Ɛksodɔs 19:16 - Krio Fɔs Oli Baybul

¹⁶ Wɛn do klin di tɔd de, big big tɛnda krak ɛn laytin flash, nain wantɛm tik, tik klawd apia na di mawnten, ɛn lawd, lawd trɔmpɛt blo. As ɔl dis de bi, ɔlman trimbul wit fred.

Ɛksodɔs 19:16 Referans Kwoze

Rɛvɛleshɔn 4:1

Wɛn dat dɔn dɔn a si ɔda tin; a si do opin na ɛvin: a yɛri di vɔys bak we bin sawnd lɛkɛ trɔmpɛt de tɔk to mi. Di vɔys se, “Kam ɔp ya, so dat a kin sho yu dɛn tin we mɔs apin bambay.”

Di Ibru Pipul Dɛn 12:21

Wetin dɛn si na da ples de mek dɛn fred bad. Mozis insɛf tɔk se, “Di fred mek mi bɔdi trimbul.”

Rɛvɛleshɔn 11:19

Wantɛm Gɔd in Os na ɛvin opin, na de a si di bɔks we dɛn put di tin we dɛn rayt di agrimɛnt we Gɔd mek wit mɔtalman pan. Dɛn laytin bigin kɔt, big big nɔys bigin mek, tɛnda bigin krak, di grɔn bigin trimbul, plɛnti plɛnti tin dɛn lɛkɛ ays ren bigin fɔdɔm.

Rɛvɛleshɔn 8:5

Dɛn di enjɛl tek di insɛns pɔt, i tek faya na di tebul we dɛn bin de mek sakrifays to Gɔd, put am insay di insɛns pɔt, dɔn i trowe am pan di wɔl. Na de tɛnda bigin krak, laytin bigin kɔt, big big nɔys bigin mek ɛn di grɔn bigin trimbul.

Rɛvɛleshɔn 4:5

Laytin bin de flash, tɛnda bin de rol, plɛnti nɔys bin de na di say we di fɔs ay chia bin de, di sɛvin lamp dɛn bin layt frɔnt di chia, dɛn lamp ya na Gɔd in sɛvin spirit dɛn.

Di Sam Dɛm 77:18

Yu tɛnda in sawnd bin de pan di ebi briz we de tɔn rawnd wit spid; ɛn we yu laytin layt di wanol wɔl; ɛn ath trimbul ɛn shek.

Job 38:25

“Udat mek di rod we ebi ren de pas fɔdɔm kam dɔŋ, ɛn di say we tɛnda in nɔys de pas,

Ɛksodɔs 20:18

Naw, wɛn di pipul dɛn yɛri di tɛnda ɛn di trɔmpɛt ɛn si di laytin ɛn di smok na di mawnten, dɛn fred ɛn bigin trimbul, so dɛn muf kɔmɔt usay dɛn bin de go fawe lilibit.

Ɛksodɔs 19:9

PAPA GƆD tɔk bak to Mozis. I se, “A de kam dɔŋ to yu insay wan tik, tik klawd fɔ lɛ di pipul dɛn go yɛri we a de tɔk to yu; dat go mek dɛn biliv yu frɔm naw sote go.” Dɔn Mozis tɛl PAPA GƆD wetin di pipul dɛn se.

Ɛksodɔs 9:23

So Mozis pɔynt in tik to di skay, ɛn PAPA GƆD sɛn di ren we i bin dɔn tɔk bɔt ɛn di ren fɔdɔm wit tɛnda, ɛn laytin. Na so PAPA GƆD tek sɛn dis kayn ren ya na Ijipt.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Jɛrimaya 5:22

PAPA GƆD se, una nɔ de fred mi? Una nɔ de trimbul bifo mi? A put sansan as bawndri fɔ di si, baria we de de ɔltɛm we i nɔ de pas; i lɛk aw di swɛlin dɛn tɔnɔbɔ, dɛn nɔ de pas da bawndri de, i lɛk aw dɛn ala, dɛn nɔ go ebul jomp am.

Di Sam Dɛm 97:4

In laytin de gi layt to ɔlman na wɔl; dɛn we mɔtalman si am, i de trimbul wit fred.

Di Sam Dɛm 50:3

Wi PAPA GƆD de kam bɔt nɔto kwayɛt wan; wayl faya go de kech bifo am, ɛn tinada go de blo rawnd am.

2 Kronikuls 5:14

we mek di man dɛn we de mek sakrifays fɔ pipul sin nɔ bin ebul tinap fɔ du dɛn wok, fɔseka di klawd; bikɔs PAPA GƆD in glori ful PAPA GƆD in os.

Ɛksodɔs 40:34

PAPA GƆD apia lɛkɛ klawd we tan lɛkɛ fɔg oba di Tɛnt. I kɔba di wanol ples.

Matyu 24:31

Trɔmpɛt go blo lawd wan, dɔn i go sɛn in enjɛl dɛn ɔlɔbɔt na wɔl frɔm wan ɛnd to di ɔda fɔ gɛda dɛn pipul we i dɔn pik fɔ bi in yon, ɛn briŋ dɛn kam to am.

Ɛksodɔs 19:11

rɛdi dɛnsɛf fɔ di tɔd de, bikɔs na da de de a go kam dɔŋ na Mawnt Saynay usay ɔlman go si mi.

Ɛksodɔs 19:15

I tɛl dɛn se dɛn ɔl fɔ rɛdi dɛnsɛf bay di tɔd de; ɛn nɔbɔdi nɔ fɔ tɔch uman.

Ɛksodɔs 19:17

Mozis mek ɔlman kɔmɔt nain tɛnt. I mek dɛn fala am fɔ go mit PAPA GƆD. Dɛn ɔl bin tinap dɔŋ di mawnten.

Ɛksodɔs 20:21

Di pipul dɛn tinap fawe, dɔn Mozis in go usay di tik, tik klawd de fɔ go mit PAPA GƆD.

Ditarɔnɔmi 5:5

ɛn nain Mozis na bin di midul man we bin go ɔp di mawnten de tɛl dɛn wetin PAPA GƆD bin de tɔk bikɔs dɛn bin de fred di faya. Mozis mɛmba dɛn se PAPA GƆD bin tɔk se,

2 Samiɛl 22:10

I chɛr di klawd kam dɔŋ fɔ sev mi ɛn put daknɛs bitwin wi tu.

Neum 1:3

PAPA GƆD na PAPA GƆD we pawaful i peshɛnt i kin mek shɔ se udat de du bad gɛt di pe we i de fɛt fɔ. Wi de si am insay di briz we de blo; di klawd dɛn na di dɔti we in fut de mek.

Di Sam Dɛm 81:8

“Izrɛl, mi pipul una lisin we a de wɔn una; if una lisin, una go tek mi wɔnin!