Ɛksodɔs 19:10 - Krio Fɔs Oli Baybul

¹⁰ PAPA GƆD tɔk bak to Mozis, I se, “Go dɔŋ to di pipul dɛn ɛn tɛl dɛn se lɛ dɛn kip dɛnsɛf piɔ ɛn oli. Dɛn fɔ du dat tide ɛn tumara: ɛn lɛ dɛn was dɛn klos ɛn

Ɛksodɔs 19:10 Referans Kwoze

Di Ibru Pipul Dɛn 10:22

So, lɛ wi biliv pan Jizɔs Krays gud wan; lɛ wi kam klos Gɔd wit ɔl wi at, bikɔs Jizɔs in blɔd dɔn klin wi at; ɛn wi na pipul we dɔn was wi bɔdi na di klin wata.

Lɛvitikɔs 11:25

ɛn if ɛnibɔdi tot ɛni pat pan dɛn day wan, i fɔ was in klos ɛn i nɔ go klin na PAPA GƆD yay te ivintɛm.

Jɛnɛsis 35:2

So Jekɔb tɛl ɔl dɛn wan we de nain os fɔ trowe ɔl dɛn tin we dɛn kin de wɔship, fɔ was ɛn wɛr klin klos.

1 Kɔrint 6:11

Sɔm pan una bin tan lɛkɛ dɛn pipul ya we a jɛs tɔk bɔt so. Bɔt Masta Jizɔs Krays dɔn pul una sin kɔmɔt pan una; Jizɔs Krays dɔn gi una to Gɔd; Masta Jizɔs Krays ɛn Gɔd in Spirit dɔn mek ɔltin rayt bitwin una ɛn Gɔd.

Di Nɔmba Dɛm 8:21

Di Livayt dɛn mek dɛnsɛf klin bifo PAPA GƆD ɛn was dɛn klos dɛn. Dɔn Erɔn in gi dɛn to PAPA GƆD lɛkɛ wev sakrifays ɛn beg PAPA GƆD fɔ lɛ i fɔgiv dɛn sin ɛn mek dɛn klin nain yay.

Lɛvitikɔs 15:5

Ɛn ɛnibɔdi we tɔch in bed go was in klos dɛn, was insɛf ɛn i nɔ go klin na PAPA GƆD yay te ivintɛm.

Jɔshwa 3:5

Jɔshwa tɛl di pipul dɛn se mek dɛn mek dɛnsɛf klin bifo PAPA GƆD bikɔs PAPA GƆD go du wɔnda di nɛks de.

Di Nɔmba Dɛm 8:7

Fɔ mek dɛn klin na mi yay, na dɛn tin ya yu fɔ du: sprinkul di spɛshal wata pan dɛn we fɔ yuz fɔ klin dɛn, dɔn mek dɛn shev dɛn wanol bɔdi ɛn was dɛn klos dɛn. Na so dɛn go mek dɛnsɛf klin na mi yay.

Rɛvɛleshɔn 7:14

A ansa am se, “Mi nɔ no dɛn, sa. Na yu no dɛn, sa.” Na de i se, “Dɛn pipul ya na dɛn wan we bin tinap traŋa wɛn da big trɔbul bin fɔdɔm. Dɛn dɔn tek di Ship in blɔd was dɛn klos, mek dɛn wayt.

Jɔshwa 7:13

PAPA GƆD tɛl Jɔshwa se mek i go tɛl di pipul dɛn se mek di pipul dɛn mek dɛnsɛf klin bifo in PAPA GƆD, bikɔs in PAPA GƆD we na dɛn PAPA GƆD se, di tin dɛn we i bin dɔn se fɔ nyakanyaka de na dɛn kamp, ɛn pas dɛn pul dɛn ɛn nyakanyaka dɛn, dɛn go de lɔs fɛt ɔltɛm.

2 Kronikuls 29:5

ɛn i tɛl dɛn se, “Una lisin mi una dɛn Livayt dɛm! Una mek unasɛf klin na PAPA GƆD in yay ɛn mek PAPA GƆD we na una fɔstɛmpapa dɛn Gɔd in os klin nain yay, ɛn pul ɔltin we de mek i dɔti nain yay, kɔmɔt de.

Di Nɔmba Dɛm 31:24

Di de we mek sɛvin, dɛn fɔ was dɛn klos dɛn fɔ klin na PAPA GƆD yay. Dɛn i se, da tɛm de dɛn kin go insay di kamp.

Job 1:5

Ɛvri mɔnin afta di pati kin dɔn, Job kin mek shɔ se i sɛn go was dɛn; spɛshal was fɔ mek shɔ se dɛn klin na PAPA GƆD yay; i kin grap ali mɔnin mek bɔn ɔfrin fɔseka dɛn ɔl. I kin tink se sɔntɛm we dɛn de na di pati, dɛn dɔn du ɔ se sɔntin we go dɔn mek PAPA GƆD vɛks pan dɛn. Na so Job bin de du ɔltɛm.

2 Kronikuls 29:34

Bɔt di man we de mek sakrifays fɔ pipul sin dɛn tu smɔl ɛn dɛn nɔ du fɔ sibɔt krep ɔl di ɔfrin dɛn we dɛn de bɔn. So, sote di ɔda man we de mek sakrifays fɔ pipul sin dɛm dɔn mek dɛnsɛf oli dɛn brɔda dɛm di Livayt dɛm ɛp dɛm sote di wok dɔn – bikɔs di Livayt dɛn at rayt wit Gɔd pas di man we de mek sakrifays fɔ pipul sin dɛn wɛn i kam pan fɔ mek dɛnsɛf oli.

1 Samiɛl 16:5

Samiɛl ansa dɛn se lɛ dɛn nɔ wɔri. I se in kam mek sakrifays to PAPA GƆD. I se lɛ dɛn mek dɛnsɛf klin bifo PAPA GƆD ɛn fala am go mek di sakrifays. Dɔn in mek Jɛsi ɛn in bɔypikin dɛn klin bifo PAPA GƆD ɛn invayt dɛn to di sakrifays.

Rɛvɛleshɔn 22:14

Blɛsin go de pan dɛn pipul we de was dɛn klos na di Ship in blɔd fɔ mek dɛn klin. Dɛn go gɛt di rayt fɔ go insay da tɔŋ de ɛn it di tin dɛn we di tik we de gi layf, de bia.

Di Nɔmba Dɛm 11:18

Tɛl di pipul dɛn fɔ kɔnsikret ɛn rɛdi dɛnsɛf fɔ di nɛks de we dɛn go it bif. Tɛl dɛn se PAPA GƆD dɔn yɛri di nɔys we dɛn de mek se dɛn wish dɛn kin gɛt bif fɔ it ɔ dɛn bin bɛtɛ we dɛn de na Ijipt, so PAPA GƆD go gi dɛn di bif ɛn dɛn go it bif.

Di Nɔmba Dɛm 19:19

Na di tɔd de ɛn di de we mek sɛvin, di man we klin fɔ sprinkul di man we nɔ klin ɛn na di de we mek sɛvin i fɔ klin. Di pɔsin we dɛn de mek klin fɔ was in klos ɛn was wit di wata bɔt i nɔ go klin na PAPA GƆD yay te ivintɛm.

2 Samiɛl 19:24

Mɛfiboshɛth we na Sɔl in grampikin insɛf go dɔŋ go mit di kiŋ. Frɔm we di kiŋ lɛf Jerusɛlɛm i nɔ sibɔt in fut, i nɔ shev ɔ was in klos te da de de we di kiŋ tɔn bak sef wan.

Di Nɔmba Dɛm 31:23

ɛn ɛni ɔda tin we nɔ go pwɛl if i go na faya, fɔ go de. Di lɔ se na da tɛm de i go klin. I se bɔt dɛn fɔ was am bak wit da wata we de mek dɛn klin na PAPA GƆD yay. Dɔn wetin go pwɛl we i go na faya, i se, dɛn jɛs gɛt fɔ was am wit da wata de mek i go klin na PAPA GƆD yay.