Ɛksodɔs 14:4 - Krio Fɔs Oli Baybul

⁴ dɛn a go mek in at traŋa fɔ lɛ i go rɔnata una. Aw a go dil wit in ɛn in sojaman dɛn go mek pipul dɛn prez ɛn ɔna mi. Dis go mek di Ijipshian dɛn no fɔ tru tru se mi na PAPA GƆD.” Di Izrɛlayt dɛn du wetin PAPA GƆD tɛl dɛn fɔ du.

Ɛksodɔs 14:4 Referans Kwoze

Lɛta Fɔ Rom 9:17

Di tin we rayt na Gɔd in Buk we Gɔd tɛl di kiŋ na Ijipt, nain dis: “A mek yu bi kiŋ, so dat a go yus yu fɔ mek ɔlman si mi pawa, ɛn mek ɔlman na wɔl no bɔt mi.”

Ɛksodɔs 7:5

Da tɛm de, di Ijipshian dɛn go no fɔ tru se mi na PAPA GƆD wɛn a go dɔn wit dɛn ɛn pul mi pipul dɛn kɔmɔt na di kɔntri.”

Ɛksodɔs 7:3

Bɔt a go mek di kiŋ mek at traŋa so dat pan ɔl we a go du ɔlkayn mirekul dɛn na Ijipt nɔ go lisin.

Ɛksodɔs 9:16

Bɔt a nɔ mek dɛn day bikɔs a gɛt mi rizin. A want sho dɛn mi pawa so pipul dɛn ɔlsay na di wɔl go yɛri bɔt mi.

Ɛksodɔs 7:17

Tɛl am se, mi se, di tin we a go du go mek i no se mi na PAPA GƆD. Dis wɔkinstik we i de si so na yu an, nain yu go tek nak di wata na di Riva nayl, ɛn i go tɔn to blɔd.

Lɛta Fɔ Rom 11:8

Lɛkɛ aw dɛn rayt na Gɔd in Buk se, “Gɔd mek dɛn nɔ ebul fil ɛn tink; te tide dɛn yay nɔ de si ɛn dɛn yes nɔ de yɛri.”

Izikɛl 39:13

Ɔl di pipul na di kɔntri go bɛr dɛm; ɛn i go ad mɔ ɛn mɔ to dɛn ɔna, di de we a go sho mi pawa, PAPA GƆD tɔk se.

Izikɛl 28:22

na dis PAPA GƆD we na Gɔd se; “Una lisin, a de agens una, O Saydɔn, ɛn a go sho mi glori midul una. Ɛn dɛn go no se na mi na PAPA GƆD wɛn a go kɛriawt jɔjmɛnt dɛm pan am, ɛn sho mi olinɛs pan am,

Izikɛl 20:9

Bɔt a bin du so fɔseka mi nem, so dat dɛn nɔ go fityay mi bifo di neshɔn dɛn we dɛn bin tap, we na bifo dɛn a bin sho misɛf to dɛn bay we a bin pul dɛn kɔmɔt Ijipt.

Nɛimaya 9:10

We yu no se di Kiŋ, in ɔfisa dɛn ɛn ɔl in pipul dɛn na Ijipt de trit dɛn bad yu ple wɔnda ɛn ple mirekul pan dɛn. Yu mek nem fɔ yusɛf we de te tide.

Ɛksodɔs 18:11

Na naw a dɔn no se PAPA GƆD pawaful pas ɔl dɛn ɔda gɔd dɛn, bikɔs i dɔn pul in pipul dɛn kɔmɔt na di Ijipshian dɛn an wɛn dɛn trit dɛn bad.”

Ɛksodɔs 14:8

PAPA GƆD mek di kiŋ na Ijipt in at traŋa mɔ. Di kiŋ rɔnata di Izrɛlayt dɛn, ɛn PAPA GƆD bin de gyad dɛn.

Lɛta Fɔ Rom 9:18

So, if Gɔd want sɔri fɔ ɛnibɔdi, i go sɔri fɔ am; ɛn if i want mek pɔsin in at traŋa, i go mek in at traŋa.

Ɛksodɔs 10:27

PAPA GƆD stil mek di kiŋ gɛt traŋa at ɛn nɔ gri fɔ mek di pipul dɛn go.

Ɛksodɔs 14:3

Di kiŋ go de tink se di Izrɛlayt dɛn dɔn lɔs na di ɛmti ples we pɔsin nɔ go ebul tap,

Ɛksodɔs 14:5

We dɛn tɛl di kiŋ na Ijipt se di pipul dɛn dɔn rɔnawe, in ɛn in ɔfisa dɛn chenj dɛn maynd, dɛn bigin de aks dɛnsɛf uskayn tin dɛn du so we dɛn lɛf di Izrɛlayt dɛn fɔ rɔnawe. Dɛn se dɛn nɔ gɛt slev igen fɔ wok fɔ dɛn.

Ɛksodɔs 14:23

Di Ijipshian dɛn bin stil de rɔnata di Izrɛlayt dɛn, dɛnsɛf go insay di say we di wata bin dɔn sheb tu wit ɔl dɛn ɔs ɛn chariɔt ɛn di drayva dɛn.

Ɛksodɔs 14:25

I mek di chariɔt dɛn wil stif. Dat mek di Ijipshian dɛn se lɛ dɛn tɔn bak bikɔs na PAPA GƆD de fɛt fɔ di Izrɛlayt dɛn so.

Lɛvitikɔs 10:3

Mozis mɛmba Erɔn se na dat PAPA GƆD min we i se, i go sho in pipul dɛn we de nia am se in oli, ɛn na bifo dɛn dɛn go rɛspɛkt am. Erɔn nɔ se natin.

Izikɛl 32:15

Wɛn a go mek Ijipt kɔntri wan ɛmti ples we natin ɛn nɔbɔdi nɔ de ɛn wɛn dɛn go dɔn pul ɔl tin, kɔmɔt we ful di kɔntri, ɛn wɛn a go dɔn kil ɔl dɛn wan we tap de, na datɛnde, dɛn go no se mi na PAPA GƆD.

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Ɛksodɔs 10:2

Ɔl dis na fɔ mek una tɛl una pikin dɛn ɛn grampikin dɛn aw a mek di Ijipshian dɛn to fulman di tɛm we a pafɔm dɛn mirekul dɛn ya. Una ɔl go no se mi na PAPA GƆD.”

Ɛksodɔs 12:28

So di Izrɛlayt dɛn du wetin Mozis ɛn Erɔn tɛl dɛn se PAPA GƆD ɔda dɛn fɔ du.

Jɔshwa 11:20

Na PAPA GƆD bin mek dɛn pipul dɛn de mek bigat so dat di Izrɛlayt dɛn nɔ go sɔri fɔ dɛn ɛn go kil dɛn bikɔs nain bin dɔn tɛl Mozis traŋa wan se fɔ kil ɔl di pipul dɛn na da land de.

Di Jɔj Dɛm 4:7

Dɛbora se PAPA GƆD se, in go mek Sisɛra we na di kɔmanda na Jabin in Ami, wit in karej dɛn ɛn in sojaman dɛn, go fɛt dɛn nia Riva Kishɔn ɛn in PAPA GƆD go mek di Izrɛlayt dɛn bit Kiŋ Jabin in ami.

Izikɛl 38:16

Yu go kam ɔp agens mi Izrɛl pipul, lɛk klawd we de kɔba di kɔntri. Pan di de dɛn we gɛt fɔ kam biɛɛn, a go briŋ yu kan agens mi kɔntri, so dat di neshɔn. Dɛn go no mi, wɛn pan yu, O Gɔg, a go pruv mi olinɛs bifo dɛn yay.

Izikɛl 38:23

So a go sho mi pawa ɛn mi olinɛs na dɛn yay, ɛn mek di neshɔn dɛn no mi. Na datɛnde dɛn go no se na mi na di PAPA GƆD