Ɛksodɔs 16:4 - Krio Fɔs Oli Baybul

⁴ Nain PAPA GƆD tɔk to Mozis, i se, “Luk ya, a de sɛn it kɔmɔt na ɛvin go dɔŋ lɛkɛ ren fɔ una; di pipul dɛn fɔ go na do ɛvride fɔ gɛda wetin dɛn fɔ it fɔ di de. Na dis go mek a no if dɛn go obe mi.

Ɛksodɔs 16:4 Referans Kwoze

1 Kɔrint 10:3

Dɛn ɔl bin de it di sem it we Gɔd gi dɛn,

Di Sam Dɛm 105:40

Dɛn aks fɔ tin fɔ it, i gi dɛn kwel ɛn bred, dat na mana frɔm ɛvin.

Ditarɔnɔmi 8:2

I se dɛn nɔ fɔ fɔgɛt ɔl usay PAPA GƆD we na dɛn PAPA GƆD dɔn waka wit dɛn na di ɛmti ples we pɔsin nɔ go ebul tap, fɔ fɔti ia, jɛs fɔ brok dɛn fɛda dɔŋ lilibit, fɔ fɛnɔt wetin de insay dɛn at, ɛn fɔ no if dɛn go du ɔl wetin i se.

Ɛksodɔs 15:25

Dat mek Mozis pre traŋa wan to PAPA GƆD, dɛn PAPA GƆD sho am wan tik. Mozis tek di tik ɛn ib am na di wata, wantɛm nain di wata tɔn to frɛsh wata fɔ drink. Na da ples de PAPA GƆD gi dɛn in lɔ we dɛn fɔ fala, ɛn na di sem ples i bin tɛst dɛn fɔ si if dɛn go obe in lɔ.

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Ditarɔnɔmi 8:16

Di GƆD we gi dɛn mana fɔ it, we dɛn fɔstɛm-papa dɛnsɛf nɔ bin no, na di ɛmti ples we pɔsin nɔ go ebul tap, jɛs fɔ no if dɛn go du ɔl wetin i se ɔltɛm, so dat i go du gud tin fɔ dɛn afta dat.

Matyu 6:11

Gi wi wetin wi fɔ it tide.

Prɔvabs 30:8

wan, nɔ mek a ɛva lay; tu nɔ mek a po da bad bad po ɔ jɛntri bad bad wan; gi mi wetin jɛs du nɔmɔ fɔ mi;

Nɛimaya 11:23

Di man dɛn we bin de siŋ bin de tek ɔda frɔm di kiŋ we bin de tɛl dɛn wetin fɔ du ɛvride.

Jɔshwa 24:15

I se, “if yu nɔ wan sav PAPA GƆD, yu fɔ mekɔp yu maynd tide udat yu go wɔship. ‘As fɔ mi ɛn ɔl udat de na mi os, na PAPA GƆD wi go wɔship” if dɛn at nɔ gi dɛn fɔ sav PAPA GƆD, da de de, dɛn fɔ pik bitwin dɛn fɔstɛmpapa dɛn gɔd ɛn di gɔd we di Amɔrayt dɛn bin de wɔship usay dɛn di Izrɛlayt dɛn bin de so datɛnde.

Lyuk 11:3

Gi wi wetin wi fɔ it ɛvri de.

Ɛksodɔs 16:15

Wɛn di Izrɛlayt dɛn si am, dɛn bigin de aks dɛn kɔmpin wetin na da tin de, bikɔs dɛn nɔn nɔ bin no wetin i bi. Na de Mozis tɛl dɛn se na di it we PAPA GƆD provayd fɔ dɛn fɔ it.

Di Sam Dɛm 78:23

Pan ɔl dat, i gi ɔda fɔ mek ɛvin opin lɛk domɔt;

Nɛimaya 9:20

Yu gɛt klin at fɔ dɛn so yu bin de tɛl dɛn wetin fɔ du ɔltɛm. Yu nɔ se yu nɔ go sɛn mana, di bred we dɛn bin de it frɔm ɛvin, ɛn yu nɔ go gi dɛn wata fɔ drink we dɛn tɔsti.