Ɛksodɔs 19:4 - Krio Fɔs Oli Baybul

⁴ dɛn dɔn si fɔ dɛnsɛf aw a trit di Ijipshian dɛn. Dɛn si aw a tot dɛn lɛkɛ aw igul kin tot in pikin dɛn ɛn briŋ dɛn kam na ya to misɛf.

Ɛksodɔs 19:4 Referans Kwoze

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.

Ayzaya 40:31

bɔt di wan dɛn we biliv PAPA GƆD go gɛt frɛsh trɛnk, dɛn go flay go ɔp wit fɛda lɛk igul, dɛn go rɔn ɛn dɛn nɔ go taya; dɛn go waka ɛn dɛn nɔ go fil wik.

Rɛvɛleshɔn 12:14

Sɔmbɔdi bin gi di uman tu wiŋs, dat na da bɔd we dɛn kɔl igul, in big wan, in wiŋ dɛn, fɔ mek i flay go na di ples we de na di dɛzat, we dɛn bin dɔn kip fɔ am, dɛn go de mɛn am de fɔ tri ɛn af ia mek di dragɔn nɔ go ebul du am bad.

Ditarɔnɔmi 29:2

Mozis bin gɛda ɔl di pipul dɛn ɛn tɛl dɛn se, dɛn ɔl bin si ɔl wetin PAPA GƆD bin du Ijipt dɛn kiŋ ɛn in wokman dɛn ɛn di Ijipshian dɛn.

Ditarɔnɔmi 4:9

Bɔt wan impɔtant tin we Mozis tɔk na dat di Izrɛlayt dɛn fɔ mek shɔ se dɛn nɔ fɔgɛt ɔl wetin dɛn dɔn si, yɛri ɛn lan, sote dɛn day. I se dɛn fɔ mek shɔ se dɛn lan dɛn pikin ɛn granpikin dɛn ɔl di tin dɛn we i dɔn tɛl dɛn se PAPA GƆD se dɛn fɔ du ɛn nɔ fɔ du, ɛn ɔl di tin dɛn we bin apin.

Egay 2:5

lɛkɛ aw i bin dɔn prɔmis dɛn wɛn i bin pul dɛn kɔmɔt na Ijipt. In Spirit go de wit dɛn, so dɛn nɔ fɔ fred.

Malakay 2:10

Dɛn aks dɛnsɛf se if nɔto di sem papa dɛn gɛt ɛn if nɔto di wan PAPA GƆD mek dɛn ɔl. Dɛn gri se if na so, dɛn nɔ fɔ ambɔg di Kɔvinant we dɛn fɔstɛm-papa bin dɔn mek.

Ditarɔnɔmi 1:30

I se, PAPA GƆD we na dɛn GƆD we de wit dɛn, go ɛp dɛn fɛt jɛs lɛkɛ aw i fɛt fɔ dɛn we dɛnsɛf bin si wit dɛn yon yay na Ijipt,

Ditarɔnɔmi 1:31

ɛn na di ɛmti ples we pɔsin nɔ go ebul tap; dɛn bin no aw PAPA GƆD we na dɛn GƆD bin tinap fɔ dɛn ɔl usay dɛn bin go tete dɛn rich de, jɛs lɛkɛ aw ɛni papa go tinap fɔ in pikin.

Ditarɔnɔmi 29:1

Apat frɔm di Kɔvinant we Izrɛl dɛn bin dɔn mek wit PAPA GƆD na Mawnt Saynay, PAPA GƆD bin tɛl Mozis fɔ mek di Izrɛlayt dɛn mek frɛsh wan wit am na Moab. Na dɛn tin dɛn ya Mozis bin tɛl dɛn se dɛn fɔ de du we dɛn mek di sɛkɛn Kɔvinant wit PAPA GƆD.

Jɔshwa 23:3

bɔt di pipul dɛn fɔ mɛmba ɔl wetin PAPA GƆD du ɔda neshɔn dɛn fɔ dɛn sek; aw i fɛt fɔ dɛn fɔ dɛn sek.

Ozie 11:1

PAPA GƆD se Frɔm we Izrɛl smɔl nain i lɛk am ɛn frɔm we dɛn de Ijipt, nain i dɔn pik am fɔ bi in yon pɔsin.