Ɛksodɔs 19:19 - Krio Fɔs Oli Baybul

¹⁹ Dɛn bigin yɛri di trɔmpɛt in sawnd lawd lawd wan, ɛn ɛnitɛm we Mozis tɔk, PAPA GƆD kin ansa am na di tɛnda.

Ɛksodɔs 19:19 Referans Kwoze

Di Sam Dɛm 81:7

We una bin de pan trɔbul, una kɔl mi fɔ ɛp una ɛn a kam ɛp una. We a bin de insay insay tɛnda, a ebul ansa una a tɛst una nɔmɔ wit di wata na Mɛriba

Ɛksodɔs 19:16

Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Di Ibru Pipul Dɛn 12:21

Wetin dɛn si na da ples de mek dɛn fred bad. Mozis insɛf tɔk se, “Di fred mek mi bɔdi trimbul.”

Nɛimaya 9:13

Yu kɔmɔt na ɛvin kam dɔŋ na Mawnt Saynay kam tɔk to dɛn. Yu gi dɛn lɔ ɛn kɔmand dɛn we gud ɛn dɛn nɔ pashal.

Ɛksodɔs 19:13

Nɔn an nɔ fɔ tɔch am. Dɛn fɔ ston am te i day ɔ dɛn shut am wit aro. Dɛn fɔ kil am I lɛk sɛf na mɔtalman ɔ animal. Na we dɛn yɛri trɔmpɛt blo dɛn fɔ go ɔp di mawnten.”

Di Ibru Pipul Dɛn 12:19

Dɛn yɛri trɔmpɛt blo ɛn vɔys tɔk. Wetin di vɔys tɔk mek dɛn fred bad wan, sote dɛn beg mek di vɔys nɔ tɔk igen,

Ditarɔnɔmi 4:36

I mɛmba dɛn se dɛn bin de yɛri in vɔys ɔp di klawd we i kin de tɔk to dɛn fɔ lɛf fɔ du bad, ɛn dɛn bin si di faya na ath ya ɛn bin yɛri in vɔys we i bin de tɔk insay di faya.

Di Nɔmba Dɛm 12:8

A de tɔk to am fes to fes, a nɔ de miks mi tɔk we a de tɔk to am. A de tɔk tret tɔk; i kin si aw a tan. Una nɔ de fred fɔ tɔk bɔt mi savant, Mozis?

Ditarɔnɔmi 5:22

Mozis tɛl dɛn se na dɛn tin dɛn de PAPA GƆD bin tɛl dɛn we dɛn bin de na da Mawnten we i bin tɔk to dɛn lawd lawd wan insay da faya we bin gɛt tik tik smok we bin mek di ples dak. I se na dat nɔmɔ PAPA GƆD bin tɛl dɛn ɛn i bin rayt dɛn na tu ston tablɛt gi in di Mozis.