Ɛksodɔs 19:9 - Krio Fɔs Oli Baybul

⁹ PAPA GƆD tɔk bak to Mozis. I se, “A de kam dɔŋ to yu insay wan tik, tik klawd fɔ lɛ di pipul dɛn go yɛri we a de tɔk to yu; dat go mek dɛn biliv yu frɔm naw sote go.” Dɔn Mozis tɛl PAPA GƆD wetin di pipul dɛn se.

Ɛksodɔs 19:9 Referans Kwoze

Ditarɔnɔmi 4:36

I mɛmba dɛn se dɛn bin de yɛri in vɔys ɔp di klawd we i kin de tɔk to dɛn fɔ lɛf fɔ du bad, ɛn dɛn bin si di faya na ath ya ɛn bin yɛri in vɔys we i bin de tɔk insay di faya.

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Matyu 17:5

Wɛn Pita dɔn tɔk dɔn, wan klawd we bin de shayn, kɔba dɛn, dɔn dɛn yɛri wan vɔys de tɔk na di klawd se, “Dis na mi Pikin we a lɛk bad, a gladi fɔ am, una lisin wetin i de tɛl una.”

Di Sam Dɛm 97:2

Nɔbɔdi nɔ de si am; bɔt ɔlman no se wɛn i de rul, i de rul tret wan.

Ɛksodɔs 20:21

Di pipul dɛn tinap fawe, dɔn Mozis in go usay di tik, tik klawd de fɔ go mit PAPA GƆD.

Ɛksodɔs 14:31

Wɛn di Izrɛlayt dɛn ɔl si PAPA GƆD di Ijipshian dɛn, dat mek dɛn fred PAPA GƆD. Dɛn biliv PAPA GƆD mɔ ɛn Mozis we nain savant.

Rɛvɛleshɔn 1:7

A de tɛl una se na midul klawd i go kam ɛn ɔlman go si am; dɛn pipul sɛf we bin chuk am go si am; pipul na ɔl dɛn kɔntri ɛn dɛn wan we de tɔk dɛn difrɛn difrɛn laŋwej na wɔl go sɔri bikɔs i de kam. Na so i go bi fɔ tru! Emɛn.

Lyuk 10:16

Jizɔs tɔk to in lanin bɔy dɛn. I se, “Ɛnibɔdi we lisin una, na mi da pɔsin de lisin. Ɛnibɔdi we nɔ gri fɔ du wetin una tɛl am fɔ du, na wetin a tɛl am fɔ du, nain i nɔ gri fɔ du; ɛn ɛnibɔdi we nɔ gri fɔ du wetin a tɛl am fɔ du, na wetin di pɔsin we sɛn mi tɛl am fɔ du, i nɔ gri fɔ du.”

Mak 9:7

Wantɛm wan klawd kam kɔba di san, dɛn yɛri vɔys de tɔk na di klawd se, “Dis na mi Pikin we a lɛk bad, una lisin wetin i de tɛl una.”

Ayzaya 19:1

Wetin PAPA GƆD se go apin to Ijipt. Una luk o, PAPA GƆD de rayd pantap wan klawd we gɛt spid ɛn kam na Ijipt; di laylay gɔd dɛn na Ijipt go trimbul bifo am ɛn di Ijipshian dɛn go wan day wit fred.

Ayzaya 7:9

Di ɛdkwata fɔ Ifrem na Sameria ɛn di edman fɔ Sameria na Kiŋ Peka. If yu nɔ go ebul biliv, fɔ tru, yu nɔ go ebul tinap.’”

2 Kronikuls 20:20

So dɛn grap ali mɔnin ɛn go na di ples we pɔsin nɔ go ebul tap na Tɛkoa; ɛn we dɛn bin de go, Jɛoshafat tinap ɛn tɔk se, “Una lisin mi una we de na Juda ɛn Jerusɛlɛm! Biliv PAPA GƆD we na una Gɔd, ɛn una go tinap traŋa; biliv in prɔfɛt dɛm ɛn una go sɔksid.”

2 Kronikuls 6:1

Nain Sɔlɔmɔn se, “PAPA GƆD dɔn tɔk se in go tap insay tik tik daknɛs.

1 Kiŋ 8:12

Sɔlɔmɔn tɔk se, “PAPA GƆD dɔn put di san ɔp di klawd, bɔt i se na usay tik tik daknɛs de i go de.

Ɛksodɔs 4:5

PAPA GƆD tɛl Mozis se, “Pafɔm dis mirekul fɔ mek di Izrɛlayt dɛn go biliv se na mi PAPA GƆD, di PAPA GƆD we dɛn fɔstɛm-papa dɛn dat na Ebraam Ayzak ɛn Jekɔb, bin de wɔship apia to yu.”

Ɛksodɔs 4:31

Di edman dɛn biliv se na PAPA GƆD sɛn Mozis ɛn Erɔn. We dɛn yɛri se PAPA GƆD dɔn si aw dɛn de sɔfa ɛn i rɛdi fɔ ɛp dɛn, dɛn baw dɛn ed ɛn wɔship am.

Ɛksodɔs 34:5

PAPA GƆD kam dɔŋ insay di klawd ɛn tinap de wit am. Dɛn PAPA GƆD kɔl in oli nem Gɔd.

Di Nɔmba Dɛm 12:5

PAPA GƆD apia insay klawd na di Tɛnt in domɔt ɛn kɔl Erɔn ɛn Miriam. We dɛn ɔltu go tinap bifo,

Di Sam Dɛm 99:7

Wɛn Mozis ɛn Erɔn pre, PAPA GƆD tɔk to dɛn frɔm di klawd; dɛn kip in lɔ ɛn du ɔl wetin i tɛl dɛn fɔ du.

Ditarɔnɔmi 4:10

I se dɛn fɔ tɛl dɛn aw na da de we dɛn bin de usay PAPA GƆD we na dɛn PAPA GƆD bin bɔs pan dɛn na Mawnt Saynay, PAPA GƆD bin tɛl am mek i gɛda ɔl di pipul dɛn bikɔs i want lɛ dɛn yɛri ɔl wetin i de tɔk, so dɛn go no se dɛn fɔ rɛspɛkt am te dɛn day ɛn dɛn fɔ lan dɛn pikin bɔt ɔl dɛn tin dɛn de.