Ɛksodɔs 18:7 - Krio Fɔs Oli Baybul

⁷ Mozis insɛf go mit in fadɛnlɔ, i lidɔm na grɔn fɔ sho rɛspɛkt ɛn kis am nain jɔ; dɛn aks dɛnsɛf aw dɛn de du, dɔn dɛn go insay Mozis in tɛnt.

Ɛksodɔs 18:7 Referans Kwoze

Jɛnɛsis 29:13

We Leban yɛri di nyuz bɔt in sista in pikin Jekɔb se i kam, i rɔn go mit am, kis am, ɛn kɛr am go nain os. Dɔn Jekɔb tɛl Leban ɔl wetin dɔn apin.

1 Kiŋ 2:19

Bathshiba go to Kiŋ Sɔlɔmɔn fɔ go tɔk to am fɔ Adonayja. Wɛn di kiŋ si in mama, i grap nain chia baw to am ɛn sidɔm bak; dɔn i mek dɛn briŋ ɔda ay chia fɔ am fɔ lɛ i sidɔm nain raytan.

2 Samiɛl 11:7

Wɛn Yuraya rich, Devid aks bɔt di fɛt ɛn aw ɔlman de du.

Jɛnɛsis 19:1

We di tu enjɛl dɛn rich na Sɔdɔm da ivin tɛm de, dɛn mit Lɔt sidɔm na di siti in get. As i si dɛn de kam so, i grap go mit dɛn. I butu in fes na grɔn bifo dɛn,

Jɛnɛsis 18:2

I es in ed ɔp ɛn si tri man dɛn tinap bifo am. We i si dɛn, i grap kwik go mit dɛn ɛn butu in fes na grɔn.

Jɛnɛsis 14:17

We Ebram dɔn bit Kiŋ Kɛdɔlaoma ɛn di ɔda kiŋ dɛn, di kiŋ na Sɔdɔm bin go mit am na di vali na Shavɛ we dɛn kin kɔl Kiŋ in Vali.

Apɔsul Dɛn Wok 28:15

Wɛn di Kristiɛn dɛn na Rom yɛri se wi de kam na Rom, sɔm mit wi na di makit na Apiɔs ɛn sɔm mit wi na wan ples we nem Tri Trenja Os. Wɛn Pɔl si dɛn, dat kɔrej am, i tɛl Gɔd tɛnki.

Apɔsul Dɛn Wok 20:37

Dɛn ɔl bin de kray; dɛn go grip Pɔl ɛn kis am nain jɔ fɔ tɛl am gudbay.

Lyuk 7:45

Wɛn a kam na yu os, yu nɔ kis mi sɛf, bɔt frɔm we a kam, dis uman jɛs de kis mi fut.

Di Sam Dɛm 2:12

Put yusɛf dɔŋ bifo PAPA GƆD in bɔypikin mek i nɔ vɛks ɛn dɔnawe wit yu, bikɔs i kin vɛks ɛnitɛm. I go fayn fɔ ɔl udat de go to am fɔ mek i kɔba dɛn.

Di Jɔj Dɛm 11:34

We Jɛftha kam bak na Mizpa, nain in gyal pikin kɔmɔt de bit tamborin ɛn dans de go tɛl in papa kabɔ. Na bin in wangren pikin. Apat frɔm da wande, i nɔ gɛt nɔn ɔda bɔy ɔ gyal pikin.

Di Nɔmba Dɛm 22:36

Wɛn Kiŋ Belak yɛri se Belam kam, i go mit am na rod na wan Moabayt siti we de na Anɔn bɔda insay in kɔntri.

Jɛnɛsis 46:29

Josɛf dɔn rɛdi in ɔs ɛn karej ɛn go de go mit in dadi Izrɛl. As Josɛf rich to in dadi so, i grip am ɛn kray fɔ lɔŋ pan am wit gladi.

Jɛnɛsis 45:15

Dɛn i kis in brɔda dɛn wan bay wan. Na so i de kray wit gladi. Afta dat, in brɔda dɛn fil fri fɔ tɔk to am.

Jɛnɛsis 31:28

I se Jekɔb nɔ mek i kis in gyal pikin dɛn ɛn in grampikin dɛn ɛn tɛl dɛn gudbay. Ɛn dis mek i tɔk se Jekɔb biev lɛkɛ fulman.

Jɛnɛsis 43:26

We Josɛf rich na os, dɛn kɛr di prɛzɛnt dɛn we dɛn bin dɔn briŋ insay di os, go gi am ɛn dɛn baw to am.

Ɛksodɔs 4:27

PAPA GƆD tɛl Erɔn fɔ go na di ples we pɔsin nɔ go ebul tap fɔ go mit Mozis, in ɛn Mozis mit na PAPA GƆD in mawnten, i kis am fɔ tɛl am adu.

Ɛksodɔs 18:6

Jɛthro sɛn wɔd to Mozis se in de kam wit in wɛf ɛn in tu bɔypikin dɛn.

Ɛksodɔs 33:7

Ɛnitɛm we di pipul dɛn kin bil dɛn kamp, Mozis kin tek di Tɛnt ɛn put am na say we de fa lilibit. Dɛn kin de kɔl am se “Di Tɛnt usay PAPA GƆD de.” Ɛnibɔdi we want no wetin PAPA GƆD mekɔp fɔ am kin go insay di Tɛnt.

1 Samiɛl 17:18

I gi Devid tɛn pakɛt chiz ɛn tɛl am fɔ gi di kɔmanda nain brɔda dɛn grup. Dɛn Jɛsi tɛl Devid lɛ i luk aw in brɔda dɛn de du ɛn briŋ sɔntin fɔ sho se dɛn ɔl rayt.

1 Samiɛl 17:22

Devid lɛf di tin dɛn we i kɛr go wit di kwatamasta ɛn rɔn go tɛl in brɔda dɛn adu na di wɔ frɔnt.