Ɛksodɔs 15:16 - Krio Fɔs Oli Baybul

¹⁶ We yu sho yu pawa Fred kech dɛn ɛn dɛn trimbul; dɛn stif lɛk boraks ɛn dɛn tinap te yu pipul dɛn pas te ɔl di pipul dɛn we kɔmɔt Ijipt pas.

Ɛksodɔs 15:16 Referans Kwoze

Di Sam Dɛm 74:2

Nɔ fɔgɛt se, wi na yu pipul we yu bin dɔn pik trade di pipul we yu sev fɔ bi yu yon, na Mawnt Zayɔn, usay yu bin de.

Ditarɔnɔmi 2:25

I se PAPA GƆD se na da de de i go mek ɔlman na dis wɔl bigin fred Izrɛl ɛn trimbul we dɛn yɛri dɛn nem ɛn wetin dɛn ebul du.

1 Samiɛl 25:37

Wɛn i bin dɔn soba bay do klin, Abigɛl tɛl am ɔl wetin pas bitwin in ɛn Devid ɛn i gɛt strok we mek i nɔ ebul du natin. Afta tɛn de,

Jɔshwa 2:9

ɛn tɛl dɛn se in no se, PAPA GƆD dɔn gi Izrɛl di land, ɛn bikɔs di pipul dɛn na Kenan de fred dɛn, dat dɔn mek dɛn fil lɛkɛ kripul dɛn bifo Izrɛl.

Pita In Sɛkɛn Lɛta 2:1

Bɔt sɔm pan dɛn prɔfɛt we bin de lɔntɛm, nɔ bin de tɔk tru; ɛn na so i go bi fɔ unasɛf; sɔm pan dɛn pipul we de lan una bɔt Gɔd nɔ go de tɔk tru; bifo una kechɔp wetin dɛn de du, dɛn go dɔn lan pipul tin we nɔ rayt we go mek dɛn biliv wetin nɔ rayt bɔt Gɔd; dɛn go de tɔk sɛf se nɔto di Masta pe fɔ dɛn layf we i day na di krɔs ɛn dat go mek dɛn lɔs di layf kwik we Gɔd gi dɛn.

Pita In Fɔs Lɛta 2:9

Bɔt una na lɛkɛ wan neshɔn, Gɔd dɔn pik una, una na pipul we de mek sakrifays to Gɔd ɛn we de wok fɔ Gɔd we na una Kiŋ; una na neshɔn we dɔn gi unasɛf to Gɔd, una na Gɔd in yon pipul dɛn we i pik fɔ tɔk bɔt di wɔndaful wok dɛn we i de du. Na Gɔd pul una kɔmɔt na dak briŋ una kam nain wɔndaful layt.

Taytɔs 2:14

I sakrifays in layf fɔ pul wi kɔmɔt pan di bad ɛn dɔti layf we wi bin liv, fɔ mek wi klin so dat wi go bi in yon pipul dɛn we want du wetin gud wit ɔl wi at.

Jɛrimaya 31:11

Bikɔs PAPA GƆD dɔn ridim Jekob, ɛn i dɔn ridim am kɔmɔt na an dɛm we tu traŋa fɔ am

Ditarɔnɔmi 11:25

I se nɔbɔdi nɔ go gɛt maynd fɔ tinap fɔ fɛt dɛn bikɔs PAPA GƆD we na dɛn PAPA GƆD go mek ɔda pipul dɛn trimbul we dɛn si dɛn ɛni say we dɛn go fɔ go kapchɔ land.

Ɛksodɔs 11:7

Bɔt dɔg sɛf nɔ go bak usay di Izrɛlayt dɛn de. Da tɛm de yu go no se PAPA GƆD de trit di Izrɛlayt dɛn difrɛn frɔm aw i de trit de Ijipshian dɛn.

Apɔsul Dɛn Wok 20:28

Una tek tɛm aw una liv ɛn una kia fɔ Gɔd In pipul dɛn na di chɔch lɛkɛ aw pipul we de mɛn ship kin kia fɔ dɛn ship, bikɔs Gɔd in Pikin day fɔ mek dɛn bi Gɔd yon pipul.

Ayzaya 51:10

Nɔto yu bin mek di si dray, di wata na di oshɔn; we bin mek di grɔn na di si tɔn rod, fɔ di wan dɛn we yu sev fɔ krɔs go oba?

2 Samiɛl 7:23

Us ɔda pipul tan lɛk di Izrɛlayt dɛn to yu? Na udat dɛn yu bay bak fɔ bi yu yon pipul? Na dɛn de mek ɔlman de fred ɛn rɛspɛkt yu naw we yu ple bɔku wɔnda ɛn pul dɛn neshɔn dɛn ɛn dɛn gɔd dɛn na dɛn an wɛn yu bin dɔn pul dɛn na Ijipt.

1 Samiɛl 2:9

“I de gayd udat de du wetin i want, bɔt i de mek di bad man day kwik. As wi nɔ de du natin bay wi pawa;

Ditarɔnɔmi 32:9

Na PAPA GƆD insɛf na Izrɛl dɛn Gɔd.

Ditarɔnɔmi 32:6

Na so dɛn fulish pipul dɛn de we nɔ gɛt sɛns fɔ trit PAPA GƆD? In nɔto dɛn papa we mek dɛn, we mek dɛn bi wanol neshɔn?

Ɛksodɔs 23:27

A go mek ɔl dɛn wan we de agens una fred mi, dɔn a go ib dombolo pan dɛn wan we una de fɛt. A go mek una ɛnimi dɛn rɔnawe lɛf una.

Jɛnɛsis 35:5

We Jekɔb ɛn i bɔypikin dɛn bin lɛf fɔ go, PAPA GƆD mek di pipul dɛn we bin de na di ɔda siti dɛn fred, so dɛn nɔ bin atak dɛn.

Ɛksodɔs 15:5

Di wata kɔba dɛn ɔl; dɛn sink go dɔŋ lɛkɛ ston.

Ɛksodɔs 15:6

E PAPA GƆD, yu na PAPA GƆD we gɛt pawa, yu yuz dis pawa fɔ nyakanyaka yu ɛnimi dɛn.

Ɛksodɔs 15:13

Bikɔs yu lɔv nɔ de chenj, yu kip to yu prɔmis, yu pul yu pipul dɛn na dɛn ɛnimi dɛn an wit yu trɛnk, ɛn lid dɛn go na yu yon oli ples.

Ɛksodɔs 18:8

Mozis ɛksplen to Jɛthro ɔl wetin PAPA GƆD du di kiŋ na Ijipt ɛn di Ijipshian dɛn fɔseka di Izrɛlayt dɛn. I tɛl am bɔt ɔl di prɔblɛm we dɛn gɛt na rod ɛn aw PAPA GƆD sev dɛn.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ɛksodɔs 23:20

“A de sɛn wan enjɛl go bifo una fɔ de gyad una na rod te una rich na di ples we a dɔn rɛdi fɔ una.

Ditarɔnɔmi 2:4

I se PAPA GƆD se dɛn fɔ tek tɛm bikɔs dɛn de go pas usay dɛn broda dɛn, we na Isɔ in pikin dɛn de na di il kɔntri na Idɔm bikɔs we dɛn go si dɛn, dɛn go fred dɛn.

Jɔshwa 4:24

so ɔlman na dis wɔl go no se PAPA GƆD gɛt pawa ɛn dɛn go rɛspɛkt PAPA GƆD we na dɛn PAPA GƆD te go.

Di Sam Dɛm 105:38

Di Ijipshian dɛn gladi we dɛn bin de go bikɔs dɛn bin de fred di Izrɛlayt dɛn.

Ayzaya 63:12

we mek in pawaful an fɔ go na Mozis in raytan, we sheb di Si bifo dɛm fɔ mek nem we go de sote go, fɔ insɛf,

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Ɛksodɔs 23:22

Bɔt if una obe am ɛn du ɔl wetin a se, a go dil wit una ɛnimi dɛn ɛn fɛt dɛn wan we de fɛt una.

Di Sam Dɛm 89:14

Pipul no yu as udat gud ɛn de rul fia wan yu lɔv ɛn fethfulnɛs na lɛk yu mɛsenja dɛn.

Izikɛl 16:8

“Wɛn a bin pas nia una ɔda tɛm, ɛn luk una, a si se una dɔn du fɔ mek lɔv, so a kɔba una wit mi skat ɛn kɔba una nekɛdnɛs; yɛs, a bin prɔmis fɔ mared una ɛn a mek Kɔvinant wit una, ɛn una kam blant mi, na so Papa Gɔd we na Gɔd se.