Ɛksodɔs 16:8 - Krio Fɔs Oli Baybul

⁸ Mozis tɛl dɛn se na go gi dɛn bif fɔ it ivintɛm, ɛn bɔku bɔku bred na mɔnin we go de te i lɛf, bikɔs i dɔn yɛri we dɛn de grɔmbul pan am. I se di grɔmbul we dɛn de grɔmbul nɔto pan in di Mozis ɛn Erɔn bɔt na pan PAPA GƆD.

Ɛksodɔs 16:8 Referans Kwoze

Lɛta Fɔ Rom 13:2

Na dat mek, ɛnibɔdi we nɔ gri fɔ du wetin di pipul dɛn we de rul se, nɔ gri wit wetin Gɔd dɔn se fɔ bi; ɛn ɛnibɔdi we du dat go mek Gɔd pɔnish am.

1 Samiɛl 8:7

PAPA GƆD tɛl am se, “Lisin to ɔl wetin di pipul dɛn de se bikɔs nɔto yu dɛn de ib oba, na mi we na dɛn Kiŋ, dɛn de ib oba.

Fɔs Lɛta Fɔ Tɛsalonayka 4:8

So ɛnibɔdi we tɔn in bak pan dɛn tin ya we wi de lan dɛn, nɔto mɔtalman di pɔsin tɔn in bak pan, na Gɔd we gi wi in Spirit i tɔn in bak pan.

Lyuk 10:16

Jizɔs tɔk to in lanin bɔy dɛn. I se, “Ɛnibɔdi we lisin una, na mi da pɔsin de lisin. Ɛnibɔdi we nɔ gri fɔ du wetin una tɛl am fɔ du, na wetin a tɛl am fɔ du, nain i nɔ gri fɔ du; ɛn ɛnibɔdi we nɔ gri fɔ du wetin a tɛl am fɔ du, na wetin di pɔsin we sɛn mi tɛl am fɔ du, i nɔ gri fɔ du.”

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

Di Nɔmba Dɛm 21:7

Di pipul dɛn go mit Mozis ɛn beg am mek i pre mek PAPA GƆD drɛb di snek dɛn. Dɛn se, “Wi dɔn du bad we wi grɔmbul pan PAPA GƆD ɛn pan yu. Duya pre mek PAPA GƆD pul dɛn snek ya kɔmɔt pan wi. So Mozis insɛf pre fɔ di pipul dɛn.

1 Kɔrint 10:10

Una nɔ fɔ kɔmplen bɔt ɛnitin, lɛkɛ aw sɔm pan dɛn pipul ya bin de kɔmplen, we mek di enjɛl we de kil, kil dɛn.

Jɔn 13:20

A de tɛl una se, ɛnibɔdi we gri fɔ mek pɔsin we a sɛn, kam nain layf, dɔn gri fɔ mek misɛf kam nain layf; ɛn ɛnibɔdi we gri fɔ mek a kam nain layf, dɔn gri fɔ mek di wan we sɛn mi, kam nain layf.”

Matyu 10:40

“Ɛnibɔdi we tɛl una fɔ kam nain os, na mi di pɔsin de tɛl fɔ kam nain os; ɛn ɛnibɔdi we tɛl mi fɔ kam nain os, na di wan we sɛn mi, di pɔsin dɔn tɛl fɔ kam nain os.

Matyu 9:4

Nɔbɔdi nɔ tɛl Jizɔs, bɔt i no wetin di Ju Lɔ ticha dɛn bin de tɔk to dɛnsɛf, so i se, “Wetin du una de mɛmba bad?

Ayzaya 37:29

Fɔseka we yu dɔn tɔn pan mi, ɛn de kak pantap dat, a go put uk na yu nos ɛn rop na yu mɔt lɛkɛ aw dɛn kin du ɔs, ɛn mek yu go bak usay yu kɔmɔt.”

Ayzaya 32:6

Bikɔs pɔsin we nɔ rɛspɛkt Gɔd de tɔk mɔnɔmɔnɔ, ɛn in maynd de plan fɔ kɔmit sin: fɔ de du tin dɛn we PAPA GƆD nɔ lɛk, fɔ de tɔk rɔŋ tin bɔt PAPA GƆD, fɔ lɛf pɔsin we aŋri de kech bad bad wan ɛn nɔ gi am it, ɛn fɔ gridi tɔsti pɔsin, wata.

Ɛksodɔs 16:12

“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Ɛksodɔs 16:9

Mozis tɛl Erɔn lɛ i tɛl di pipul dɛn se dɛn ɔl fɔ go tinap bifo PAPA GƆD bikɔs i dɔn yɛri dɛn kɔmplen.

Ɛksodɔs 17:2

Nain di pipul dɛn bigin grɔmbul bak pan Mozis se i fɔ gi dɛn wata fɔ drink Mozis aks dɛn wetin mek dɛn de fɛn fɔlt pan am. I aks dɛn bak if dɛn want fɔ tɛst PAPA GƆD in Pawa.

Di Nɔmba Dɛm 11:18

Tɛl di pipul dɛn fɔ kɔnsikret ɛn rɛdi dɛnsɛf fɔ di nɛks de we dɛn go it bif. Tɛl dɛn se PAPA GƆD dɔn yɛri di nɔys we dɛn de mek se dɛn wish dɛn kin gɛt bif fɔ it ɔ dɛn bin bɛtɛ we dɛn de na Ijipt, so PAPA GƆD go gi dɛn di bif ɛn dɛn go it bif.