Ɛksodɔs 18:11 - Krio Fɔs Oli Baybul

¹¹ Na naw a dɔn no se PAPA GƆD pawaful pas ɔl dɛn ɔda gɔd dɛn, bikɔs i dɔn pul in pipul dɛn kɔmɔt na di Ijipshian dɛn an wɛn dɛn trit dɛn bad.”

Ɛksodɔs 18:11 Referans Kwoze

Di Sam Dɛm 95:3

bikɔs wi PAPA GƆD na PAPA GƆD we big ɛn in na Kiŋ fɔ ɔl dɛn ɔda gɔd dɛn.

Ɛksodɔs 15:11

PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

2 Kronikuls 2:5

Di os we a de kam bil go big bad bad wan, bikɔs wi Gɔd pawaful pas ɔl ɔda gɔd dɛm.

Lyuk 1:51

I dɔn sho se in gɛt pawa, i dɔn kɔnfyus dɛn wan we prawd ɛn mek dɛn rɔnawe ɛn pwɛl ɔl wetin dɛn bin mekɔp fɔ du.

Di Sam Dɛm 135:5

A no se PAPA GƆD pawaful, ɛn i pas ɔl dɛn ɔda gɔd dɛn.

Daniɛl 4:37

Naw, mi Nɛbyukadnɛza, de prez ɛn es in nem ɔp, ɛn gi ɔna to di kiŋ na ɛvin, bikɔs ɔl wetin i de du kɔrɛkt ɛn ɔl wetin i de du nɔ gɛt bɛn bɛn; ɛn i de briŋ dɔŋ dɛn wan dɛn we de mek prawd.

Di Sam Dɛm 97:9

PAPA GƆD na yu na PAPA GƆD, di wan we de rul di wanol wɔl yu pas ɛni ɔda gɔd dɛn.

1 Kronikuls 16:25

Bikɔs PAPA GƆD na gret Gɔd, ɛn nɔto bebi prez fɔ prez am, ɛn dɛn fɔ fred am pas ɔl dɛn ɔda gɔd dɛm.

Jems 4:6

Bɔt di blɛsin we Gɔd gi wi pas di bad we de na wi at. Dɛn rayt na Gɔd in Buk se, “Gɔd nɔ de gri mek dɛn prawd pipul gɛt dɛn yon we, bɔt i de blɛs dɛn wan we nɔ prawd.”

Di Sam Dɛm 119:21

Yu nɔ de tɔlaret udat de kak; udat nɔ de obe yu lɔ dɛn go alaki.

Nɛimaya 9:10

We yu no se di Kiŋ, in ɔfisa dɛn ɛn ɔl in pipul dɛn na Ijipt de trit dɛn bad yu ple wɔnda ɛn ple mirekul pan dɛn. Yu mek nem fɔ yusɛf we de te tide.

2 Kiŋ 5:15

Neman ɛn ɔl in trup tɔn bak go mit di prɔfɛt ɛn tɛl am se na naw in no se PAPA GƆD nɔ de nɔn we na di wɔl pas Izrɛl, so in de beg am lɛ i tek di prɛzɛnt we i briŋ fɔ am.

Pita In Fɔs Lɛta 5:5

Semwe so, una we smɔl fɔ de du wetin dɛn bigman tɛl una fɔ du. Nɔbɔdi nɔ fɔ mek prawd pan in kɔmpin, bɔt una fɔ de ɛp una kɔmpin; lɛkɛ aw dɛn rayt na Gɔd in Buk, we dɛn se, “Gɔd go tɔn in bak pan dɛn pipul we prawd ɛn i go sho dɛn wan we nɔ prawd aw i gud.”

Di Sam Dɛm 31:23

Ɔl udat de wɔship PAPA GƆD una lɛk am ɛn du wetin i tɛl una fɔ du! Wans yu fethful to am i nɔ de kɔmɔt biɛn yu, bɔt udat de mek gbiŋbin, de gɛt in pe PAPA GƆD go gi am bunya sɛf.

Nɛimaya 9:29

Yu wɔn dɛn mek dɛn go bak ɛn du wetin de na di lɔ we yu gi dɛn, bɔt usay, dɛn traŋayes ɛn nɔ gri fɔ du wetin yu se. Dɛn sin ɛn nɔ gri biev lɛkɛ aw yu se. Yu se if mɔtalman biev lɛkɛ aw yu want, i go gɛt lɔŋ layf. Dɛn bin de mek traŋa at pan yu so dɛn nɔ ivin lisin we yu de tɔk to dɛn.

Nɛimaya 9:16

Bɔt usay, wi fɔstɛm pipul dɛn bin ambɔgin ɛn traŋayes so dɛn nɔ obe di kɔmand we yu gi dɛn.

1 Kiŋ 17:24

Di uman tɛl am se na naw in no fɔ tru tru se in na man ɔf PAPA GƆD, ɛn wetin kɔmɔt nain mɔt na PAPA GƆD put am de.

1 Samiɛl 2:3

Nɔ mek plɛnti nɔys se yu de blɔf nɔ de kak bikɔs PAPA GƆD na PAPA GƆD we no ɔltin, ɛn nain de pe ɔlman fɔ wetin i du.

Ɛksodɔs 14:18

Ɛn wɛn a dɔn dɔnawe wit di Ijipshian dɛn dɔn, dɛn go no fɔ tru se mi na PAPA GƆD.”

Ɛksodɔs 14:8

PAPA GƆD mek di kiŋ na Ijipt in at traŋa mɔ. Di kiŋ rɔnata di Izrɛlayt dɛn, ɛn PAPA GƆD bin de gyad dɛn.

Ɛksodɔs 12:12

“Da sem nɛt de a go pas na Ijipt ɛn kil ɔl di fɔs-bɔy-pikin dɛn ɛn ɔl di fɔs man animal dɛn, ɛn a go briŋ jɔjmɛnt pan ɔl di gɔd dɛn na Ijipt bikɔs mi na PAPA GƆD.

Ɛksodɔs 10:3

So Mozis ɛn Erɔn go mit di kiŋ ɛn se, “Di Ibru dɛn PAPA GƆD se, ‘aw lɔŋ yu nɔ go gri fɔ put yusɛf dɔŋ ɛn obe am. I se mek yu lɛf in pipul dɛn mek dɛn go wɔship am.

Ɛksodɔs 5:7

I se mek dɛn tap fɔ gi di pipul dɛn strɔ fɔ mek di kle blɔk dɛn, lɛ dɛn go fɛn strɔ fɔ dɛnsɛf.

Ɛksodɔs 5:2

Bɔt di kiŋ ansa se, udat na da PAPA GƆD de ɛn wetin fɔ mek in lisin to dɛn ɛn mek di Izrɛlayt dɛn go. I se in nɔ no da PAPA GƆD de ɛn a nɔ go mek di Izrɛlayt dɛn go.

Ɛksodɔs 1:22

So mek di kiŋ gi ɔda to ɔl in pipul dɛn fɔ mek dɛn trowe ɛni bɔypikin we dɛn Ibru uman go bɔn na Riva Nayl, bɔt dɛn fɔ lɛf di gyal pikin dɛn fɔ liv.

Ɛksodɔs 1:16

I se we dɛn go ɛp di Ibru uman dɛn we wan bɔn, dɛn fɔ kil ɛni bɔypikin as dɛn bɔn am, bɔt if na gyal pikin, dɛn fɔ mek i liv.

Ɛksodɔs 1:10

So, dɛn fɔ tek tɛm aw dɛn de dil wit dɛn Izrɛlayt dɛn, ɔ nɔ so dɛn go kɔntinyu fɔ de boku, ɛn if wa fɔdɔm na di kɔntri dɛn go want jɔyn dɛn ɛnimi dɛn ɛn fɛt dɛn ɛn dɛn go rɔnawe kɔmɔt na di kɔntri lɛf dɛn.

Di Nɔmba Dɛm 33:4

da tɛm de ɔl di Ijipshian dɛn bin de bɛr dɛn fɔs pikin dɛn we day wɛn PAPA GƆD ple wɔwɔ insay Ijipt we i shɔ dɛn gɔd dɛn wetin i kin du.