔn le kɔmplen ɛn Gɔd we na di Masta we pas ɔl, dɔn yɛri dɛn.

Apɔsul Dɛn Wok 7:30

“Wɛn fɔti ia bin dɔn pas, wan enjɛl go mit Mozis na da ay il we nem Mawnt Saynay. Di enjɛl bin de insay di faya we bin de kɔmɔt pan wan smɔl tik.

Jɛnɛsis 16:11

Naw yu dɔn gɛt bɛlɛ ɛn na bɔypikin yu go bɔn. PAPA GƆD dɔn si yu waala, so yu fɔ gi di pikin nem Ishmɛl,

Ayzaya 19:20

I go bi sayn ɛn ɛvidɛns fɔ PAPA GƆD Ɔlmayti insay Ijipt; wɛn dɛn go kray to PAPA GƆD fɔseka we pipul dɛn go sɔprɛs dɛn, i go sɛn seviɔ we go pul dɛn kɔmɔt na di wan dɛn an, we de sɔprɛs dɛn.

Di Sam Dɛm 18:6

Wɛn a bin de pan trɔbul, a pre mek PAPA GƆD ɛp mi; a pre mek PAPA GƆD pul mi pan trɔbul i yɛri mi na ɛvin ɛn ansa mi prea.

Di Sam Dɛm 12:5

PAPA GƆD se i dɔn yɛri ɔl di kɔmplen we dɛn wan we want mek i ɛp dɛn de mek ɛn bikɔs di bad wan dɛn de du dɛn bad in go grap ɛn fɛt dɛn kes.

Nɛimaya 9:9

“Yu bin si di sɔfa we wi pipul dɛn bifo wi, sɔfa na Ijipt; yu yɛri we dɛn de ala midul di Rɛd Si.

Ditarɔnɔmi 24:15

I se dɛn no se po man abop pan wetin i go gɛt fɔ di de, so if dɛn nɔ pe am, i go kray to PAPA GƆD tɛl am bɔt dɛn, ɛn PAPA GƆD go lisin to am, ɛn na dɛn go gɛt di sin.

Ɛksodɔs 4:19

Bifo Mozis lɛf Midian fɔ go na Ijipt, PAPA GƆD bin dɔn tɛl am se mek i go bak na Ijipt bikɔs di wan dɛn we bin wan kil am de, dɛn ɔl dɔn day.

Jɛnɛsis 4:10

Nain PAPA GƆD se, “Wetin mek yu dɔn du dis bad tin ya so? Yu brɔda in blɔd de kray to mi frɔm di grɔn.

Di Nɔmba Dɛm 20:16

bɔt we dɛn kray to PAPA GƆD, i yɛri dɛn ɛn sɛn wan enjɛl we pul dɛn kɔmɔt na Ijipt. I se dɛn fɔ tɛl am se da tɛm de we dɛn de na Kedɛsh so dɛn de nain kɔntri in bɔda,

Ɛksodɔs 7:7

Mozis bin ol eti ia ɛn Erɔn bin ol eti tri ia di tɛm we dɛn bin go tɔk to di kiŋ.

Ayzaya 5:7

PAPA GƆD Ɔlmayti in greps fam na Izrɛl, ɛn di man dɛn na Juda na di fayn fayn plant dɛn we i plant; ɛn i luk fɔ jɔstis bɔt oya, soso blɔd; i luk fɔ di wan dɛn we de waka tret wit PAPA GƆD, bɔt oya, na kray!

Ɛksodɔs 1:14

Di Ijipshian dɛn fos dɛn fɔ de miks mɔta blɔk ɛn fɔ du ɔlkayn traŋa wok na di fam. Dɛn mek dɛn layf traŋa. Dɛn nɔ bin gɛt wan sɔri-at fɔ dɛn.

Ɛksodɔs 6:5

A want yu fɔ no se a dɔn yɛri di Izrɛlayt dɛn, we di Ijipshian dɛn tek mek slev dɛn kɔmplen ɛn a dɔn mɛmba di Kɔvinant we a bi mek wit dɛn papa dɛn.

Ɛksodɔs 6:9

We Mozis tɛl di Izrɛlayt dɛn wetin PAPA GƆD se, dɛn nɔ lisin to am sɛf. Dɛn at bin pwɛl bikɔs ɔf aw dɛn bin de sɔfa lɛkɛ slev.

1 Samiɛl 12:8

I tɛl dɛn aw Jekɔb ɛn in famili bin go de na Ijipt we di Ijipshian dɛn bin de du dɛn bad, dɛn beg PAPA GƆD fɔ ɛp dɛn dɔn in sɛn Mozis ɛn Erɔn we go pul dɛn grampa dɛn na Ijipt ɛn lɛf dɛn fɔ sɛtul usay dɛn de so.

Job 35:9

Bikɔs pipul dɛn de sɔfa tumɔs, dɛn kin kɔl lɛ pipul ɛp dɛn, bikɔs, di wan dɛn we gɛt pawa de du dɛn bad.

Di Sam Dɛm 102:1

PAPA GƆD yɛri mi prea; we a beg fɔ mek yu ɛp mi.

Di Jɔj Dɛm 4:3

Di Izrɛlayt dɛn beg PAPA GƆD fɔ ɛp dɛn bikɔs, Kiŋ Ezɔ we bin gɛt nayn ɔndrɛd karej, bin dɔn du wikɛd wikɛd tin dɛn to di Izrɛlayt dɛn fɔ twɛnti ia.

1 Samiɛl 9:16

in go sɛn wan man we kɔmɔt na Bɛnjamin fambul go to am, di sem tɛm we i de tɔk to am so. PAPA GƆD se, fɔ anɔynt am fɔ bi di pɔsin we in pik fɔ lid Izrɛl ɛn nain go pul dɛn na di Filistin dɛn an. I se in dɔn sɔri fɔ in pipul dɛn naw.

Di Sam Dɛm 102:2

Nɔ lɛf mi to misɛf we a de pan trɔbul lisin to mi ɛn mekes ansa mi we a de pre.