Ɛksodɔs 16:15 - Krio Fɔs Oli Baybul

¹⁵ Wɛn di Izrɛlayt dɛn si am, dɛn bigin de aks dɛn kɔmpin wetin na da tin de, bikɔs dɛn nɔn nɔ bin no wetin i bi. Na de Mozis tɛl dɛn se na di it we PAPA GƆD provayd fɔ dɛn fɔ it.

Ɛksodɔs 16:15 Referans Kwoze

Ɛksodɔs 16:4

Nain PAPA GƆD tɔk to Mozis, i se, “Luk ya, a de sɛn it kɔmɔt na ɛvin go dɔŋ lɛkɛ ren fɔ una; di pipul dɛn fɔ go na do ɛvride fɔ gɛda wetin dɛn fɔ it fɔ di de. Na dis go mek a no if dɛn go obe mi.

Jɔn 6:58

Dis na di bred we kɔmɔt na ɛvin kam dɔŋ, i nɔ tan lɛkɛ da bred we una grampapa papa dɛn bin de it wɛn dɛn bin de na di dɛzat, bɔt afta dat pas dɛn day. Bɔt di pɔsin we go it dis bred ya go gɛt layf we go de sote go.”

Ɛksodɔs 16:31

Di Izrɛlayt dɛn gi di it nem “mana.” Di mana wayt lɛkɛ korianda sid. I tes lɛkɛ wefa we dɛn tek ɔni mek.

Ditarɔnɔmi 8:3

I molɛs dɛn ɛn mek aŋri kech dɛn dɔn i gi dɛn mana fɔ it; tin we dɛn ɛn dɛn fɔstɛmpapa dɛn nɔ no wande. Ɔl dat na fɔ mek dɛn no se, nɔto it nɔmɔ de gi mɔtalman layf; ɔltin sɛf we PAPA GƆD se, de gi pɔsin layf.

1 Kɔrint 10:3

Dɛn ɔl bin de it di sem it we Gɔd gi dɛn,

Nɛimaya 9:20

Yu gɛt klin at fɔ dɛn so yu bin de tɛl dɛn wetin fɔ du ɔltɛm. Yu nɔ se yu nɔ go sɛn mana, di bred we dɛn bin de it frɔm ɛvin, ɛn yu nɔ go gi dɛn wata fɔ drink we dɛn tɔsti.

Nɛimaya 9:15

“We dɛn aŋri, yu sɛn bred kɔmɔt na ɛvin fɔ dɛn ɛn we dɛn tɔsti, yu mek wata kɔmɔt na rɔk fɔ dɛn fɔ drink; yu tɛl dɛn se mek dɛn go insay ɛn tek kɔntrol na di land we yu bin dɔn swɛ se yu go gi dɛn.

Jɔshwa 5:12

Na di nɛks de afta di Izrɛlayt dɛn it pan tin dɛn we gro na di land PAPA GƆD lɛf fɔ sɛn mana fɔ dɛn, ɛn dɛn nɔ it mana igen, pas wetin dɛn plant we de gro na dɛn land we na Kenan, da ia de.

Jɔn 6:49

Pan ɔl we una grampapa papa dɛn bin it mana wɛn dɛn bin de na di dɛzat, dɛn day.

Ditarɔnɔmi 8:16

Di GƆD we gi dɛn mana fɔ it, we dɛn fɔstɛm-papa dɛnsɛf nɔ bin no, na di ɛmti ples we pɔsin nɔ go ebul tap, jɛs fɔ no if dɛn go du ɔl wetin i se ɔltɛm, so dat i go du gud tin fɔ dɛn afta dat.

Di Nɔmba Dɛm 21:5

dɛn bigin grɔmbul pan PAPA GƆD ɛn pan Mozis. Dɛn se wetin mek dɛn pul dɛn kɔmɔt nɔ Ijipt fɔ mek dɛn kam day na di ɛmti land we pɔsin nɔ go ebul tap. Dɛn se bred nɔ de de, wata nɔ de de ɛn dɛn nɔ want di nasti it we dɛn gɛt fɔ de it.

Ɛksodɔs 16:33

So Mozis tɛl Erɔn mek i fɛn wan rɔba ɛn put sɔm pan di manainsay am ɛn kip am usay PAPA GƆD go de si am, fɔ lɛ dɛn jɛnareshɔn we nɔ bɔn yet go si am.

Rɛvɛleshɔn 2:17

“Ɛnibɔdi we gɛt yes, mek i yɛri dɛn wɔd ya we Gɔd in Spirit de tɛl di Kristiɛn dɛn na dɛn difrɛn ples. “Dɛn wan we go stil tinap traŋa afta Setan dɔn tray dɛn, a go gi dɛn da it we dɛn kɔl mana we nɔbɔdi nɔ de si naw. Ɛn igen, a go gi dɛn wan wayt ston we wan nyu nem rayt pan. Nɔbɔdi nɔ go no di nem we rayt pan di ston pas di pɔsin we a gi di nem.

Di Ibru Pipul Dɛn 9:4

Insay da ples de dɛn bin gɛt smɔl gold tebul we dɛn bin de bɔn insɛns we gɛt fayn smɛl. Di bɔks we di agrimɛnt we Gɔd mek wit mɔtalman de, bin de insay dis sem ples ya. Gold bin kɔba di wan ol bɔks. Insay di bɔks dɛn bin de kip wan gold pɔt we dɛn kin put da tin we dɛn kɔl mana we Gɔd bin de gi dɛn fɔ it. Erɔn in wɔkin stik we lif gro pan, ɛn dɛn tu ston we Gɔd bin rayt in lɔ dɛn pan, dɛnsɛf bin lib de.

Lyuk 12:30

Na dɛn tin de dɛn pipul we nɔ no Gɔd put dɛn at pan. Gɔd we na una Papa no se una mɔs gɛt dɛn.

Prɔvabs 9:5

fɔ go it di it ɛn drink di pɔnch wayn we i dɔn miks.

Di Sam Dɛm 78:24

ɛn sɛn mana kam dɔŋ fɔ di pipul fɔ it; i gi dɛn di it we de na ɛvin.

Di Sam Dɛm 105:40

Dɛn aks fɔ tin fɔ it, i gi dɛn kwel ɛn bred, dat na mana frɔm ɛvin.