Ɛksodɔs 17:11 - Krio Fɔs Oli Baybul

¹¹ Ɛnitɛm nɔmɔ we Mozis es in an ɔp, di Izrɛlayt dɛn kin win di fɛt, ɛn wɛn i put in an dɔŋ, na di Amalɛkayt dɛn kin de win.

Ɛksodɔs 17:11 Referans Kwoze

Fɔs Lɛta To Timoti 2:8

So a want mek dɛn man dɛn ɔlɔbɔt pre. Dɛn fɔ bi pipul we dɔn gi Gɔd dɛn layf, so dat wɛn dɛn es dɛn an ɔp fɔ pre, dɛn nɔ go vɛks pan pipul ɛn dɛn nɔ go de mɛmba bad fɔ dɛn pipul we ambɔg dɛn.

Jems 5:16

Na dat mek, una fɔ tɛl una kɔmpin Kristiɛn di sin dɛn we una dɔn sin ɛn una fɔ pre mek Gɔd mek una wɛl. Wɛn pɔsin we de waka tret bifo Gɔd pre, da pre de gɛt pawa ɛn Gɔd go ansa am.

Di Sam Dɛm 56:9

Da tɛm de mi ɛnimi dɛn go tɔn bak we yu rɛdi fɔ ɛp mi; dɛn a go no fɔ tru se PAPA GƆD de fɔ mi.

Lyuk 18:1

Jizɔs pul parebul fɔ in lanin bɔy dɛn fɔ sho dɛn se dɛn fɔ de pre ɔltɛm ɛn dɛn at nɔ fɔ pwɛl.

Ɛksodɔs 17:10

Jɔshwa insɛf du wetin Mozis tɛl am fɔ du ɛn fɛt di Amalɛkayt dɛn. We dɛn de fɛt fɛt, Mozis, Erɔn ɛn ɔ dɛn go tinap ɔp di il.

Ɛksodɔs 17:12

Mozis in an bigin taya, so, Erɔn ɛn Ɔ fɛn wan ston ɛn mek i sidɔm pan am, dɔn wan tinap nain lɛf ɛn wan tinap nain rayt ɛn ol in an dɛn tret ɔp sote di san go dɔŋ.

Jɔshwa 8:26

Jɔshwa bin pɔynt in spia pan di siti te di Izrɛlayt dɛn kil ɔl di pipul dɛn we bin lɛf na Ay.

Di Sam Dɛm 44:6

Noto mi wɛpɔn dɛn a abop pan we a de fɛt, dɛn nɔn nɔ ebul mek a win;