Ɛksodɔs 2:2 - Krio Fɔs Oli Baybul

² Di uman gɛt bɛlɛ ɛn bɔn wan bɔypikin. We di uman si se dis pikin fayn so i ayd am na os tri mɔnt.

Ɛksodɔs 2:2 Referans Kwoze

Di Ibru Pipul Dɛn 11:23

Na bikɔs Mozis in mama ɛn papa dɛn bin biliv Gɔd, mek dɛn ayd am na os tri mɔnt afta i bɔn. Dɛn si se di pikin fayn, so dɛn nɔ fred fɔ brok di lɔ we di kiŋ pas se dɛn fɔ kil ɔl dɛn bɔy pikin.

Apɔsul Dɛn Wok 7:20

Da sem tɛm de, nain Mozis bɔn; na bin fayn pikin. Wɛn Mozis bin jɛs bɔn, in mama ɛn papa bin ayd am na os tri mɔnt.

Di Sam Dɛm 112:5

Dɛn go du gud to udat insɛf de du gud we frian, ɛn i nɔ miks pan rog.

Ɛksodɔs 6:20

Amram mared in dadi in sista Jokabɛd. Jokabɛd bɔn Erɔn ɛn Mozis fɔ am. Amram bi ol wan ɔndrɛd ɛn tati sɛvin ia we i day.

Di Nɔmba Dɛm 26:59

Amram in wɛf bin nem Jokibad, wan pan Livay in jɛnareshɔn dɛn we wan Livayt bin bɔn na Ijipt. Amram bɔn Erɔn, Mozis ɛn dɛn sista Miriam.

Ditarɔnɔmi 33:16

Mek dɛn gɛt ɔl di gud tin dɛn we di land gɛt, we na bin di blɛsin we di Gɔd we bin tɔk na bush we de bɔn, gi dɛn. I se mek dɛn blɛsin de pan Josɛf in jɛnareshɔn dɛn bikɔs nain na bin di lida fɔ in brɔda dɛn.

1 Samiɛl 16:12

So Jɛsi sɛn fɔ di bɔbɔ. Na so i fayn fɔ luk. Nain PAPA GƆD se, “Grap, anɔynt am, nain na di wan.”

2 Kiŋ 11:3

Di nɔsi ayd wit Joash fɔ siks ia na PAPA GƆD in os we Athalaya bin de rul as kwin.