Ɛksodɔs 15:21 - Krio Fɔs Oli Baybul

²¹ Nain Miriam siŋ dis siŋ yaso: “Siŋ to PAPA GƆD, bikɔs i dɔn win di viktri. I dɔn ib di ɔs ɛn in drayva dɛn na di si.”

Ɛksodɔs 15:21 Referans Kwoze

Ɛksodɔs 15:1

Nain Mozis ɛn di Izrɛlayt dɛn siŋ dis siŋ yaso fɔ prez PAPA GƆD. Di siŋ se, “A go siŋ to PAPA GƆD, bikɔs i dɔnawe wit in ɛnimi dɛn kpatakpata; I trowe di ɔs dɛn ɛn di wan we de rayd dɛn na wata.

Rɛvɛleshɔn 15:3

Dɛn bin de siŋ di siŋ we Mozis, we de wok fɔ Gɔd, bin siŋ lɔntɛm. Da siŋ de na di Ship in siŋ; di siŋ se, “Masta, Gɔd we gɛt pawa pas ɔl, yu wok dɛn big ɛn dɛn wɔndaful! Na yu na di kiŋ we de rul oba ɔl dɛn neshɔn, yu de du wetin rayt, yu de tɔk wetin tru ɔltɛm!

Rɛvɛleshɔn 5:9

Dɛn bigin siŋ wan nyu siŋ we se, “Na yu fit fɔ tek di pepa we rol ɛn pul di tin dɛn we mek i fasin. Bikɔs dɛn bin kil yu, ɛn na yu blɔd yu tek bay mɔtalman bak fɔ Gɔd; dɛn mɔtalman ya kɔmɔt pan ɔl dɛn trayb ɛn ɔl dɛn difrɛn neshɔn na wɔl, dɛn de tɔk ɔl dɛn difrɛn laŋwej, sɔm bin wayt, sɔm bin blak.

2 Kronikuls 5:13

ɛn na di man dɛm we de blo trɔmpɛt ɛn di wan dɛn we de siŋ de dyuti fɔ mek dɛn yɛri dɛn wit di ɔda wan dɛn we dɛn de prez ɛn tɛl tɛnk to PAPA GƆD), ɛn wɛn dɛn bigin siŋ wit trɔmpɛt dɛn ɛn simbɔl dɛm ɛn ɔda myuzik instrumɛnt dɛm, de prez PAPA GƆD se, “Bikɔs i gud, bikɔs in lɔv we nɔ de chenj so te go,” di os, PAPA GƆD in os fulɔp wit smok,”

1 Samiɛl 18:7

As dɛn bin de dans, na so dɛn de siŋ se; “Sɔl kil wan tawzin pipul bɔt Devid in dɔn kil tɛn tawzin pipul.”

Di Jɔj Dɛm 5:3

Lɛ dɛn kiŋ ɛn dɛn prins dɛn lisin di siŋ bikɔs na PAPA GƆD a de siŋ to; A go siŋ to PAPA GƆD we na di PAPA GƆD na Izrɛl.

Rɛvɛleshɔn 14:3

Di wan ɔndrɛd ɛn fɔti-fo tawzin pipul dɛn tinap bifo di ay chia we Gɔd sidɔm pan, bifo di fo tin dɛn we gɛt layf, ɛn bifo di bigman dɛn. Dɛn bin de siŋ wan nyu siŋ we na dɛn wan nɔmɔ, we Krays bin dɔn pe fɔ na wɔl wit in blɔd, bin ebul lan ɛn siŋ am.

1 Samiɛl 18:6

Wɛn di man dɛn bin de tɔn bak go na dɛn os afta Devid bin dɔn kil di Filistin, di uman dɛn kɔmɔt na ɔl di siti dɛn na Izrɛl wit siŋ ɛn dans fɔ go mit Kiŋ Sɔl. Na so dɛn bin de gladi we dɛn de siŋ ɛn shek tamborin ɛn ple flut.

2 Samiɛl 1:20

“Nɔ fɔ tɔk am na Gath ɛn nɔ skata am na Ashkɛlɔn, ɔ nɔ so dɛn Filistin uman dɛn go gladi ɛn dɛn ɔn-to-um dɛn de go jomp wit gladi.

2 Samiɛl 6:14

Na so Devid bin de dans wit ɔl in at fɔ PAPA GƆD. I bin wɛr di Ifɔd we i de dans,

Di Sam Dɛm 76:6

PAPA GƆD, di PAPA GƆD we Jekɔb bin de wɔship we yu tɔk pan dɛn nɔmɔ, di ɔs ɛn in masta de fɔdɔm day

Ɛksodɔs 15:4

I dɔn ib di kiŋ in chariɔt ɛn in sojaman dɛn na wata; in bɛst kɔmanda dɛnsɛf lɛf na wata