Ɛksodɔs 16:7 - Krio Fɔs Oli Baybul

⁷ bikɔs wɛn do klin dɛn go si in PAPA GƆD wɔnda, bikɔs PAPA GƆD dɔn yɛri we dɛn de grɔmbul pan am, ɛn dat di pipul dɛn nɔ luk wan tek dɛn lɛkɛ ɛni bɛtɛ mɔtalman. Nain dɛn se aftawɔds na PAPA GƆD wok dɛn de du.

Ɛksodɔs 16:7 Referans Kwoze

Ayzaya 40:5

Ɛn dɛn go mek ɔlman no bɔt PAPA GƆD in glori, ɛn ɔlman na wɔl go si am togɛda, bikɔs na PAPA GƆD in mɔt dɔn tɔk am.”

Di Nɔmba Dɛm 16:11

I se na PAPA GƆD, Kora ɛn in gɛŋ de mek kuskas pan ɛn aks am udat na Erɔn we dɛn de grɔmbul pan am.

Jɔn 11:40

Jizɔs aks Mata se, “A nɔ bin tɛl yu se, yu go si Gɔd in pawa, if yu biliv pan mi?”

Jɔn 11:4

Wɛn Jizɔs yɛri di wɔd, i se, “Dis sik ya nɔ go mek Lazarɔs day, dis sik we i sik na fɔ mek pipul si Gɔd in pawa ɛn prez am, ɛn dat go mek Mɔtalman Pikin gɛt prez.”

Ayzaya 35:2

na so in flawa dɛn go bɔs abɔmpa, ɛn go gladi wit jɔy at ɛn de siŋ. Dɛn go gi am Libanɔn in glori, ɛn di kiŋ pawa dɛn na Kamɛl Ɛn Sherɔn. Dɛn go si PAPA GƆD in glori, ɛn wi Gɔd in majɛsti.

Ɛksodɔs 40:34

PAPA GƆD apia lɛkɛ klawd we tan lɛkɛ fɔg oba di Tɛnt. I kɔba di wanol ples.

Ɛksodɔs 16:10

We Erɔn bin de tɔk to di pipul dɛn, dɛn tɔn dɛn ed de luk to di say we di di ɛmti ples we pɔsin nɔ go ebul tap na bin de, nain wantɛm dɛn si layt na di klawd de shayn. Na PAPA GƆD apia to dɛn so.

Di Nɔmba Dɛm 16:42

Di tɛm we dɛn gɛda fɔ mek kɔnfyushɔn pan Mozis ɛn Erɔn dɛn bin tɔn to di Tɛnt usay dɛn kin mit PAPA GƆD nain wantɛm dɛn si klawd kɔba am ɛn PAPA GƆD in glori kam dɔŋ.

Di Nɔmba Dɛm 14:10

We dɛn dɔn tɔk dɔn, di Izrɛlayt dɛn bigin tɔk se, dɛn fɔ ston dɛn te dɛn day. Wantɛm nain PAPA GƆD apia na di Tɛnt we in ɛn Mozis kin mit to ɔl di Izrɛlayt dɛn.

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

Ɛksodɔs 24:16

Na PAPA GƆD bin de na di klawd ɛn i bin tan lɛkɛ layt. Di klawd kɔba di mawnten fɔ siks de. Dɔn di de we mek sɛvin nain PAPA GƆD kɔl Mozis na di klawd.

Ɛksodɔs 24:10

ɛn dɛn si Izrɛl dɛn PAPA GƆD. Ɔnda in fut i tan lɛk dɛn mek pevmɛnt wit safaya, na so i klia ɛn brayt lɛkɛ di blu skay.

Lɛvitikɔs 9:6

Wɛn dɛn ɔl dɔn gɛda, Mozis tɛl dɛn se na wetin PAPA GƆD se dɛn fɔ du, dɛn dɔn du ɛn dat go mek dɛn si di brayt brayt layt we de sho se PAPA GƆD de wit dɛn.

Ɛksodɔs 16:12

“A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Ɛksodɔs 16:8

Mozis tɛl dɛn se na go gi dɛn bif fɔ it ivintɛm, ɛn bɔku bɔku bred na mɔnin we go de te i lɛf, bikɔs i dɔn yɛri we dɛn de grɔmbul pan am. I se di grɔmbul we dɛn de grɔmbul nɔto pan in di Mozis ɛn Erɔn bɔt na pan PAPA GƆD.

Di Nɔmba Dɛm 17:5

Di man we a pik in wɔkinstik go pul flawa ɛn da tɛm de ɔl dis grɔmbul we dɛn de grɔmbul pan una go dɔn.