Ɛksodɔs 17:7 - Krio Fɔs Oli Baybul

⁷ Mozis gi da ples de nem “Masa” ɛn “Mɛriba” bikɔs, na de di Izrɛlayt dɛn bin de kɔmplen ɛn tray fɔ pruv PAPA GƆD in pawa we dɛn se dɛn want no if PAPA GƆD de wit dɛn ɔ if i nɔ de.

Ɛksodɔs 17:7 Referans Kwoze

Di Sam Dɛm 81:7

We una bin de pan trɔbul, una kɔl mi fɔ ɛp una ɛn a kam ɛp una. We a bin de insay insay tɛnda, a ebul ansa una a tɛst una nɔmɔ wit di wata na Mɛriba

Di Sam Dɛm 95:8

“nɔ mek traŋa at pan am lɛkɛ aw dɛn pipul na Mɛriba bin biev; ɔ lɛk aw dɛn bin biev we dɛn de na Masa

Di Nɔmba Dɛm 20:13

Dis ples yaso nem “Mɛriba fɔ sho se di Izrɛlayt dɛn mek plaba wit PAPA GƆD ɛn insɛf sho dɛn aw i oli.

Ditarɔnɔmi 9:22

I se na so dɛn bin du igen na Tabɛra, Masa ɛn na Kibroth Atava; dɛn bin du bad tin dɛn we bin mek PAPA GƆD vɛks.

Ɛksodɔs 17:2

Nain di pipul dɛn bigin grɔmbul bak pan Mozis se i fɔ gi dɛn wata fɔ drink Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.

Di Nɔmba Dɛm 20:24

“Erɔn go day na ya go mit in pipul dɛn. I nɔ go mas fut insay di land we a de gi di Izrɛlayt dɛn, bikɔs una ɔltu nɔ du wetin a tɛl una fɔ du we wata fɔ kɔmɔt na Mɛriba.

Jɔn 1:14

Di Wɔd kam bi mɔtalman ɛn tap wit wi, i mek wi no ɔltin we tru bɔt Gɔd, ɛn i du wi gud ɔltɛm. Wi si di wɔndaful ɔna ɛn pawa we i gɛt, ɛn na Gɔd gi am da wɔndaful ɔna ɛn pawa de, bikɔs in na di Papa in wangren Pikin.

Mayka 3:11

Di big wan dɛn we de bifo de tek brayb, di man dɛn we de mek sakrifays fɔ pipul sin de tek mɔni fɔs bifo dɛn du dɛn wok dɔn di prɔfɛt dɛn de tek pe bifo dɛn tɛl yu PAPA GƆD in mɛsej. Na ɔl dɛn bad tin ya dɛn de du bɔt dɛn de blɔf se PAPA GƆD de wit dɛn so natin nɔ go du dɛn.

Ayzaya 12:6

Una siŋ lawd lawd wan wit gladi gladi, una we tap na Zayɔn, bikɔs di Oli Wan na Izrɛl we tap wit una, gɛt big rɛspɛkt.”

Jɔshwa 22:31

Nain Finɛas we na Ɛlieza we na man we de mek sakrifays fɔ pipul sin in bɔypikin, tɛl di tri Izrɛlayt fambul na di ist se na da de de dɛn no se PAPA GƆD de wit dɛn bikɔs di fambul dɛn na di ist nɔ du natin we go mek PAPA GƆD vɛks aftaɔl.

Ditarɔnɔmi 31:17

PAPA GƆD tɛl am se, in go vɛks pan dɛn ɛn go nyakanyaka dɛn; bad bad tin dɛn go so mit dɛn, dat dɛn go aks dɛnsɛf se, if nɔto bikɔs PAPA GƆD nɔ de wit dɛn igen mek dɛn kayn bad tin dɛn de de mit dɛn.

Ɛksodɔs 34:9

Mozis tɔk to PAPA GƆD se, if fɔ tru tru se PAPA GƆD lɛk am, lɛ i go wit dɛn. I se di pipul dɛn traŋayes bad, bɔt lɛ i fɔgiv dɛn sin ɛn tek dɛn as in yon pipul.

Di Nɔmba Dɛm 14:22

nɔn pan di man dɛn we si ɔl di wɔnda we a ple na Ijipt ɛn na di ɛmti land we pɔsin nɔ go ebul tap bɔt we stil nɔ obe mi, bɔt de tɛst mi pawa bɔku bɔku tɛm,

Di Nɔmba Dɛm 27:14

bikɔs wɛn di Izrɛlayt kɔmyuniti barɔf pan mi na di wata dɛn na di di ɛmti land we pɔsin nɔ go ebul tap na Zin, una ɔltu nɔ du wetin a se, we bin fɔ lɛ una sho dɛn se mi na Oli GƆD. Dis bin apin na di wata dɛn na Mɛriba we de na Kedɛsh insay di ɛmti land we pɔsin nɔ go ebul tap na Zin.

Ditarɔnɔmi 6:16

I se lɛ dɛn nɔ fos PAPA GƆD fɔ du sɔntin lɛk aw dɛn bin fos am na Masa.

Ditarɔnɔmi 33:8

I tɔk bɔt di Livay fambul dɛn se, Mek PAPA GƆD gi di Livay fambul dɛn in Thumim ɛn in Yurim to di wan dɛn we dɛn at de to am gud gud wan Yu mek dɛn pas ɔlkayn trɔbul na Masa fɔ si uskayn pipul dɛn bi ɛn yu bin si dɛn na Mɛriba se dɛn na pipul dɛn we lɛk yu.

Di Sam Dɛm 78:18

Dɛn tɛst PAPA GƆD bay wilful ɛn aks am fɔ gi dɛn di it we dɛn want.

Di Sam Dɛm 81:8

“Izrɛl, mi pipul una lisin we a de wɔn una; if una lisin, una go tek mi wɔnin!

Di Sam Dɛm 106:32

We dɛn rich Mɛriba brij bak, dɛn mek PAPA GƆD vɛks, ɛn na dat mek Mozis gɛt in yon waala;