Ɛksodɔs 19:22 - Krio Fɔs Oli Baybul

²² Dɛn man dɛn we de mek sakrifays fɔ pipul sin we de kam nia mi fɔ mek shɔ se dɛn mek dɛnsɛf piɔ, ɔ nɔ so a go pɔnish dɛn.

Ɛksodɔs 19:22 Referans Kwoze

Ɛksodɔs 24:5

I sɛn sɔm yɔŋ man dɛn fɔ bɔn animal as sakrifays ɛn kil kaw fɔ mek pis sakrifays to PAPA GƆD.

Apɔsul Dɛn Wok 5:10

Safayra fɔdɔm wantɛm ɛn day. Di man dɛn kam tek Safayra go bɛr am klos in man.

Apɔsul Dɛn Wok 5:5

Wɛn Ananayas yɛri wetin Pita tɔk, i fɔdɔm ɛn day. Ɔl dɛn wan we yɛri wetin bi, fred.

Ayzaya 52:11

Una go, una go, una go yanda, nɔ tɔch natin we dɔti na PAPA GƆD in yay; kɔmɔt to am go, go mek unasɛf klin na PAPA GƆD in yay, una we de tot di tin dɛn we dɛn de yuz na PAPA GƆD in os.

2 Kronikuls 30:15

Ɛn dɛn kil di shippikin fɔ di pasova di fotin day pan di sɛkɛn mɔnt. Shem, mek di man we de mek sakrifays fɔ pipul sin ɛn di Livayt dɛm tray mek dɛnsɛf oli ɛn dɛn briŋ bɔn ɔfrin dɛm kam na PAPA GƆD in os.

2 Kronikuls 30:3

as dɛn nɔ bin ebul kip am di tɛm we dɛn fɔ kip am bikɔs di man we de mek sakrifays fɔ pipul sin dɛn we bin dɔn mek dɛnsɛf oli, nɔ bin du, ɛn di pipul dɛnsɛf nɔ bin dɔn gɛda na Jerusɛlɛm yet.

1 Kronikuls 15:13

Bikɔs una nɔ bin tot am di fɔs tɛm, PAPA GƆD we na wi Gɔd bin vɛks kil pɔsin, bikɔs wi nɔ bin bisin fɔ du am di we we PAPA GƆD in lɔ se wi fɔ du am.”

Ɛksodɔs 19:5

So naw, if dɛn obe mi ɛn go akɔdin to mi Kɔvinant, dɛn go bi mi bɔlyay pan ɔl dɛn neshɔn na di wɔl. Ɛn na mi gɛt di wanol wɔl. Na dɛn a dɔn pik,

Ɛksodɔs 19:24

PAPA GƆD tɛl Mozis se lɛ i go dɔŋ go briŋ Erɔn kam ɔp to am. I se i nɔ fɔ mek di man dɛn we de mek sakrifays fɔ pipul sin ɛn di pipul dɛn fos fɔ go ɔp usay i de, ɔ nɔ so in go pɔnish dɛn.

Lɛvitikɔs 21:6

Dɛn fɔ oli fɔ PAPA GƆD ɛn nɔ put shem pan PAPA GƆD in nem; dɛn de mek sakrifays na faya to PAPA GƆD, ɛn nain it so dɛn fɔ oli.

Di Nɔmba Dɛm 11:18

Tɛl di pipul dɛn fɔ kɔnsikret ɛn rɛdi dɛnsɛf fɔ di nɛks de we dɛn go it bif. Tɛl dɛn se PAPA GƆD dɔn yɛri di nɔys we dɛn de mek se dɛn wish dɛn kin gɛt bif fɔ it ɔ dɛn bin bɛtɛ we dɛn de na Ijipt, so PAPA GƆD go gi dɛn di bif ɛn dɛn go it bif.