Ɛksodɔs 18:10 - Krio Fɔs Oli Baybul

¹⁰ Nain i se, “Lɛ wi Prez PAPA GƆD we pul una kɔmɔt na di kiŋ na Ijipt ɛn di Ijipshian dɛn an.

Ɛksodɔs 18:10 Referans Kwoze

2 Samiɛl 18:28

Dɛn Aimaaz ala tɛl di kiŋ se ɔltin ɔrayt. I baw wit in fes na grɔn to di kiŋ ɛn se, “Lɛ wi prez PAPA GƆD we na yu GƆD! I dɔn mek mi kiŋ ebul di wan dɛn we nɔ bin wan si am.”

Jɛnɛsis 14:20

Lɛ wi prez PAPA GƆD we pas ɔl we dɔn mek yu bit yu ɛnimi dɛn!” Ebram sheb ɔl di tin dɛn we di ɛnimi bin dɔn lut tɛn pat. Ɛn i gi Mɛlkizidɛk wan pat.

Lyuk 1:68

I se: “Lɛ wi prez wi Masta we na di Izrɛl pipul dɛn Gɔd, bikɔs i dɔn kam to in pipul dɛn fɔ fri dɛn.

Pita In Fɔs Lɛta 1:3

Lɛ wi tɛl Gɔd, we na Masta Jizɔs Krays in Papa, tɛnki! Bikɔs Gɔd sɔri fɔ wi, i mek Jizɔs Krays rayz frɔm di grev fɔ gi wi nyu layf, na dat mek wi abop fɔ gɛt layf we go de sote go,

Fɔs Lɛta Fɔ Tɛsalonayka 3:9

Wi kin tɛl Gɔd tɛnki naw fɔ una. Wi tɛl am tɛnki fɔ di gladi we wi kin gladi wɛn wi kam bifo am fɔ pre fɔ una, bikɔs una stil biliv pan am.

Lɛta Fɔ Ɛfisɔs 1:3

Lɛ wi prez Gɔd we na Masta Jizɔs Krays in Papa, bikɔs i dɔn blɛs wi we gɛt wanwɔd wit Krays wit ɔl dɛn blɛsin we de na ɛvin.

Di Sam Dɛm 41:13

Prez PAPA GƆD we na Izrɛl dɛn PAPA GƆD, i de as PAPA GƆD sote go Emɛn! Emɛn!

1 Kiŋ 8:15

Dɔn i se, “Prez PAPA GƆD Izrɛl dɛn PAPA GƆD, we nain yon an i dɔn tek fɔ du wetin i prɔmis mi Papa Devid, we i se,

Jɛnɛsis 24:27

I se, “A de prez yu PAPA GƆD. Yu we na PAPA GƆD fɔ mi masta Ebraam. Fɔ tru tru yu lɛk mi masta ɛn de du gud to am. Yu dɔn briŋ mi tret to mi masta in fambul dɛn.”

1 Samiɛl 15:6

Dɛn i tɛl di Kɛnayt dɛn fɔ muf kɔmɔt to di Amalɛkayt dɛn mek i nɔ dɔnawe wit dɛn ɛn di Amalɛkayt dɛn togɛda, as dɛn bin trit di Izrɛlayt dɛn fayn we dɛn bin de kɔmɔt na Ijipt. So di Kɛnayt dɛn kɔmɔt usay di Amalɛkayt dɛn de.

1 Samiɛl 25:32

So Devid tɛl Abigɛl se i fɔ tɛl PAPA GƆD we na di PAPA GƆD we Izrɛl de wɔship tɛnki fɔ we i sɛn Abigɛl to am da de de.

1 Kiŋ 8:56

“Lɛ wi Prez PAPA GƆD we dɔn gi kol at to in yon pipul dɛn we na di Izrɛlayt dɛn lɛkɛ aw i bin prɔmis. I nɔ fel pan natin pan ɔl di prɔmis dɛn we i bin mek to Mozis.