Ɛksodɔs 18:21 - Krio Fɔs Oli Baybul

²¹ Dɔn igen, Mozis fɔ pik man dɛn we de fred PAPA GƆD, man dɛn we ɔnɛs ɛn nɔ de tek brayb; i se na dɛn man dɛn de i fɔ put inchaj lɛkɛ chif edman. I se sɔm go de rul lɛkɛ tu-tri tawzin pipul, sɔm tu-tri ɔndrɛd, sɔm na fifti, ɛn sɔm na tɛn tɛn.

Ɛksodɔs 18:21 Referans Kwoze

Apɔsul Dɛn Wok 6:3

Na dat mek wi want una fɔ pik sɛvin pipul pan unasɛf, we wi go mek du dis wok. Una fɔ pik pipul we una ɔl rɛspɛkt, dɛn fɔ gɛt Gɔd in Spirit ɛn dɛn fɔ sabi bɔt tin dɛn gud.

Izikɛl 18:8

I nɔ de tek intrɛst pan mɔni we i lɛnt pɔsin ɔ prɔfitia, i nɔ de gri du bad, ɛn de kɛriawt wetin rayt bitwin pipul dɛm we plaba de,

2 Samiɛl 23:3

Di PAPA GƆD we Izrɛl de wɔship, a min, di PAPA GƆD we de kɔba Izrɛl tɛl mi se: “Ɛni kiŋ we de fred PAPA GƆD ɛn de du wetin rayt,

Fɔs Lɛta To Timoti 3:3

i nɔ fɔ de drɔnk, i nɔ fɔ de vɛks kwik kwik, i nɔ fɔ de mek plaba; i nɔ fɔ lɛk mɔni;

Zɛkaraya 8:16

I se, na dɛn tin ya dɛn fɔ du: fɔ de tɔk tru to dɛnsɛf, fɔ gi rayt jɔjmɛnt ɛn fɔ de mek pis,

Zɛkaraya 7:9

PAPA GƆD Ɔlmayti se dɛn fɔ mek fia ple de, trit dɛn kɔmpin fayn ɛn sɔri fɔ dɛn kɔmpin.

Izikɛl 22:12

Sɔm man de we de tek brayb fɔ kil; una de tek intrɛs ɛn ad mɔ pan di mɔni ɛn mek prɔfit na una neba dɛn ed bay pawa; ɛn una dɔn fɔgɛt bɔt mi, Na so Papa Gɔd we na Gɔd se.

Jɛrimaya 5:1

Rɔn ɔp ɛn dɔŋ di trit dɛm na Jerusɛlɛm, luk ɛn tek notis! Sach in opin ples dɛn si if yu go fɛn wan pɔsin, pɔsin we trit ɔlman ikwal ɛn de tɔk tru; so dat a go sɔri fɔ Jerusɛlɛm.

Ɛkliziastis 12:13

Tɔk am go, tɔk am kam, una dɔn yɛri ɔltin. Fred PAPA GƆD ɛn du wetin i se fɔ du; bikɔs na dat nɔmɔ mɔtalman gɛt fɔ de du.

Prɔvabs 28:2

Wɛn kɔntri nɔ du wetin rayt na PAPA GƆD yay, dɛn go de mek ku ɔltɛm bɔt kɔntri go tinap deŋ if i gɛt lida dɛn we gɛt sɛns.

Di Sam Dɛm 15:5

I de lɛnt pipul mɔni ɛn nɔ de aks fɔ intrɛst. Na pɔsin we nɔ de tek brayb fɔ lay pan pipul. Dis kayn pɔsin na pɔsin we at fɔ kɔrɔpt.

Job 31:13

“If a nɔ bin de lisin mi uman ɛn man wokman dɛn, we dɛn de tɛl mi wetin a du dɛn we dɛn nɔ lɛk;

Job 29:16

Mi na bin dɛn po man dɛn papa ɛn a kin tray fɔ no bɔt pipul dɛnsɛf we a nɔ no, dɛn prɔblɛm.

Nɛimaya 7:2

A put Ananaya we na bin kɔmanda fɔ di ples we pɔsin kin rɔn go ayd ɛn mi brɔda we na Anani inchaj ɔf Jerusɛlɛm. Ananaya na man we nɔ gɛt bɛnbɛn, i no wetin i de du ɛn i de fred PAPA GƆD pas bɔku ɔda man dɛn.

Nɛimaya 5:9

A tɛl dɛn igen se, wetin dɛn de du nɔ fayn. A aks dɛn se if i nɔ bɛtɛ fɔ biev lɛkɛ udat gɛt fred fɔ PAPA GƆD ɛn avɔyd fɔ mek dɛn pegan dɛn laf dɛn.

1 Samiɛl 8:3

Bɔt dɛn nɔ bin tan lɛkɛ am atɔl. Dɛn bin de du wetin dɛn fil fɔ du. Dɛn bin de du ɔlkayn ɔnda-an tin fɔ mek mɔni, tek brayb ɛn de pan soso kukujumuku.

Ɛksodɔs 18:25

Mozis pik man dɛn wit rɛspɛkt ɛn mek dɛn edman fɔ di pipul dɛn. Sɔm bin de rul tu-tri tawzin, sɔm tu-tri ɔndrɛd, sɔm na fifti, ɛn sɔm na tɛn.

Jɛnɛsis 22:12

Nain di enjɛl se, “Nɔ du natin to da po pikin, nɔ tɔch am! A dɔn no naw se, yu de fred PAPA GƆD, bikɔs yu gri fɔ sakrifays yu wangren bɔypikin to am. Dat dɔn sho se yu rɛdi fɔ obe PAPA GƆD pan ɔltin.”

Apɔsul Dɛn Wok 20:33

A nɔ bin put yay pan ɛnibɔdi prɔpati lɛkɛ silva, gold ɛn fayn klos.

Ayzaya 59:4

Nɔbɔdi nɔ de kɛr pɔsin go kot we i nɔ gɛt bakin, nɔbɔdi nɔ de kɛr pɔsin go kot ɔnɛs wan; dɛn kin abop pan ɛmti pli, ɛn kin lay, dɛn kin plan na dɛn maynd fɔ du bad, bɔt na sin dɛn kin kɔmit

Ayzaya 33:15

Di pipul dɛn we de waka tret wit PAPA GƆD ɛn de tɔk tret tɔk, pipul we tek di prɔfit we pɔsin we de sɔprɛs pipul de mek, pipul we nɔ de gri tek brayb, pipul we de lɔk dɛn yes we pipul dɛn de plan fɔ shɛd blɔd ɛn de lɔk in yay lɛ i nɔ si bad tin.

Jɛnɛsis 42:18

Di de we mek tri, nain Josɛf tɛl dɛn se in na man we de fred PAPA GƆD, if dɛn du wetin in tɛl dɛn, dɛn nɔ go day.

Lyuk 18:4

Plɛnti tɛm di uman kin beg di jɔj, bɔt di jɔj nɔ kin gri fɔ tek in kes. Bɔt wande, nain di jɔj se, ‘Na tru se, a nɔ de fred Gɔd ɛn a nɔ rɛspɛkt nɔbɔdi,

Lyuk 18:2

Jizɔs se: “Wan jɔj bin de na wan tɔŋ we nɔ bin fred Gɔd ɔ rɛspɛkt mɔtalman.

Ayzaya 16:5

datɛnde, dɛn go mek wan tron wit traŋa lɛknɛs ɛn di wan we de jɔj ɛn de si se dɛn trit ɔlman di sem, ɛn nɔ de wɛstɛn fɔ waka tret wit PAPA GƆD go sidɔm na di tron insay Devid in tɛnt, de du wetin rayt.

1 Kiŋ 18:12

I se in nɔ no usay PAPA GƆD in Spirit go kɛr am go i lɛf am, bikɔs, if in go tɛl Eab se Ilayja dɔn kam, dɔn Eab nɔ ebul fɛn am, Eab go kil am; ɛn i dɔn de wɔship PAPA GƆD frɔm we in smɔl.

1 Kiŋ 18:3

so Eab sɛn kɔl Obadaya bikɔs nain bin de inchaj ɔf di kiŋ in sto. Obadaya na man we bin biliv PAPA GƆD.

1 Samiɛl 8:12

aw i go mek sɔm bi kɔmanda dɛn na ami fɔ de kɔmand tawzin, tawzin sojaman ɔ fifti, fifti sojaman, sɔm i go tɔn dɛn to fama fɔ de rɛdi in grɔn fɔ plant ɛn fɔ de pik di it we rɛp; sɔm i go aks dɛn fɔ mek wɛpɔn ɛn fɔ rɛdi in ɔs ɛn karej fɔ go batul;

Jɔshwa 22:14

tɛn chif we wan wan kɔmɔt na di tɛn fambul, ɛn di edman dɛn na di difrɛn famili dɛn na Izrɛl.

Di Nɔmba Dɛm 10:4

If na wan nɔmɔ dɛn blo, di lida dɛn we na di big wan dɛn fɔ di difrɛn famili dɛn na Izrɛl fɔ kam tinap bifo yu, usay yu de.

Jɛnɛsis 47:6

Ijipt na dɛn yon. I se lɛ dɛn pik ɛnisay fɔ tap ɛn lɛ Josɛf gi dɛn di bɛst say na di kɔntri. I se Goshɛn nɔto bad ples fɔ tap ɛn if ɛniwan pan dɛn sabi di wok mek i ɛp in mɛn in yon animal dɛn.

Di Nɔmba Dɛm 1:4

So ich fambul fɔ gi am wan man we nain na di big wan na di fambul fɔ ɛp am.

Di Nɔmba Dɛm 1:16

Na dɛn man dɛn ya dɛn bin pik pan di Izrɛlayt dɛn. Na dɛn bin de lid dɛn fambul dɛn ɛn dɛn na bin di big wan dɛn pan di fambul dɛn na Izrɛl.

Ditarɔnɔmi 22:18

Mozis se di bigman dɛn na di siti fɔ kech di man we lay pan in wɛf ɛn bit am gud wan,

Ɛzra 7:25

Ɛn yusɛf Ɛzra fɔ yuz di sɛns we PAPA GƆD gi yu fɔ pik magistret ɛn jɔj dɛn; man dɛn we sabi PAPA GƆD in lɔ fɔ de jɔj kes ɛn rul di pipul dɛn na di wɛst pat na Riva Yufretis. If ɛnibɔdi de we nɔ sabi di lɔ yu fɔ tich am.

Job 1:1

Wan man bin de we nem Job, ɛn i bin tap na Ɔz. Job na bin gud man ɛn i bin de waka tret wit PAPA GƆD. In fred ɛn rɛspɛkt fɔ PAPA GƆD, ɛn in layf nɔ bin gɛt wan bɔt.

Di Sam Dɛm 15:1

PAPA GƆD, udat fit fɔ go insay yu os fɔ wɔship? Udat go ebul liv na Zayɔn, yu oli il?

Ɛksodɔs 17:9

So Mozis tɛl Jɔshwa se lɛ i pik man dɛn we go fɛt di Amalɛkayt dɛn. I se di nɛks de, in go tinap pantap di il wit di tik we PAPA GƆD bin tɛl am se i fɔ ol nain an.

2 Samiɛl 18:1

Devid gɛda ɔl di man dɛn we bin de wit am ɛn pik kɔmanda dɛn. Sɔm i gi dɛn tawzin tawzin pipul ɛn sɔm na ɔndrɛd ɔndrɛd nɔmɔ.