Ɛksodɔs 15:11 - Krio Fɔs Oli Baybul

¹¹ PAPA GƆD, uswan pan dɛn ɔda gɔd dɛn tan lɛkɛ yu? Uswan gɛt pawa fɔ ple wɔnda lɛkɛ yu? Udat oli lɛkɛ yu?

Ɛksodɔs 15:11 Referans Kwoze

1 Kiŋ 8:23

“PAPA GƆD, we na Izrɛl dɛn Gɔd, nɔn Gɔd nɔ de na ɛvin ɔ ath we tan lɛk yu - na yu waŋren kin kip yu Kɔvinant ɛn sho lɔv to yu savant dɛn we de waka tret wit yu;

1 Samiɛl 2:2

“Nɔbɔdi nɔ de we oli lɛk PAPA GƆD: Natin nɔ de we tan lɛk am; Natin nɔ kin kɔba wi lɛk aw PAPA GƆD de kɔba wi.

2 Samiɛl 7:22

E PAPA GƆD, yu big! Nɔbɔdi nɔ de we tan lɛk yu ɛn na yu na di waŋren PAPA GƆD we wi no.

Rɛvɛleshɔn 4:8

Dɛn ɔl fo bin gɛt siks siks wiŋ dɛn; soso yay bin kɔba dɛn ɔlɔbɔt. Ol de ol nɛt dɛn nɔ de tap fɔ siŋ se, “Gɔd na di Masta we gɛt pawa pas ɔl, nain wangren na Gɔd, i nɔ sin wande, i gud pas ɔl. I bin de bifo di wɔl mek, i de naw ɛn i go kam bak.”

Ayzaya 6:3

Wande tɔk to di ɔda wan se: “PAPA GƆD Ɔlmayti oli, I oli, I oli; di wanol wɔl ful wit in glori.”

Ditarɔnɔmi 3:24

I se i pre to PAPA GƆD se, ‘PAPA GƆD we pas ɔl dɛn ɔda gɔd dɛn, a no se yu jɔs bigin sho mi yu pawa. Nɔn ɔda gɔd nɔ de ɔp na Ɛvin ɔ dis wɔl we ebul du di kayn tin dɛn we yu kin du.

Di Sam Dɛm 86:8

PAPA GƆD, nɔn gɔd nɔ de we dɛn ɔda neshɔn de wɔship we tan lɛk yu; dɛn nɔ ivin ebul fɔ du wetin yu de du.

Di Sam Dɛm 77:14

Yu na di PAPA GƆD we de ple mirekul; ɛn ɔlman de si yu mirekul dɛn.

Rɛvɛleshɔn 15:4

Masta, udat de we nɔ go fred yu? Udat nɔ go gri fɔ tɛl ɔda pipul bɔt yu pawa? Na yu wangren na Gɔd. Ɔl dɛn pipul na ɔl dɛn neshɔn go kam fɔdɔm bifo yu ɛn prez yu, bikɔs ɔlman dɔn si se di jɔj we yu de jɔj, gud.”

Ayzaya 40:25

Di Oli wan se, Udat una go kɔmpia mi wit, we una go se a fiba?

Ditarɔnɔmi 33:26

Nɔn gɔd nɔ de we gɛt pawa lɛkɛ Izrɛl dɛn PAPA GƆD, di klawd dɛn nain chariɔt ɛn i de rayd ɔp na di klawd.

Di Sam Dɛm 77:19

Yu waka wit yu pipul insay di wata yu krɔs wit dɛn bɔt nɔbɔdi nɔ ebul si yu fut in mak.

Ayzaya 40:18

Udat naw yu go se tan lɛk PAPA GƆD, ɔ wetin yu go kɔmpia am wit?

Di Sam Dɛm 35:10

Wit ɔl mi at, a go tɔk se “Nɔbɔdi nɔ tan lɛk yu, PAPA GƆD.” Yu de pul pipul we nɔ ebul fɛt fɔ dɛnsɛf kɔmɔt na di wan dɛn we gɛt pawa dɛn an, yu nɔ de gri mek pipul tek advantej pan dɛn.

Ɛksodɔs 8:10

Di kiŋ ansa am wantɛm se lɛ i pre fɔ am di nɛks de.” Mozis tɛl di kiŋ se, i go bi lɛkɛ aw i se, ɛn i go no fɔ tru tru se nɔn ɔda PAPA GƆD nɔ de lɛkɛ di PAPA GƆD we di Ibru dɛn de wɔship.

Di Sam Dɛm 66:5

Una kam luk wetin PAPA GƆD dɔn du aw di wok we i du fɔ mɔtalman so wɔndaful!

Jɛrimaya 49:19

A de tɛl una, lɛkɛ we bɔku ship dɛn kin rɔn we layɔn de kɔmɔt na bush nia Riva Jɔdan, fɔ kam atak dɛm, na so a go mek dɛn rɔnawe pan am; ɛn a go apɔynt ɛnibɔdi we a pik fɔ rul am. Bikɔs, udat gɛt pawa lɛkɛ mi? Udat go sɛn kɔl mi? Us shɛpad go tinap bifo mi?

Ayzaya 57:15

Bikɔs na dis di ay ɛn mayti wan we tap na itaniti, we in nem na Oli, se: “A tap na di ay ɛn oli ples, wit di wan we i gɛt sɔri ɛn ɔmbul spirit, fɔ gi layf bak to di ɔmbul pɔsin in spirit, ɛn fɔ gi layf bak to di sɔri pɔsin in at

Di Sam Dɛm 145:17

PAPA GƆD nɔ miks pan bɛnbɛn ɛn i gud pan ɔl wetin i de du.

Jɛrimaya 10:16

Di wan we Jekob gɛt nɔ tan lɛkɛ dɛn wan ya, bikɔs nain mek ɔltin, ɛn Izrɛl na di pipul dɛn we i pik fɔ insɛf; na PAPA GƆD Ɔlmayti nain nem.

Di Sam Dɛm 119:120

Mi bɔdi kin trimbul wit fred ɛn rɛspɛkt fɔ yu. A de fred aw yu go jɔj mi.

Lyuk 12:5

Bɔt a de tɛl una naw se una fɔ fred Gɔd bikɔs wɛn i dɔn mek pɔsin day, i gɛt pawa fɔ trowe di pɔsin in sol na ɛl. A de tɛl una igen se una fɔ fred Gɔd!

Di Sam Dɛm 90:11

Udat no wetin yu kin du we yu vɛks? Di vɛks we yu vɛks ɛn di fred we yu want fɔ mek wi fred yu na di sem.

Lɛvitikɔs 19:2

mek i tɛl ɔl di Izrɛlayt dɛn se, dɛn fɔ oli bikɔs PAPA GƆD we na dɛn GƆD oli.

Ayzaya 30:11

lɛf fɔ waka na Gɔd rod, go du ɔda tin, lɛ wi nɔ yɛri bɔt Izrɛl in Oli Wan, igen”

Di Sam Dɛm 89:18

Fɔ tru tru, na PAPA GƆD de kɔba pɔsin. In na wi Kiŋ, di wan we oli we Izrɛl de pre to.

Rɛvɛleshɔn 13:4

Ɔlman bigin prez di dragɔn bikɔs i bin gi di wayl bif in pawa. Di pipul dɛn prez di wayl bif insɛf, dɛn se, “Udat gɛt pawa lɛkɛ di wayl bif? Udat ebul fɛt am?”

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Ɛksodɔs 9:14

Dis tɛm if i nɔ gri a go du sɔntin we go mek in, in ɔfisa dɛn ɛn in pipul dɛn ɔl no se nɔbɔdi nɔ de we tan lɛk mi na di wanol wɔl.

Ɛksodɔs 18:11

Na naw a dɔn no se PAPA GƆD pawaful pas ɔl dɛn ɔda gɔd dɛn, bikɔs i dɔn pul in pipul dɛn kɔmɔt na di Ijipshian dɛn an wɛn dɛn trit dɛn bad.”

Ɛksodɔs 20:3

Una nɔ fɔ wɔship nɔn ɔda gɔd, pas mi.

2 Kronikuls 2:5

Di os we a de kam bil go big bad bad wan, bikɔs wi Gɔd pawaful pas ɔl ɔda gɔd dɛm.

2 Kronikuls 6:14

“PAPA GƆD, we na Izrɛl dɛn Gɔd, nɔn Gɔd nɔ de na ɛvin ɔ ath we tan lɛk yu - na yu waŋren kin kip yu Kɔvinant ɛn sho lɔv to yu savant dɛn we de waka tret wit yu;

Di Sam Dɛm 22:23

Ɔl udat gɛt fred fɔ PAPA GƆD, lɛ wi prez am! Ɔl udat gɛt Jekɔb as grampa fɔ tɔk gud bɔt PAPA GƆD! Ɔl udat gɛt Izrɛl as grampa fɔ sho se dɛn gɛt rɛspɛkt fɔ PAPA GƆD, bad!

Di Sam Dɛm 113:5

Udat de we tan lɛk PAPA GƆD wi PAPA GƆD we wi de wɔship? In na PAPA GƆD we na Kiŋ ɛn de ɔp de rul.

Di Sam Dɛm 136:4

Nain nɔmɔ na di PAPA GƆD we de ple wɔndaz, in lɔv de de sote go.

Mayka 7:18

Nɔn gɔd nɔ de we tan lɛk PAPA GƆD we kwik fɔ fɔgiv in pipul dɛn sin. I nɔ go jɛs vɛks pan di balans we lɛf afta dɛn ɛnimi dɔn aras dɛn bikɔs in lɔv nɔ de dɔn.

Ɛksodɔs 8:6

Erɔn pɔynt in wɔkinstik pan ɔl di wata dɛn na Ijipt, dɔn akpɔlɔ bɔs ɔlsay.

Ditarɔnɔmi 1:30

I se, PAPA GƆD we na dɛn GƆD we de wit dɛn, go ɛp dɛn fɛt jɛs lɛkɛ aw i fɛt fɔ dɛn we dɛnsɛf bin si wit dɛn yon yay na Ijipt,

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

1 Kronikuls 16:25

Bikɔs PAPA GƆD na gret Gɔd, ɛn nɔto bebi prez fɔ prez am, ɛn dɛn fɔ fred am pas ɔl dɛn ɔda gɔd dɛm.

Di Sam Dɛm 60:2

Yu dɔn lɛf wi to wisɛf te di kɔntri gɛt krak; Mek di krak dɛn ɔ nɔ so, wi kɔntri go fɔdɔm.

Di Sam Dɛm 77:11

A mɛmba ɔl di wɔndaful tin dɛn we PAPA GƆD bin de du. A go mɛmba di mirekul dɛn we i bin ple lɔntɛm.

Di Sam Dɛm 86:10

PAPA GƆD, na yu nɔmɔ kin du wɔndaful tin dɛn na yu nɔmɔ na PAPA GƆD.

Ayzaya 46:9

mɛmba dɛn lɔntɛm tin dɛm; bikɔs na Mi na Gɔd, ɛn nɔn ɔda wan nɔ de; na Mi na Gɔd ɛn nɔn nɔ tan lɛk mi,