Ɛksodɔs 17:6 - Krio Fɔs Oli Baybul

⁶ A go tinap bifo yu pantap wan rɔk na Mawnt Ɔrɛb. Tek di tik nak di rɔk, dɛn wata go bɔs kɔmɔt pan am fɔ lɛ di pipul dɛn go drink.” Mozis du wetin PAPA GƆD tɛl am bifo di bigman dɛn na Izrɛl dɛn yay.

Ɛksodɔs 17:6 Referans Kwoze

1 Kɔrint 10:4

ɛn dɛn ɔl bin de drink di sem drink we Gɔd gi dɛn. Na Gɔd in rɔk we bin de go wit dɛn, na de dɛn bin de gɛt fɔ drink; ɛn da rɔk de na bin Krays insɛf.

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Ditarɔnɔmi 8:15

Di GƆD we pul wata kɔmɔt na ston mek dɛn drink we dɛn bin de waka na di ɛmti ples we pɔsin nɔ go ebul tap, we na soso snek ɛn skɔpiɔn de de.

Di Sam Dɛm 105:41

I mek wata kɔmɔt insay ston; ɛn flo lɛk riva na di ɛmti land we pɔsin nɔ go ebul tap.

Jɔn 4:10

Jizɔs se, “If yu bin no wetin Gɔd de gi pipul, ɛn if yu no udat de aks yu fɔ gi am wata fɔ drink, yu bin fɔ aks am ɛn i bin fɔ gi yu da wata we de mek pipul gɛt layf.”

Di Sam Dɛm 114:8

In na di sem PAPA GƆD we bin mek wata kɔmɔt, na ston.

Di Sam Dɛm 46:4

Wan riva de we de mek PAPA GƆD in pipul we de nain siti, gladi, di siti we PAPA GƆD we pas ɔl ɔda gɔd dɛn de.

Di Sam Dɛm 78:20

Dɛn se “I ebul nak rɔk mek wata kɔmɔt insay de, bɔt i ebul gi wi bred fɔ it? I ebul gi in pipul bif fɔ it?”

Rɛvɛleshɔn 22:17

Gɔd in Spirit ɛn di Ship in yawo se, “Kam!” Mek ɛnibɔdi we yɛri dɛn wɔd ya, insɛf se, “Kam!” Mek ɛnibɔdi we tɔsti, we want drink da wata we de gi layf, kam ɛn drink fri.

Jɔn 4:14

bɔt ɛnibɔdi we drink di wata we a go gi am nɔ go tɔsti igen. Di wata we a go gi di pɔsin go tan lɛkɛ wata we bɔs na grɔn, i go gi am layf we go de sote go.”

Ayzaya 48:21

Dɛn nɔ bin tɔsti we i bin pas wit dɛn na di ɛmti ples we pipul nɔ go ebul tap; I bin mek wata kɔmɔt na ston fɔ dɛm; I plit ston ɛn di wata bɔs kɔmɔt wit pawa.

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Ɛksodɔs 14:16

Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas.

Di Nɔmba Dɛm 20:8

“Tek di wɔkinstik, dɔn yu ɛn yu brɔda Erɔn fɔ lɛ ɔlman gɛda wan ples. Usay dɛn ɔl de luk yu, tɔk to di big ston dɔn i go pul wata. Yu go mek wata kɔmɔt na dis big ston ya we ɔlman na di kɔmyuniti ɛn dɛn animal dɛn go drink.

Ditarɔnɔmi 1:2

Na ilɛvin de pɔsin go tek fɔ waka frɔm Mawnt Saynay to Kedɛsh Bania, dat na if i pas bay Idɔm.

Di Sam Dɛm 74:15

Na yu de mek watasay gɛt wata ɛn wata bɔs na grɔn; ɛn na yu de mek ɔl usay kin pul wata, dray.

Di Sam Dɛm 78:18

Dɛn tɛst PAPA GƆD bay wilful ɛn aks am fɔ gi dɛn di it we dɛn want.

Di Sam Dɛm 81:7

We una bin de pan trɔbul, una kɔl mi fɔ ɛp una ɛn a kam ɛp una. We a bin de insay insay tɛnda, a ebul ansa una a tɛst una nɔmɔ wit di wata na Mɛriba