Ɛksodɔs 19:6 - Krio Fɔs Oli Baybul

⁶ fɔ de sav mi ɛn bi midulman fɔ dɛn ɔda neshɔn dɛn. Na ɔl wetin a dɔn tɛl yu so yu fɔ tɛl di Izrɛlayt dɛn.”

Ɛksodɔs 19:6 Referans Kwoze

Rɛvɛleshɔn 5:10

Yu dɔn mek dɛn kam ɔnda Gɔd in rul ɛn bi pipul we de mek sakrifays to wi Gɔd, ɛn na dɛn go kam rul na dis wɔl.”

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Pita In Fɔs Lɛta 2:5

Una fɔ tan lɛkɛ ston we gɛt layf ɛn una fɔ mek Gɔd tek una bil di os we in Spirit de bil, na de una go mek sakrifays to Gɔd. Una go de du Gɔd in wok nɔmɔ, dat na fɔ de mek dɛn sakrifays we Gɔd in Spirit tɛl una fɔ mek, we go mek Gɔd satisfay fɔseka di wok we Jizɔs Krays dɔn du.

Rɛvɛleshɔn 1:6

ɛn i dɔn mek wi kam ɔnda Gɔd in rul ɛn bi pipul we de mek sakrifays to Gɔd we nain Papa. Jizɔs Krays gɛt ɔna ɛn pawa sote go. Emɛn.

Ditarɔnɔmi 7:6

I tɛl dɛn se dɛn na PAPA GƆD in pipul dɛn, ɛn se pan ɔl di ɔda pipul dɛn na di wɔl na dɛn nɔmɔ PAPA GƆD pik fɔ bi in spɛshal pipul dɛn.

Ditarɔnɔmi 28:9

PAPA GƆD go mek dɛn in yon oli pipul dɛn, jɛs lɛk aw i bin dɔn prɔmis, if dɛn obe PAPA GƆD we na dɛn PAPA GƆD ɛn du wetin i se paopa, dɛn fɔ du.

Ayzaya 62:12

Ɛn dɛn go kɔl dɛm Di oli pipul, Di wan dɛn we PAPA GƆD dɔn pe fɔ; ɛn dɛn go kɔl yu, Di wan we dɛn de luk fɔ, siti we dɛn nɔ lɛf to insɛf.

Ditarɔnɔmi 26:19

Mozis tɛl dɛn se, PAPA GƆD dɔn prɔmis dɛn se, in go mek Izrɛl shayn na di wanol wɔl; i go mek dɛn gɛt pawa pas ɔl ɔda neshɔn dɛn na di wɔl, dɛn go yɛri bɔt dɛn, tɔk dɛn gud nem, ɛn rɛspɛkt dɛn ɔlsay na di wɔl.

Lɛvitikɔs 19:2

mek i tɛl ɔl di Izrɛlayt dɛn se, dɛn fɔ oli bikɔs PAPA GƆD we na dɛn GƆD oli.

Lɛta Fɔ Rom 12:1

Mi kɔmpin Kristiɛn dɛn, bikɔs Gɔd de sɔri fɔ wi bad bad, a de beg una mek una gi una layf lɛkɛ sakrifays to Gɔd fɔ du in wok, ɛn fɔ du ɔl wetin i lɛk; na di tru we dat fɔ wɔship Gɔd.

Rɛvɛleshɔn 20:6

Ɔl dɛn pipul we fɔs kam gɛt layf bak afta dɛn bin dɔn day na pipul we gɛt blɛsin, dɛn gɛt wɔndaful blɛsin. Di sɛkɛn day nɔ go du dɛn natin; dɛn go bi pipul we de mek sakrifays to Gɔd ɛn Krays, ɛn dɛn go rul wit am fɔ wan tawzin ia.

1 Kɔrint 3:17

If ɛnibɔdi put dɔti insay Gɔd in Os, we i sin, Gɔd go pɔnish da pɔsin de bad, bikɔs Gɔd in Os na klin ples ɛn i nɔ de fɔ ɔda tin pas Gɔd biznɛs, na una na da os de.

Ayzaya 61:6

Bɔt dɛn go kɔl una PAPA GƆD in man we de mek sakrifays fɔ pipul sin dɛm, pipul dɛn go tɔk bɔt una se una na wi GƆD in minista dɛm; una go it di neshɔn dɛn jɛntri, ɛn una go ɛnjɔy insay dɛn jɛntri.

Lɛvitikɔs 20:26

I se dɛn gɛt fɔ oli lɛkɛ aw PAPA GƆD oli ɛn dɛn na PAPA GƆD yon pipul we mek dɛn difrɛn frɔm di ɔda wan dɛn.

Ditarɔnɔmi 14:21

I se di Izrɛlayt dɛn na oli pipul dɛn, so dɛn nɔ fɔ it animal we day fɔ insɛf. Dɛm kin giwe ɔ sɛl am gi dɛn trenja na dɛn siti dɛn if dɛn want am. Wan tin we dɛn nɔ fɔ ɛva du, na fɔ kuk yɔŋ ship ɔ got pikin we de sɔk bɔbi.

Lɛvitikɔs 21:23

bɔt i nɔ fɔ go nia di klos we ɛŋ na di domɔt ɔ di ɔlta bikɔs i gɛt bɔt ɛn i go put shem pan di tɛnt usay dɛn kin mit PAPA GƆD wit ɔl wetin de de; bikɔs nain na PAPA GƆD we de mek dɛn oli.

Lɛvitikɔs 20:24

Bɔt PAPA GƆD in dɔn tɛl dɛn se, dɛn go gɛt di land as dɛn prɔpati, dɛn go kapchɔ am, land we fayn fɔ plant ɛn mɛn animal dɛn. I se nain na PAPA GƆD we na dɛn PAPA GƆD ɛn nain dɔn mek dɛn difrɛn frɔm ɔda pipul.

Fɔs Lɛta Fɔ Tɛsalonayka 5:27

A de tɛl una fɔ rid dis lɛta to ɔl di Kristiɛn dɛn, bikɔs na dat di Masta insɛf want una fɔ du.

Ɛksodɔs 15:26

I tɛl dɛn se, “If nɔmɔ una du wetin mi PAPA GƆD we na una PAPA GƆD we no wetin rayt bifo mi yay tɛl una fɔ du; dɔn una kip ɔl mi kɔmandmɛnt ɛn ɔda lɔ dɛn, a nɔ go pɔnish una wit ɛniwan pan dɛn sik dɛn we a bin put pan di Ijipshian dɛn. Mi na PAPA GƆD, a nɔ go mek una sɔfa.”

Ɛksodɔs 22:31

“Una na man dɛn we oli to mi, so una nɔ fɔ it ɛni animal we wayl animal kil na bush; bifo dat una gi dɛn dɔg fɔ it.

1 Kiŋ 3:8

Yu savant de wit di pipul dɛn we yu dɔn pik. Ɛn dɛn bɔku, dɛn so bɔku dat i at fɔ kɔnt dɛn.

1 Kiŋ 8:53

PAPA GƆD, wɛn yu bin pul wi papa dɛn kɔmɔt na Ijipt, yu bin tɛl yu savant Mozis se, na dɛn yu dɔn pik pan dɛn ɔda kɔntri dɛn na wɔl se dɛn na yu yon bɔlyay.

1 Kronikuls 17:22

Ɛn yu mek Izrɛl we na yu pipul dɛn, fɔ bi yu pipul dɛn sote go; ɛn na yu, PAPA GƆD, dɔn bi dɛn PAPA GƆD.

Ayzaya 43:4

Bikɔs yu spɛshal na mi yay, ɛn yu gɛt ɔna, ɛn a lɛk yu, A giwe mɔtalman dɛn fɔ gɛt yu, ɛn ɛkschenj pipul dɛm fɔ yu layf.

Ayzaya 66:21

PAPA GƆD se, “na sɔm pan dɛm bak a go tek mek di man we de mek sakrifays fɔ pipul sin, ɛn livayt dɛm”.

Jɛrimaya 2:3

Izrɛl bin oli to PAPA GƆD, dɛn na bin di fɔs frut dɛn na di avɛst. Ɔl di wan dɛn we it pan am bin gilti stret; bad bad tin bin mit dɛm, na so PAPA GƆD se.

Jɛrimaya 7:23

Bɔt, na dis kɔmand a bin gi dɛm se, ‘Obe mi vɔys, ɛn a go bi una Gɔd ɛn una go bi mi pipul dɛm; una liv aw a se una fɔ liv, so dat una go ɛnjɔy una layf.’

Jɛrimaya 13:11

Bikɔs, lɛk aw skintayt kin grip pɔsin wes, na semweso a bin mek di wanol Izrɛl ɛn di wanol Juda ol mi tayt, so dat dɛn go bi mi yon pipul dɛm, pipul dɛn we go mek nem fɔ mi, we go mek dɛn prez mi, we go mek a femɔs; bɔt usay, dɛn nɔ gri lisin to mi. Na so PAPA GƆD se.

Emɔs 3:2

“Na una a pik pan ɔl dɛn pipul na di wɔl, so a go pɔnish una gud fashin fɔ wetin una du.”

Ɛksodɔs 28:36

“Mek piɔ gold krawn ɛn rayt pan am. “Oli fɔ PAPA GƆD”.

Di Nɔmba Dɛm 16:3

Dɛn ɔl mek wanwɔd ɛn nɔ gri wit wetin Mozis ɛn Erɔn se. Dɛn tɛl Mozis ɛn Erɔn se dɛn dɔn pasmak. Dɛn se ɔlman na Izrɛl oli ɛn PAPA GƆD de wit dɛnsɛf so wetin mek Mozis ɛn Erɔn fɔ de mek lɛk se dɛn bɛtɛ pas di ɔda pipul dɛn na PAPA GƆD in yay.

Di Sam Dɛm 114:2

PAPA GƆD mek usay di Juda pipul de bi di ples fɔ wɔship am; dɔn i tek wanol Izrɛl ɛn in pipul fɔ bi in yon prɔpati.

Egay 2:5

lɛkɛ aw i bin dɔn prɔmis dɛn wɛn i bin pul dɛn kɔmɔt na Ijipt. In Spirit go de wit dɛn, so dɛn nɔ fɔ fred.