Ɛksodɔs 19:18 - Krio Fɔs Oli Baybul

¹⁸ Di wanol Mawnt Saynay bin kɔba wit smok bikɔs PAPA GƆD bin kam dɔŋ lɛkɛ faya. Di smok bin de go ɔp lɛkɛ we big faya de kech ɛn dat mek di wanol mawnten shek.

Ɛksodɔs 19:18 Referans Kwoze

Di Jɔj Dɛm 5:5

Di mawnten dɛn shek bifo PAPA GƆD, Mawnt Saynay we de yanda shek bifo PAPA GƆD we na di PAPA GƆD na Izrɛl.

Di Sam Dɛm 144:5

PAPA GƆD, chɛr di klawd kam dɔŋ fɔ sev mi! Go dɔŋ na di mawnten dɔn smok go kɔmɔt de!

Rɛvɛleshɔn 15:8

Smok we sho Gɔd in pawa ɛn we sho aw i wɔndaful bin ful di ples, ɛn nɔbɔdi nɔ bin ebul go insay di ples te di sɛvin bad bad tin dɛn we di enjɛl dɛn bin briŋ, bin dɔn dɔn.

Ɛksodɔs 3:2

Na da ples de, PAPA GƆD in enjɛl apia to am na wan big faya we bin de kech pan wan smɔl tik, bɔt di tik nɔ bin de bɔn. Mozis sɔprayz fɔ si tin lɛk dat.

Jɛrimaya 4:24

A luk di mawnten dɛm, eya, dɛn bin de shek, ɛn ɔl di il dɛn bin de muf go bifo ɛn biɛn.

Jɛnɛsis 19:28

I luk dɔŋ na Sɔdɔm ɛn Gomɔra ɛn di vali, ɛn si tik tik smok de kɔmɔt dɔŋ de. Di smok tan lɛkɛ we big big faya de kech.

Di Sam Dɛm 104:32

Na luk nɔmɔ, i kin luk di ath, athkwek de tek ples, dɔn we i tɔch di mawnten, faya de bɔs de.

Ditarɔnɔmi 33:2

I se, PAPA GƆD kam dɔŋ Mawnt Saynay ɛn kɔmɔt lɛkɛ di san ɛn shayn lɛk san oba Idɔm, ɛn in layt bin de shayn kɔmɔt Mawnt Paran, tawzin tawzin enjɛl dɛn bin de wit am ɛn faya bin de kɔmɔt nain raytan.

Ditarɔnɔmi 5:22

Mozis tɛl dɛn se na dɛn tin dɛn de PAPA GƆD bin tɛl dɛn we dɛn bin de na da Mawnten we i bin tɔk to dɛn lawd lawd wan insay da faya we bin gɛt tik tik smok we bin mek di ples dak. I se na dat nɔmɔ PAPA GƆD bin tɛl dɛn ɛn i bin rayt dɛn na tu ston tablɛt gi in di Mozis.

Ɛksodɔs 24:17

Di we aw PAPA GƆD apia na di mawnten bin tan lɛkɛ faya we de bɔn na di Izrɛlayt dɛn yay.

Di Ibru Pipul Dɛn 12:26

Lɔntɛm, Gɔd in vɔys bin mek di grɔn shek, bɔt naw i dɔn mek wan prɔmis to wi. I se, “A go shek di grɔn wan tɛm mɔ, ɛn a go shek di klawd insɛf.”

Ayzaya 6:4

Di domɔt in fawndeshɔn shek we i yɛri di wan we de kɔl in vɔys, ɛn di os ful ɔp wit smok.

Jɛnɛsis 15:17

We di san dɔn go dɔŋ ɛn di ples dɔn dak, Ebram jɛs si wan pɔt we smok bin de kɔmɔt pan, ɛn wan faya tik jɛs pas midul di bif dɛn we i bin dɔn kɔt.

Pita In Sɛkɛn Lɛta 3:10

Di Masta go kam bak lɛkɛ aw tifman de kam na nɛt. Big nɔys go de da tɛm de ɛn di klawd go lɔs; faya go bɔn ɔl wetin de na di klawd lɛkɛ sta ɛn mun; ɛn dis wɔl ɛn ɔl wetin lib de, go bɔn.

Di Ibru Pipul Dɛn 12:18

Una nɔ tan lɛkɛ dɛn lɔntɛm Izrɛl pipul we bin de klos da ay il we dɛn kɔl Mawnt Saynay, we bin si ɔl wetin bin bi de. Dɛn tɛm de, faya bin de kech pan di mawnten, di ples bin dak, layt nɔ bin de, ɛn big big briz bin de blo.

Sɛkɛn Lɛta Fɔ Tɛsalonayka 1:8

faya we de kech go de fɔ pɔnish dɛn pipul we nɔ gri mek Gɔd kam na dɛn layf ɛn dɛn pipul we nɔ gri tek wetin di Gud Nyuz bɔt wi Masta Jizɔs tɛl dɛn.

Matyu 24:7

Wan kɔntri go fɛt ɔda kɔntri; wan neshɔn go fɛt ɔda neshɔn; bad aŋri go de na wɔl ɛn di grɔn go trimbul plɛnti say.

Zɛkaraya 14:5

Na dis vali ya we sheb di mawnten, nain dɛn go tek fɔ rɔnawe lɛkɛ aw di tɛm we Uzaya na bin kiŋ, dɛn fɔstɛm pipul bin rɔnawe we dɛn bin gɛt athkwek. PAPA GƆD gɛt fɔ kam wit ɔl in enjɛl dɛn.

Di Sam Dɛm 114:7

Di ath fɔ trimbul wit fred ɛnitɛm we PAPA GƆD, di PAPA GƆD we Jekɔb de wɔship de,

Di Sam Dɛm 77:18

Yu tɛnda in sawnd bin de pan di ebi briz we de tɔn rawnd wit spid; ɛn we yu laytin layt di wanol wɔl; ɛn ath trimbul ɛn shek.

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Ɛksodɔs 19:13

Nɔn an nɔ fɔ tɔch am. Dɛn fɔ ston am te i day ɔ dɛn shut am wit aro. Dɛn fɔ kil am I lɛk sɛf na mɔtalman ɔ animal. Na we dɛn yɛri trɔmpɛt blo dɛn fɔ go ɔp di mawnten.”

Sɛkɛn Lɛta Fɔ Tɛsalonayka 1:7

ɛn i go mek una we de sɔfa naw nɔ sɔfa igen, ɛn wisɛf nɔ go sɔfa igen. Gɔd go du dat di tɛm we Masta Jizɔs go kɔmɔt na ɛvin kam ɛn in enjɛl dɛn we gɛt pawa go fala am kam,

Rɛvɛleshɔn 9:2

Di sta opin di dip ol, na de plɛnti smok kɔmɔt insay de, lɛkɛ se na big big faya i de kɔmɔt; di san in layt nɔ shayn, bikɔs di smok mek di ples dak.

Jɛnɛsis 11:5

We di pipul dɛn de bil di tawa, PAPA GƆD kam dɔŋ kam luk wetin dɛn de du.

Ɛksodɔs 19:17

Mozis mek ɔlman kɔmɔt nain tɛnt. I mek dɛn fala am fɔ go mit PAPA GƆD. Dɛn ɔl bin tinap dɔŋ di mawnten.

Ɛksodɔs 34:2

Grap ali mɔnin kam ɔp Mawnt Saynay, ɛn mit mi rayt ɔp di mawnten.

Ditarɔnɔmi 5:4

bikɔs na to dɛn PAPA GƆD bin tɔk fes to fes insay da faya

Ayzaya 64:1

Aw a wish se yu go chɛr di skay dɛn ɛn kam dɔŋ, so di mawnten dɛn shek we dɛn si yu-

Ditarɔnɔmi 4:36

I mɛmba dɛn se dɛn bin de yɛri in vɔys ɔp di klawd we i kin de tɔk to dɛn fɔ lɛf fɔ du bad, ɛn dɛn bin si di faya na ath ya ɛn bin yɛri in vɔys we i bin de tɔk insay di faya.

Nɛimaya 9:13

Yu kɔmɔt na ɛvin kam dɔŋ na Mawnt Saynay kam tɔk to dɛn. Yu gi dɛn lɔ ɛn kɔmand dɛn we gud ɛn dɛn nɔ pashal.

Di Sam Dɛm 18:9

I chɛr di klawd kam dɔŋ fɔ sev mi ɛn put daknɛs bitwin mi ɛn mi ɛnimi dɛn.

Di Sam Dɛm 68:9

PAPA GƆD, yu mek ren fɔdɔm bɔku bɔku wan we mek wi gɛt bɔku it.

Di Sam Dɛm 77:19

Yu waka wit yu pipul insay di wata yu krɔs wit dɛn bɔt nɔbɔdi nɔ ebul si yu fut in mak.

Di Sam Dɛm 114:4

Noto pikin gladi di mawnten ɛn il dɛn bin gladi. Dat mek di mawnten dɛn jomp lɛkɛ we got gladi ɛn di il dɛn jomp lɛkɛ dɛn pikin ship we dɛn lɛf de.

Abakɔk 3:6

I kin tek stand fɔ luk wetin de apin na wɔl; wɛn i luk, ɔl di pipul na wɔl de trimbul. Di mawnten dɛn we bin dɔn de frɔm tɛm kin skata; dɔn di il dɛnsɛf we bin dɔn de frɔm tɛm kin jɛs lɔs, na so i bin dɔn de du lɔntɛm.