Ɛksodɔs 18:4 - Krio Fɔs Oli Baybul

⁴ dɔn i bin gi di sɛkɛn wan nem Ɛliaza, we min di PAPA GƆD we mi papa de wɔship dɔn sev mi ɛn mek di kiŋ na Ijipt nɔ kil mi.”

Ɛksodɔs 18:4 Referans Kwoze

Di Ibru Pipul Dɛn 13:6

Na dat mek wi shɔ bɔt wetin wi de tɔk wɛn wi se, “Na Gɔd de ɛp mi ɔltɛm, natin nɔ go mek a fred, bikɔs mɔtalman nɔ gɛt ɛni pawa fɔ du mi bad.”

Sɛkɛn Lɛta To Timoti 4:17

Bɔt di Masta bin de wit mi ɛn i gi mi pawa, we mek a ebul tɛl pipul ɔl di mɛsej, mek ɔl dɛn wan we nɔto Ju, yɛri; ɛn i mek a nɔ go insay layɔn mɔt.

Apɔsul Dɛn Wok 12:11

Pita kechɔp se i nɔ bin de drim ɛn ɔl wetin bi na tru tin. I se, “A no naw se na tru tin dis we bi! Na di Masta sɛn in enjɛl fɔ kam pul mi kɔmɔt na Ɛrɔd in an ɛn fɔ mek di Ju pipul dɛn nɔ ebul du ɔl dɛn bad tin we dɛn bin want du mi.”

Daniɛl 6:22

Mi PAPA GƆD sɛn in eŋɛl kan lɔk di layɔn dɛn mɔt, ɛn dɛn nɔ du mi natin bikɔs bifo PAPA GƆD, a nɔ bin du natin bad; ɛn a nɔ bin du ɛnitin bad to yu.”

Di Sam Dɛm 46:1

PAPA GƆD na wi sikyɔriti, i rɛdi fɔ pul wi pan trɔbul ɔltɛm.

Di Sam Dɛm 34:4

A pre to PAPA GƆD ɛn i yɛri mi; i pul de fred kɔmɔt pan mi.

Di Sam Dɛm 18:48

I sev mi frɔm mi ɛnimi dɛn ɛn pul mi na di wan dɛn we nɔ wan si mi dɛn an; As fɔ dɛn wan we kin kil pɔsin fɔ natin, i pul dɛn kɔmɔt biɛn mi, saful.

Di Sam Dɛm 18:1

E PAPA GƆD, a lɛk yu! Yu na di wan we de gi mi trɛnk.

1 Kronikuls 23:15

Mozis in bɔypikin dɛm na Gashɔm ɛn Ɛlieza.

Ɛksodɔs 2:15

We di kiŋ yɛri bɔt wetin Mozis du i tray fɔ kil am, bɔt Mozis rɔnawe go tap na Midian. We i rich na Midian i go sidɔm nia wan wɛl.

Apɔsul Dɛn Wok 7:29

Wɛn Mozis yɛri wetin di man tɔk, i rɔnawe kɔmɔt Ijipt go sidɔm na wan kɔntri we nem Midian. Mozis bɔn tu bɔy pikin de.

Di Ibru Pipul Dɛn 11:34

dɛn go ɔt faya we bin de kech big big wan, bɔt natin nɔ du dɛn; ɛn pantap dat, Gɔd pul dɛn kɔmɔt na dɛn pipul dɛn an we nɔ bin lɛk dɛn ɛn we bin want kil dɛn wit sɔd. Dɛn nɔ bin gɛt trɛnk, bɔt Gɔd gi dɛn trɛnk; i gi dɛn pawa ɛnitɛm we dɛn de fɛt na wa, so dɛn ebul mek dɛn soja man we kɔmɔt ɔda kɔntri rɔnawe.

Jɛnɛsis 49:25

Mek yu papa dɛn GƆD ɛp yu. Mek GƆD Ɔlmayti blɛs yu wit blɛsin we kɔmɔt na ɛvin ɛn blɛsin we kɔmɔt ɔnda, ɛvin ɛn mek yu gɛt di blɛsin we go mek yu mɛn plɛnti animal ɛn plɛnti pikin dɛn.

Ɛksodɔs 2:22

Zipora bɔn wan bɔypikin fɔ Mozis ɛn gi am nem Gashɔm. I gi am dis nem bikɔs i se i na fɔrina na pipul kɔntri.

Ɛksodɔs 4:20

So Mozis tek in wɛf ɛn in bɔypikin dɛn, dɛn put dɛn na dɔŋki ɛn ol rod go na Ijipt. I mek shɔ se i tek tɛl am fɔ tek.

1 Kronikuls 23:17

Ɛlieza in bɔypikin dɛm na Riabaya we na di big wan; Ɛlieza nɔ bin gɛt ɛni ɔda bɔypikin, bɔt Riabaya in bin bɔn bɔku bɔku bɔypikin dɛm!

Ɛksodɔs 10:28

Di kiŋ ala pan Mozis fɔ Kɔmɔt bifo am. I se i nɔ want fɔ si Mozis in fes igen, bikɔs di de we Mozis go go bifo am Mozis go day.