Ɛksodɔs 2:21 - Krio Fɔs Oli Baybul

²¹ Mozis gri fɔ tap wit di man ɛn i gi am in gyal pikin Zipora fɔ mared.

Ɛksodɔs 2:21 Referans Kwoze

Di Ibru Pipul Dɛn 13:5

Una nɔ put ɔl una at pan kɔpɔ ɔltɛm, una fɔ satisfay wit wetin una gɛt, bikɔs Gɔd dɔn se, “A nɔ go lɛf yu, a go de wit yu ɔltɛm fɔ ɛp yu.”

Jems 1:10

Mek di Kristiɛn we jɛntri gladi bikɔs Gɔd nɔ tek in jɛntri mek natin, bikɔs di jɛntri man go day lɛkɛ dɛn fayn flawa we wi kin si tide, tumara dɛn dɔn lɔs.

Di Ibru Pipul Dɛn 11:25

Mozis bin tɔk se, i bɛtɛ mek i sɔfa wit Gɔd in pipul dɛn, pas fɔ mek i gladi fɔ du bad we i no se da gladi de nɔ go te.

Fɔs Lɛta To Timoti 6:6

Fɔ du wetin Gɔd want de mek pɔsin jɛntri, if da pɔsin de satisfay wit in layf ɛn gladi fɔ di wok we i de du.

Ɛksodɔs 2:10

We di pikin dɔn big, in mama kɛr am go to di kiŋ in gyal pikin. Di kiŋ in gyal pikin tek di pikin lɛkɛ in yon pikin. I gi am nem Mozis bikɔs i se, “Na wata a pul am kɔmɔt.”

Di Nɔmba Dɛm 12:1

Miriam ɛn Erɔn bigin tɔk bɔt Mozis fɔseka di uman we i bin mared. Di uman na Kushayt.

Apɔsul Dɛn Wok 7:29

Wɛn Mozis yɛri wetin di man tɔk, i rɔnawe kɔmɔt Ijipt go sidɔm na wan kɔntri we nem Midian. Mozis bɔn tu bɔy pikin de.

Ɛksodɔs 2:20

I aks dɛn fɔ di man ɛn wetindu dɛn nɔ kɔl am fɔ kam it sɔntin. I tɛl dɛn mek dɛn go kɔl am fɔ kam it.

Ɛksodɔs 4:18

Afta dat Mozis go to in fadɛnlɔ Jɛthro ɛn beg am se in wan go bak na Ijipt fɔ go si aw in pipul dɛn de du. Jɛthro se in gri, ɛn blɛs am lɛ i go

Ɛksodɔs 3:1

Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Di Nɔmba Dɛm 10:29

Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.