Ɛksodɔs 17:5 - Krio Fɔs Oli Baybul

⁵ PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go.

Ɛksodɔs 17:5 Referans Kwoze

Izikɛl 2:6

“Ɛn yu, mɔtalman, nɔ fred dɛm o, ɛn nɔ fred wetin dɛn go de tɔk se, ivin if chuk chuk plant ɛn chuk chuk sɛf tap wit yu, ɛn yu sidɔm pan skɔpiɔn dɛm, nɔ fred di wɔd we dɛn go tɔk, nɔ pwɛl at if dɛn de luk yu bad yay sɛf, bikɔs dɛn na pipul we de ribɛl.

Ɛksodɔs 3:16

“Go gɛda ɔl di lida dɛn na Izrɛl ɛn tɛl dɛn se, ‘mi PAPA GƆD we na di PAPA GƆD we dɛn fɔstɛm-papa dɛn dat na Ebraam, Ayzak ɛn Jekɔb, bin de wɔship apia to yu ɛn tɛl yu se, a dɔn de wach dɛn, ɛn a dɔn si ɔl wetin de apin to dɛn na Ijipt

Ɛksodɔs 3:18

Di Izrɛlayt lida dɛn go biliv wetin yu se, ɛn una ɔl go go to di kiŋ na Ijipt ɛn tɛl am se, PAPA GƆD we na di PAPA GƆD we di Ibru pipul dɛn de wɔship apia to una ɛn tɛl una se una fɔ travul fɔ tri de go patrol na di ples we pɔsin nɔ go ebul tap fɔ go ɔfa sakrifays to am.

Ɛksodɔs 14:16

Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas.

Di Sam Dɛm 74:15

Na yu de mek watasay gɛt wata ɛn wata bɔs na grɔn; ɛn na yu de mek ɔl usay kin pul wata, dray.