Ɛksodɔs 15:10 - Krio Fɔs Oli Baybul

¹⁰ Na wantɛm briz nɔmɔ yu blo, nain di si kɔba dɛn; dɛn sink lɛkɛ lɛd insay di big wata.

Ɛksodɔs 15:10 Referans Kwoze

Ayzaya 11:15

PAPA GƆD go mek usay di wata de rɔn kɔmɔt go insay Ijipt pwɛl kpatakpata; ɛn I go pas in an oba di Riva wit in ɔt ɔt briz, ɛn tɔn am to sɛvin rod so dat pipul dɛn go wɛr dɛn sus waka krɔs.

Ditarɔnɔmi 11:4

ɛn aw mek di Rɛd Si wata kɔba di Ijipt sojaman dɛn ɛn dɛn ɔs ɛn karej dɛn we dɛn bin de rɔnata di Izrɛlayt dɛn. I tɛl dɛn se di tin dɛn we PAPA GƆD bin du di Ijipshian dɛn bin stil de ambɔg di Ijipshian dɛn.

Ɛksodɔs 15:5

Di wata kɔba dɛn ɔl; dɛn sink go dɔŋ lɛkɛ ston.

Ɛksodɔs 14:21

Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn.

Matyu 8:27

Ɔl di lanin bɔy dɛn wɔnda, dɛn se, “Uskayn man dis? Di wata ɛn di briz sɛf de du wetin i tɛl dɛn fɔ du!”

Emɔs 4:13

Di wan we mek dɛn mawnten ɛn di briz. Di wan we de sho wetin de nain bɛlɛ to mɔtalman; we de tɔn de to nɛt, we de rul di wanol wɔl. Nain nem PAPA GƆD, PAPA GƆD Ɔlmayti!

Jɛrimaya 10:13

Wɛn i pas kɔmand, di wata dɛn we de ɔp di klawd kin slap slap dɛnsɛf; ɛn i kin mek smok grap kɔmɔt na di las las pat dɛn na di wɔl. I mek laytin fɔseka ren, ɛn i briŋ briz kɔmɔt nain sto.

Di Sam Dɛm 147:18

We PAPA GƆD tɔk nɔmɔ i kin mɛlt; we i blo, di wata bigin flo.

Di Sam Dɛm 135:7

I de mek klawd gɛda frɔm fa; ren de kam ɛn laytin de flash dɔn briz kin jɛs bɔsawt frɔm usay i bin kip am.

Jɛnɛsis 8:1

PAPA GƆD nɔ bin fɔgɛt se Noa ɛn ɔl dɛn animal bin de insay di bot; i mek big briz blo, ɛn di wata bigin go dɔŋ.

Prɔvabs 30:4

Ɛnibɔdi de we dɔn go ɛvin ɛn kam dɔŋ bak? Ɛnibɔdi de we dɔn ɛva kech briz? Ɛnibɔdi de we dɔn ɛva tek in klos tot wata? Ɛnibɔdi de we mek di ath in bawndri? Ɛnibɔdi no udat? Wetin nain bɔypikin in nem? Tɛl mi if yu no!

Jɛrimaya 46:17

Kɔl Fero we na kiŋ na Ijipt dis nem ‘Man we de mek nɔys ɛn westɛm.’

2 Samiɛl 18:8

Di eria we dɛn de fɛt kam big pas wetin dɛn bin min te go insay insay di bush. Di pipul we day na di bush pas di wan dɛn we dɛn kil.

Nɛimaya 9:11

We dɛn wan pas bay di Rɛd Si, yu sheb di wata midul so dat dɛn kin waka na dray land dɔn yu kɔba di wata bak pan dɛn Ijipshian dɛn we bin de rɔnata dɛn. Di wata swɛla dɛn lɛkɛ se dɛn na big big ston dɛn we dɛn ib midul wata.