Ɛksodɔs 16:12 - Krio Fɔs Oli Baybul

¹² “A dɔn yɛri bɔt di grɔmbul we di Izrɛlayt dɛn de grɔmbul. Tɛl dɛn se dɛn go de gɛt bif fɔ it ivintɛm, dɔn na mɔnin na bred dɛn go gɛt fɔ it, ɛn na dat go mek dɛn no fɔ tru, tru se mi na PAPA GƆD PAPA GƆD.”

Ɛksodɔs 16:12 Referans Kwoze

Joɛl 3:17

I se da tɛm de dɛn go no se in na PAPA GƆD we na dɛn GƆD, di wan we de na di oli il na Zayɔn. Jerusɛlɛm go bi in oli siti ɛn trenja dɛn nɔ go jɛs de tek de mek natin.

Izikɛl 39:22

Frɔm da de de te go, di Izrɛl pipul dɛn go no se na mi di PAPA GƆD nain na dɛn PAPA GƆD.

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Zɛkaraya 13:9

Da wande we lɛf, nain i go pas sɔntin we go mek i klin lɛk silva. I go tɛst am lɛk aw dɛn de tɛst gold na faya. Dɛn go kɔl PAPA GƆD in nem we dɛn de pre ɛn in go ansa dɛn. In go tɔk se dɛn nain pɔsin, dɔn dɛn go se PAPA GƆD na dɛn PAPA GƆD.

Izikɛl 34:30

Ɛn dɛn go no se, na mi we na PAPA GƆD, de wit dɛm, ɛn dat na dɛm, di Izrɛl pipul, na mi yon pipul, PAPA GƆD tɔk se.

Jɛrimaya 31:24

Juda ɛn ɔl in siti dɛm, wit di fama dɛm ɛn dɛn wan we de wirɔn wit dɛn ship, go tap de togɛda.

Ɛksodɔs 7:17

Tɛl am se, mi se, di tin we a go du go mek i no se mi na PAPA GƆD. Dis wɔkinstik we i de si so na yu an, nain yu go tek nak di wata na di Riva nayl, ɛn i go tɔn to blɔd.

Ɛksodɔs 4:5

PAPA GƆD tɛl Mozis se, “Pafɔm dis mirekul fɔ mek di Izrɛlayt dɛn go biliv se na mi PAPA GƆD, di PAPA GƆD we dɛn fɔstɛm-papa dɛn dat na Ebraam Ayzak ɛn Jekɔb, bin de wɔship apia to yu.”

Ɛksodɔs 12:6

Ivintɛm na di de we mek fotin pan di mɔnt ɛvri famili na di Izrɛlayt kɔmyuniti go kil dɛn yon animal.

Ɛksodɔs 16:11

Na de PAPA GƆD tɔk to Mozis. I se,

Lɛvitikɔs 11:44

I se in na PAPA GƆD we na dɛn Gɔd. I se so dɛn fɔ de klin wan fɔ am ɛn tan lɛk am bikɔs in na oli Gɔd. I se dɛn nɔ fɔ tek dɛn tin dɛn we de krip na wɔl fɔ ambɔg dɛnsɛf.

Di Nɔmba Dɛm 14:27

I se, “Dis kɔmyuniti so bad, dɛn jɛs de grɔmbul pan mi. A dɔn gens fɔ yɛri ɔl di tin dɛn we dɛn de grɔmbul.

1 Kiŋ 20:28

Di prɔfɛt go mit di kiŋ na Izrɛl ɛn tɛl am se PAPA GƆD se bikɔs di Aramean dɛn de tink se in na PAPA GƆD fɔ di il bɔt nɔto PAPA GƆD fɔ di vali, in go mek shɔ se dɛn bit dɛn gud fashin, dɔn na da tɛm de in di kiŋ go no se in na PAPA GƆD.

Di Sam Dɛm 105:40

Dɛn aks fɔ tin fɔ it, i gi dɛn kwel ɛn bred, dat na mana frɔm ɛvin.

Di Nɔmba Dɛm 11:4

Sɔm pipul we de fɛn trɔbul, we bin de wit dɛn bigin fɔ mek bɔku nɔys se dɛn aŋri fɔ it ɔda kayn it ɛn di Izrɛlayt dɛn bigin se dɛn wish dɛn bin gɛt bif fɔ it.

Izikɛl 35:13

Ɛn una bin mek unasɛf big pan mi wit una mɔt, ɛn ad mɔ ɛn mɔ wɔd pan mi; a bin yɛri am.