Ɛksodɔs 15:9 - Krio Fɔs Oli Baybul

⁹ Di ɛnimi bin de blɔf se, “A go rɔnata dɛn ɛn kech dɛn; dɔn a go tek ɔl wetin a want. A go tek mi sɔd, ɛn a go kil dɛn.”

Ɛksodɔs 15:9 Referans Kwoze

Di Jɔj Dɛm 5:30

“Dɛn nɔ jɛs de fɛn tin dɛn we dɛn go sheb? Wan ɔ tu uman fɔ wan sojaman; dɛn fayn klos fɔ Sisɛra, chen we di kwin go wɛr, tu bid we dɛn day fɔ put na mi nɛk?”

Ɛksodɔs 14:5

We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn.

Lyuk 11:22

Bɔt if pɔsin we gɛt trɛnk pas am go fɛt am ɛn bit am, di wan we bit am go tek ɔltin we di wan we gɛt di os bin abop pan fɔ tek fɛt, ɛn i go tif ɔl in tin dɛn ɛn kɛr dɛn go sheb dɛn wit in kɔmpin tifman dɛn.

Ayzaya 53:12

Fɔseka dat, a go mek say fɔ am wit dɛn pipul dɛn we gɛt ay rɛspɛkt, ɛn nain ɛn di pawaful pipul dɛn go sheb di viktri; bikɔs i gi insɛf fɔ day fɔ di wɔl we nɔbɔdi nɔ fos am, ɛn dɛn bin kɔnt am as wan sina; pan ɔl dat, i tot bɔku pipul sin, ɛn bin pre fɔ di pipul dɛn we de kɔmit sin.

Abakɔk 3:14

Yu yuz yu bo ɛn aro fɔ skata di sojaman dɛn edman di tɛm we dɛn bɔs lɛk briz pan mi; de gladi se dɛn go ebul du wetin dɛn want we pɔsin nɔ go si.

Jɛnɛsis 49:27

“Bɛnjamin tan lɛkɛ bad bad wulf we de kil ɛn pwɛl in ɛnimi na mɔnin dɔn ivintɛm i de sheb wetin i kil.”

Ayzaya 36:20

Uswan pan ɔl dɛn gɔd dɛn na dɛn kɔntri dɛn de dɔn ebul fɔ pul in kɔntri na mi an? Wetin mek una tink se PAPA GƆD go ebul pul Jerusɛlɛm kɔmɔt na mi an?”

1 Kiŋ 20:10

Na de Bɛnadad sɛn ɔda mɛsej to am se lɛ in gɔd dɛn pɔnish am bad bad wan if in lɛf dɔti na di grɔn sɛf na Sameria.

1 Kiŋ 19:2

Jɛzibɛl sɛn mɛsej to Ilayja se in swɛ to in gɔd dɛn lɛ in alaki if in nɔ dil wit am ɛn mek in layf tan lɛkɛ dɛn prɔfɛt dɛn we i kil, di nɛks de.

1 Samiɛl 30:8

ɛn Devid aks PAPA GƆD if i fɔ rɔnata di pipul dɛn we wutuwutu di ples ɛn if i go ebul fɔ kech dɛn. PAPA GƆD ansa am se lɛ i rɔnata dɛn ɛn mek am fɔ no se fɔ tru, i go kech dɛn ɛn ebul fɔ pul di wan dɛn we dɛn kech na dɛn an.

2 Samiɛl 22:38

A rɔnata mi ɛnimi dɛn te a kech dɛn bit dɛn. A nɔ tɔn bak sɛf te a nyamanyama dɛn ɔl.

Prɔvabs 16:19

I bɛtɛ fɔ ɔmbul yusɛf ɛn lɛf po wan pas fɔ de kak wit tif prɔpati.

Jɛrimaya 46:17

Kɔl Fero we na kiŋ na Ijipt dis nem ‘Man we de mek nɔys ɛn westɛm.’