Ɛksodɔs 16:23 - Krio Fɔs Oli Baybul

²³ Mozis tɛl dɛn se, PAPA GƆD se di nɛks de na oli de to PAPA GƆD fɔ ɔna am ɛn fɔ blo. I se dɛn fɔ bek ɔ kuk bɔku it we go de fɔ it di nɛks de.

Ɛksodɔs 16:23 Referans Kwoze

Lɛvitikɔs 23:3

Na siks de nɔmɔ dɛn fɔ wok; bɔt di de we mek sɛvin na de fɔ blo, na de we fɔ gɛda ɛn wɔship PAPA GƆD; nɔ fɔ du nɔn wok, na di de we mek sɛvin we na de fɔ PAPA GƆD, i lɛk usay dɛn de.

Ɛksodɔs 31:15

Una gɛt siks de insay di wik fɔ wok, bɔt di de we mek sɛvin, na de we a pik fɔ pre ɛn blo; so ɛnibɔdi we du ɛni wok da de de fɔ day.

Lyuk 23:56

dɛn tɔn bak fɔ go tek spays ɛn sɛnt fɔ kam put dɛn pan di bɔdi. Na bin di de fɔ pre ɛn blo, so dɛn du lɛkɛ aw di Ju Lɔ se, dɛn blo.

Ɛksodɔs 23:12

Na siks de nɔmɔ una fɔ wok fɔ, dɔn di de we mek sɛvin una fɔ blo. Una fɔ mek dɛn slev we de wok fɔ una, dɛn fɔrina ɛn dɛn animal dɛnsɛf blo.

Rɛvɛleshɔn 1:10

Wan Sɔnde, Gɔd in Spirit kam pan mi, nain a yɛri vɔys de tɔk lawd wan lɛkɛ trɔmpɛt biɛn mi.

Di Nɔmba Dɛm 11:8

Di pipul kin gɛt fɔ gɛda am ɛn gren am na grayndin mashin ɔ bit am na mataodo. Dɛn kin kuk am na pɔt ɔ bek am lɛkɛ kek. I kin tes lɛk sɔntin we dɛn tek ɔyl mek.

Ɛksodɔs 16:19

Mozis tɛl dɛn se nɔbɔdi nɔ fɔ lɛf wɛrɛ fɔ do klin,

Ditarɔnɔmi 5:12

Izrɛl fɔ mek shɔ se dɛn fɔ de mɛmba ɛn rɛspɛkt di de we mek sɛvin we fɔ blo, bikɔs na so PAPA GƆD se.

Nɛimaya 9:13

Yu kɔmɔt na ɛvin kam dɔŋ na Mawnt Saynay kam tɔk to dɛn. Yu gi dɛn lɔ ɛn kɔmand dɛn we gud ɛn dɛn nɔ pashal.

Nɛimaya 9:14

Yu tɛl dɛn bɔt di de we yu mek oli ɛn spɛshal ɛn gi di lɔ dɛn to yu pikin Mozis fɔ dɛn.

Jɛrimaya 17:22

Una nɔtot lod kɔmɔt insay una os dɛm de fɔ blo ɛn rɛst de ɔ du ɛni wok, bɔt kip de di fɔ blo ɛn rɛst oli, lɛkɛ aw a bin kɔmand una fɔstɛmpapa dɛm.

Di Nɔmba Dɛm 11:7

Mana na bin smɔl bɔta kɔla sid.