Ɛksodɔs 16:21 - Krio Fɔs Oli Baybul

²¹ Di pipul dɛn bin de gɛda dis it ɛvri mɔnin, ɔlman bin de gɛda wetindu fɔ dɛn, ɛn wɛn di san kin dɔn tinap, wetin lɛf na grɔn kin mɛlt.

Ɛksodɔs 16:21 Referans Kwoze

2 Kɔrint 6:2

Bikɔs Gɔd se, “A yɛri yu wɛn di rayt tɛm rich; ɛn wɛn di tɛm fɔ sev kam, a ɛp yu.” Na di rayt tɛm dis, na di tɛm dis we pipul fɔ sev!

Jɔn 12:35

Jizɔs se, “Di layt go de wit una lili bit mɔ. Una fɔ stil de waka naw we di layt de, so dat daknɛs nɔ go mit una wɛn una de waka, bikɔs pɔsin we de waka na dak nɔ no usay i de go.

Matyu 6:33

Una fɔ put una at gud pan dɛn tin we impɔtant na di say we Gɔd de rul ɛn du di rayt tin we Gɔd want una fɔ du fɔs, da tɛm de i go gi una ɔl dɛn tin ya.

Ɛkliziastis 12:1

Mɛmba PAPA GƆD we mek yu, naw we yu yɔŋ, bifo di tɛm kam we di trɔbul na layf go mit yu, ɛn di tɛm kam we yu go se, “dɛn nɔ min natin to mi;”

Ɛkliziastis 9:10

Mek shɔ se we yu de du ɛnitin, yu du am gud wit ɔl yu at; bikɔs we yu day, yu nɔ go gɛt fɔ wok yanda. Yu nɔ gɛt fɔ tink ɔ sabi ɛnitin, ɛn sɛns biznɛs nɔ de usay yu de go.

Ɛksodɔs 16:20

bɔt sɔm man nɔ lisin to wetin Mozis tɔk, dɛn lɛf wɛrɛ fɔ do klin; ɛn wɛn dɛn wek na mɔnin, dɛn mit ɔltin dɔn miliju dɔn i de smɛl. Dat mek Mozis vɛks pan dɛn.

Ɛksodɔs 16:22

Di de we mek siks, ɔlman bin gɛda dɔbul wetin dɛn kin gɛda, dat na et paynt fɔ wan pɔsin. Ɔl di bigman dɛn pan di Izrɛlayt dɛn go tɛl Mozis se dɛn dɔn gɛda it fɔ tu de.