Ɛksodɔs 18:1 - Krio Fɔs Oli Baybul

¹ Jɛthro, dat na di man we de mek sakrifays fɔ pipul sin na Midian, ɛn we sɛf na Mozis in fadɛnlɔ, yɛri ɔl wetin PAPA GƆD dɔn du fɔ Mozis ɛn fɔ dɛn Izrɛlayt dɛn dat na PAPA GƆD in pipul dɛn ɛn aw i pul dɛn kɔmɔt na Ijipt.

Ɛksodɔs 18:1 Referans Kwoze

Ɛksodɔs 3:1

Mozis bin de mɛn in fadɛnlɔ we bin nem Jɛthro in ship ɛn got dɛn. Jɛthro na man we bin de mek sakrifays fɔ pipul sin na Midian. Wande, Mozis bin kɛr di ship ɛn got dɛn go insay di ples we pɔsin nɔ go ebul tap te rich Mawnt Ɔrɛb, we na we PAPA GƆD in mawnten.

Ɛksodɔs 2:16

Wan man bi de Midian we bin de mek sakrifays fɔ pipul sin. I bin gɛt sɛvin gyal pikin. Dɛn bin go na di wɛl fut gɛt wata tɔn am na di dɛn papa in ship ɛn got dɛn de drink.

Apɔsul Dɛn Wok 14:27

Wɛn dɛn rich Antiɔk, dɛn gɛda ɔl di pipul dɛn we bin biliv pan Jizɔs ɛn tɛl dɛn ɔl wetin Gɔd mek dɛn du ɛn aw Gɔd mek dɛn pipul we nɔto Ju biliv pan Jizɔs.

Zɛkaraya 8:23

PAPA GƆD se, da tɛm de, tɛn man pan ɔl di trayb dɛn na wɔl, go grip wan Ju man in klos de se lɛ dɛn go wit am bikɔs dɛn dɔn yɛri se, PAPA GƆD de wit am.

Di Sam Dɛm 106:2

Nɔbɔdi nɔ go ebul tɔk bɔt ɔl wetin PAPA GƆD de du; nɔbɔdi nɔ go ɛva prez PAPA GƆD aw i fɔ prez am.

Di Sam Dɛm 105:43

So i mek in pipul kɔmɔt Ijipt dɛn gladi wande siŋ;

Di Sam Dɛm 78:4

Wi nɔ go ayd dɛn pan wi pikin dɛn; wi go tɛl di nɛks jɛnareshɔn bɔt PAPA GƆD in wɔndaful wok. Wi go tɛl dɛn aw i gɛt pawa ɛn bɔt ɔl di mirekul dɛn we i dɔn du.

Di Sam Dɛm 44:1

PAPA GƆD, wi dɔn yɛri fɔ wisɛf; wi fɔstɛm pipul dɔn tɛl wi wetin yu bin du fɔ dɛn dɛn yon tɛm.

Di Sam Dɛm 34:2

Wit ɔl mi at, a go blɔf fɔ wetin PAPA GƆD de du; lɛ udat de sɔfa, yɛri wetin a de se ɛn jɔyn mi fɔ prez PAPA GƆD.

Jɔshwa 9:9

Dɛn ansa Jɔshwa se dɛn si dɛnsɛf lɛkɛ Jɔshwa dɛn slev dɛn ɛn kɔmɔt na wan fawe kɔntri. Dɛn kam fɔseka PAPA GƆD bikɔs dɛn dɔn yɛri bɔt an ɛn ɔl wetin i dɔn du na Ijipt,

Jɔshwa 2:10

Reab se dɛn bin dɔn yɛri bɔt aw PAPA GƆD mek di rɛd si dray lɛ di Izrɛlayt dɛn krɔs. I se dɛn bin yɛri igen bɔt aw dɛn bin nyakanyaka dɛn tu Amorayt kiŋ, Sayɔn ɛn Og we bin de na di ist pat na Riva Jɔdan.

Lɛta Fɔ Rom 15:18

A nɔ go tɔk bɔt ɛnitin pas wetin Krays mek a ebul du fɔ mek dɛn pipul we nɔto Ju du wetin Gɔd tɛl dɛn fɔ du. Na di wɔd dɛn we a tɔk, di tin dɛn we a du,

Apɔsul Dɛn Wok 15:12

Nɔbɔdi na di mitin nɔ se fiŋ wɛn dɛn yɛri wetin Banabas ɛn Pɔl de tɔk bɔt ɔl di wɔndaful wok dɛn we Gɔd mek dɛn du fɔ dɛn pipul we nɔto bin Ju.

Jɛrimaya 33:9

Ɛn a go de gladi fɔ yɛri dis siti in nem. I go bi prez ɛn glori to ɔl di neshɔn dɛm na wɔl, neshɔn dɛn we go yɛri bɔt ɔl di gud tin we a de du fɔ dɛm: dɛn go fred ɛn trimbul fɔseka ɔl di gud ɛn ɔl di jɛntri we a de provayd fɔ dɛm.

Di Sam Dɛm 105:5

Mɛmba ɔl di wɔndaz we PAPA GƆD dɔn du, di mirekul dɛn we i dɔn ple, di jɔj we i jɔj wi ɛnimi dɛn fɔ wi.

Di Jɔj Dɛm 4:11

As ɔl dat bin de apin, wan man we nem Ibɔ we na Kenayt, bɔt bin dɔn kɔmɔt nia di Kenayt pipul dɛn we na Mozis in fadɛnlɔ, Obab, in jɛnareshɔn, ɛn bin dɔn go bil in tɛnt nia wan kɔtin tri na Zananim nia Kedɛsh.

Di Nɔmba Dɛm 10:29

Mozis tɛl Obab, in fadɛnlɔ Ruɛl in bɔypikin we na Midianayt se dɛn de go na di ples we PAPA GƆD bin dɔn tɛl dɛn se in go gi dɛn. I tɛl am se lɛ i go wit dɛn. I se dɛn go trit am fayn bikɔs PAPA GƆD dɔn prɔmis fɔ gi di Izrɛlayt dɛn gud tin.

Ɛksodɔs 4:18

Afta dat Mozis go to in fadɛnlɔ Jɛthro ɛn beg am se in wan go bak na Ijipt fɔ go si aw in pipul dɛn de du. Jɛthro se in gri, ɛn blɛs am lɛ i go

Ɛksodɔs 2:21

Mozis gri fɔ tap wit di man ɛn i gi am in gyal pikin Zipora fɔ mared.

Ɛksodɔs 2:18

Wɛn dɛn rich na os to dɛn papa Ruɛl, i aks dɛn wetindu dɛn tɔn bak kwik.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Di Jɔj Dɛm 1:16

Di Kɛnayt dɛn, we na Mozis in fadɛnlɔ in jɛnareshɔn, fala di Juda fambul kɔmɔt Jɛriko, we dɛn kin kɔl Pam Tri Siti, go tap na di ɛmti ples we de na di ɔt ɛn dray ples nia Arad na Juda. Dɛn tap de wit di pipul dɛn we dɛn mit de.