Ɛksodɔs 15:13 - Krio Fɔs Oli Baybul

¹³ Bikɔs yu lɔv nɔ de chenj, yu kip to yu prɔmis, yu pul yu pipul dɛn na dɛn ɛnimi dɛn an wit yu trɛnk, ɛn lid dɛn go na yu yon oli ples.

Ɛksodɔs 15:13 Referans Kwoze

Di Sam Dɛm 77:20

Yu lid yu pipul lɛk aw man we de mɛn ship kin lid in ship dɛn yu yuz Mozis ɛn Erɔn fɔ lid yu pipul.

Pita In Fɔs Lɛta 1:5

Bikɔs una biliv pan Gɔd, Gɔd go kip una wit in pawa, so dat una go gɛt da layf we go de sote go, we dɔn rɛdi naw ɛn we Gɔd go gi una di de we i go jɔj ɔlman.

Jɛrimaya 2:6

Dɛn nɔ bin se, “We PAPA GƆD we bin fɛt pul wi kɔmɔt na Ijipt, we bin de bifo wi na di dray ɛn ɛmti ples, land we na so so ɛmti ples we pipul nɔ ebul tap wit dip dip ol dɛm, land we dak bad bad wan ɛn wata nɔ de, land we pipul dɛn nɔ de pas kɔmɔt wan say go ɔda say, ples we nɔbɔdi nɔ tap?’

Di Sam Dɛm 106:9

I gi ɔda to di Rɛd Si ɛn i dray wantɛm; dɔn i lɛ in pipul pas midul sote dɛn rich dray grɔn.

Lɛta Fɔ Ɛfisɔs 2:4

Bɔt Gɔd sɔri fɔ wi ɛn bikɔs i lɛk wi bad wan, i gi wi layf wit Krays, pan ɔl we in Spirit bin dɔn lɛf wi we wi nɔ bin gri fɔ du wetin i tɛl wi fɔ du. Na di lɛk we Gɔd lɛk wi we wi nɔ fit fɔ gɛt dɔn sev wi.

Di Sam Dɛm 80:1

Yu we dɔn de mɛn Izrɛl, lɛk aw yu de mɛn ship, yɛri wi, na yu dɔn de lid wi we na Josɛf in jɛnareshɔn lɛkɛ ship; yu na di wan we sidɔm midul di chɛryubim dɛn de rul as Kiŋ,

Jɛnɛsis 19:16

Lɔt bigin drɛg fut. Bɔt PAPA GƆD sɔri fɔ am, so di tu man dɛn kapu Lɔt, in wɛf ɛn in tu gyal pikin dɛn bonikali ɛn drɛg dɛn kɔmɔt na di siti.

Nɛimaya 9:12

Yu kin apia lɛkɛ klawd fɔ lid dɛn de tɛm ɛn lɛkɛ faya fɔ sho usay dɛn fɔ go we nɛt kam.

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 15:16

We yu sho yu pawa Fred kech dɛn ɛn dɛn trimbul; dɛn stif lɛk boraks ɛn dɛn tinap te yu pipul dɛn pas te ɔl di pipul dɛn we kɔmɔt Ijipt pas.

Ɛksodɔs 15:17

PAPA GƆD yu briŋ yu pipul dɛn kam, yu mek dɛn sɛtul na yu mawnten di mawnten we dɛn yu pik usay di tɛmpul we yu mek de.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

2 Samiɛl 15:25

Bɔt di kiŋ tɛl Zedɔk mek i lɛ dɛn kɛr di ak go bak na Jerusɛlɛm. I se, if PAPA GƆD gladi wit am, i go briŋ am kam bak so dat i go si di ak ɛn usay dɛn kip am.

Di Sam Dɛm 74:2

Nɔ fɔgɛt se, wi na yu pipul we yu bin dɔn pik trade di pipul we yu sev fɔ bi yu yon, na Mawnt Zayɔn, usay yu bin de.

Di Sam Dɛm 78:35

Dɛn kin mɛmba se na PAPA GƆD dɔn de kɔba dɛn; in, PAPA GƆD Ɔlmayti, nain dɔn de sev dɛn.

Ayzaya 51:10

Nɔto yu bin mek di si dray, di wata na di oshɔn; we bin mek di grɔn na di si tɔn rod, fɔ di wan dɛn we yu sev fɔ krɔs go oba?

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Ayzaya 63:9

Insay ɔl dɛn siknɛs, insɛf bin sik, ɛn di enjɛl we kin de ɔlsay we i de, bin sev dɛm; na wit lɔv ɛn di sɔri we i de sɔri fɔ dɛn mek i ridim dɛm; I es dɛn ɛn tot ɔl dɛn lɔntɛm dez dɛm.