Ɛksodɔs 16:3 - Krio Fɔs Oli Baybul

³ i bin fɔ bɛtɛ fɔ dɛn if PAPA GƆD bin dɔn mek dɛn day na Ijipt bikɔs dɛn bin fɔ de it bɛlful, dan fɔ kam mek dɛn day wit aŋri na di di ɛmti ples we pɔsin nɔ go ebul tap na.

Ɛksodɔs 16:3 Referans Kwoze

Ɛksodɔs 17:3

Di tɔsti so mɔna dɛn dat dɛn bigin fɔ grɔmbul pan Mozis ɛn aks am wetin mek i pul dɛn kɔmɔt na Ijipt. Dɛn se if i want mek dɛn ɛn dɛn pikin dɛn wit dɛn animal dɛn day, wit tɔsti.

Lamɛnteshɔn 4:9

Di wan dɛn we dɛn bin kil na di wa bɛtɛ pas di wan dɛn we aŋri kil, we aŋri mɔna te dɛn day bikɔs dɛn nɔ gɛt it fɔ it.

Ditarɔnɔmi 28:67

Kɔtat go mek we dɛn wek na mɔnin, dɛn pre lɛ ivin tɛm kam, ɛn ivintɛm, dɛn pre lɛ mɔnin kam, bikɔs di tin we dɛn go si, mɔt nɔ go ebul tɔk am.

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Di Nɔmba Dɛm 14:2

Dɛn bigin grɔmbul pan Mozis ɛn Erɔn ɛn ɔlman we de de. Dɛn se i bin fɔ bɛtɛ if dɛn bin dɔn day na Ijipt ɔ na di ɛmti land we pɔsin nɔ go ebul tap.

1 Kɔrint 4:8

Una fil naw se una dɔn gɛt ɔl wetin una fɔ gɛt? Una dɔn jɛntri? Una bin liv lɛkɛ kiŋ, we wi nɔ bin de wit una, a wish una na bin kiŋ fɔ tru, so dat wisɛf bin go rul wit una.

Jɔshwa 7:7

Jɔshwa pre to PAPA GƆD we na dɛn GƆD ɛn aks an wetindu i mek dɛn krɔs Riva Jɔdan go oba, if na fɔ lɛ di Amorayt dɛn go kil dɛn. I se i bin fɔ bɛtɛ if dɛn bin jɔs lɛf oba de.

2 Kɔrint 11:1

A de beg una mek una bia wit mi wɛn i tan lɛkɛ se a nɔ siriɔs.

Apɔsul Dɛn Wok 26:29

Pɔl ansa se, “Ilɛk di tɛm shɔt ɔ i lɔŋ, nɔto yu wangren a want fɔ kam to Krays, bɔt a de pre se una ɔl we de lisin mi go tan lɛkɛ mi bɔt dɛn nɔ go tay una wit chen lɛkɛ aw dɛn tay mi.”

Job 3:20

Wetin mek PAPA GƆD fɔ lɛ pipul liv ɛn sɔfa ɛn ivin dɛn layf nɔ swit,

Job 3:10

bikɔs na di nɛt mi mama tek mi bɛlɛ ɛn bɔn mi fɔ si trɔbul.

Job 3:1

Afta Job in padi dɛn dɔn sidɔm wit am fɔ sɛvin de ɛn sɛvin nɛt ɛn nɔ se natin, Job disayd fɔ tɔk ɛn i kɔs di de we i bin bɔn.

2 Samiɛl 18:33

Dat shek di kiŋ. I go ɔp na di rum we de to di get ɛn kray. As i de go, na so i de se “E mi pikin, Absalɔm, a wish na mi bin fɔ day! Noto yu fɔ day, mi pikin, Absalɔm.”

Ditarɔnɔmi 8:3

I molɛs dɛn ɛn mek aŋri kech dɛn dɔn i gi dɛn mana fɔ it; tin we dɛn ɛn dɛn fɔstɛmpapa dɛn nɔ no wande. Ɔl dat na fɔ mek dɛn no se, nɔto it nɔmɔ de gi mɔtalman layf; ɔltin sɛf we PAPA GƆD se, de gi pɔsin layf.

Di Nɔmba Dɛm 16:41

Di nɛks de ɔl di Izrɛlayt dɛn bigin grɔmbul pan Mozis ɛn Erɔn bak. Dɛn se Mozis ɛn Erɔn dɔn kil PAPA GƆD in pipul dɛn.

Di Nɔmba Dɛm 16:13

Dɛn se if i nɔ du so, we i pul dɛm na di say we dɛn bin de we fayn fɔ plant ɛn fɔ mɛn animal, ɛn briŋ dɛn fɔ kam day na di ɛmti land we pɔsin nɔ go ebul tap. Dɛn se naw Mozis wan mek lɛk bɔs pan dɛn.

Di Nɔmba Dɛm 11:15

If na so yu de trit mi, kil misɛf rayt naw. Bɔt if yu gladi wit mi nɔ mek a fɛn waala fɔ misɛf.

Ɛksodɔs 5:21

Dɛn tɛl dɛn se, “PAPA GƆD go pe una fɔ we una mek di kiŋ ɛn in ɔfisa dɛn et wi! Una dɔn put pɛpɛ na wi yay we go mek dɛn kil wi.”

Ɛksodɔs 2:23

I tek sɔm tɛm dɔn di kiŋ na Ijipt day. Di Izrɛlayt dɛn bin dɔn taya fɔ de du slev wok. So dɛn beg PAPA GƆD fɔ pul dɛn pan di sɔfa we dɛn bin de sɔfa.

Di Nɔmba Dɛm 14:3

Dɛn se wetin mek PAPA GƆD briŋ dɛn kam na dis land fɔ mek dɛn kam kil dɛn pan wa. Dɛn se dɛn go kech dɛn wɛf ɛn pikin dɛn so i go bɛtɛ mek dɛn go bak na Ijipt.

Di Sam Dɛm 78:19

Dɛn tɔk bad bɔt PAPA GƆD ɛn se i nɔ ebul gi dɛn tin fɔ it we dɛn de na di ɛmti land we pɔsin nɔ go ebul tap.

Di Sam Dɛm 78:25

Mɔtalman it di sem kayn it lɛk di enjɛl dɛn i gi dɛn te i pasmak.

Jɛrimaya 42:14

ɛn una de se, ‘Nɔ, wi go go na Ijipt, usay wa nɔ go mit wi, ɔ de yɛri trɔmpɛt de blo, ɔ tin fɔ it nɔ de, ɛn wi go tap de,’

Jɛrimaya 44:17

Bɔt wi go du ɔl wetin wi dɔn swɛ se wi go du, dat na fɔ bɔn insɛns to di Kwin na ɛvin ɛn fɔ tamisilɛ to am, lɛkɛ aw wi bin dɔn de du, wi ɛn wi fɔstɛmpapa dɛm, wi kiŋ dɛm ɛn wi bigman dɛm, na di siti dɛn na Juda ɛn na di trit dɛm na Jerusɛlɛm; bikɔs dɛn tɛm dɛn de, wi bin gɛt plɛnti it, ɛn bɛtɛ bin de fala wi ɛn nɔn bad tin nɔ bin de apin to wi.

Ɛksodɔs 14:11

Dɛn kɔmplen bita wan to Mozis ɛn aks if bɛriŋrɔn nɔ de na Ijipt.

Di Nɔmba Dɛm 11:20

bɔt dɛn go gɛt am fɔ it fɔ wanol mɔnt te di it kɔmɔt na dɛn nos ɛn dɛn go gens bikɔs na PAPA GƆD we de wit dɛn, dɛn tɔn dɛn bak pan ɛn grɔmbul pan se i bin bɛtɛ we dɛn de na Ijipt so dɛn nɔ bin fɔ kɔmɔt de.

Di Nɔmba Dɛm 21:5

dɛn bigin grɔmbul pan PAPA GƆD ɛn pan Mozis. Dɛn se wetin mek dɛn pul dɛn kɔmɔt nɔ Ijipt fɔ mek dɛn kam day na di ɛmti land we pɔsin nɔ go ebul tap. Dɛn se bred nɔ de de, wata nɔ de de ɛn dɛn nɔ want di nasti it we dɛn gɛt fɔ de it.

Di Sam Dɛm 107:5

Dɛn bin aŋri ɛn tɔsti ɛn dɛn layf dɛn bin jɛs de wes, dɛn bin fiba udat de day di nɛks momɛnt