Ɛksodɔs 14:21 - Krio Fɔs Oli Baybul

²¹ Mozis tret in an oba di si, nain PAPA GƆD mek big big tinada kɔmɔt na di ist blo di wata ol nɛt ɛn mek i sheb tu. I mek di si tɔn to dray grɔn.

Ɛksodɔs 14:21 Referans Kwoze

Ayzaya 63:12

we mek in pawaful an fɔ go na Mozis in raytan, we sheb di Si bifo dɛm fɔ mek nem we go de sote go, fɔ insɛf,

Ɛksodɔs 15:8

We yu blo yu nos nɔmɔ di wata dɛn ɔl gɛda na wan ples. I tinap deŋ lɛkɛ wɔl; dɔn midul di wata traŋa ken ken.

Di Sam Dɛm 66:6

I mek di wata na di si dray so dat di pipul waka na dray grɔn. Kam lɛ wi gladi fɔ wetin i dɔn du.

Ayzaya 51:10

Nɔto yu bin mek di si dray, di wata na di oshɔn; we bin mek di grɔn na di si tɔn rod, fɔ di wan dɛn we yu sev fɔ krɔs go oba?

Di Sam Dɛm 78:13

I divayd di Rɛd Si ɛn mek rod fɔ dɛn fɔ pas; I lɛ di wata tinap deŋ na di sayd dɛn lɛk wɔl.

Di Sam Dɛm 74:13

Na bay yu pawa, yu mek rod insay wata, yu masmas dɛn big animal dɛn we tap insay wata dɛn ed.

Nɛimaya 9:11

We dɛn wan pas bay di Rɛd Si, yu sheb di wata midul so dat dɛn kin waka na dray land dɔn yu kɔba di wata bak pan dɛn Ijipshian dɛn we bin de rɔnata dɛn. Di wata swɛla dɛn lɛkɛ se dɛn na big big ston dɛn we dɛn ib midul wata.

Jɔshwa 4:23

I se dɛn fɔ mek dɛn no se na PAPA GƆD we na dɛn PAPA GƆD bin mek ɔl di wata na Riva Jɔdan dray te dɛn krɔs dɔn, jɔs lɛk aw PAPA GƆD we na dɛn PAPA GƆD bin mek di Rɛd Si dray te dɛn krɔs dɔn,

Di Sam Dɛm 136:13

Nain divayd di Rɛd Si, in lɔv de de sote go;

Ɛksodɔs 14:16

Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas.

Ayzaya 51:15

Bikɔs na mi na PAPA GƆD we na yu Gɔd, we de shek di si, mek in swɛlin dɛn mek lawd lawd nɔys- na PAPA GƆD Ɔlmayti nain nem.

Job 26:12

I yuz in pawa fɔ mek di si nɔ muf, i tek in sɛns kil Reab.

Apɔsul Dɛn Wok 7:36

Mozis du plɛnti wɔndaful tin dɛn we mek i ebul pul in pipul dɛn kɔmɔt na Ijipt, insay di wata we nem Rɛd Si, ɛn pul dɛn kɔmɔt na di dɛzat we dɛn bin de fɔti ia.

Jɛnɛsis 8:1

PAPA GƆD nɔ bin fɔgɛt se Noa ɛn ɔl dɛn animal bin de insay di bot; i mek big briz blo, ɛn di wata bigin go dɔŋ.

Ɛksodɔs 7:19

PAPA GƆD tɛl Mozis se, “Tɛl Erɔn fɔ pɔynt in wɔkinstik pan ɔl di wata dɛn na Ijipt - di riva dɛn, di watasay, dɛn brij, dɛn wɛl ɛn ɔl usay wata de, dɛn ɔl go tɔn blɔd. Ɔl dɛn wata we dɛn dɔn kip na drɔm ɔ bokit, ɔl go tɔn to blɔd.”

Ɛksodɔs 14:20

ɛn mek baria bitwin di Izrɛlayt dɛn ɛn di Ijipshian dɛn. Di klawd bin tan lɛk dak nɛt to di Ijipshian dɛn, bɔt i bin de sho layt to di Izrɛlayt dɛn. So fɔ di wanol nɛt, di Ijipshian dɛn nɔ bin ebul kech di Izrɛlayt dɛn na rod.

Jɔshwa 2:10

Reab se dɛn bin dɔn yɛri bɔt aw PAPA GƆD mek di rɛd si dray lɛ di Izrɛlayt dɛn krɔs. I se dɛn bin yɛri igen bɔt aw dɛn bin nyakanyaka dɛn tu Amorayt kiŋ, Sayɔn ɛn Og we bin de na di ist pat na Riva Jɔdan.

Jɔshwa 3:17

We di Izrɛlayt dɛn bin de krɔs Riva Jɔdan we di wata bin dɔn dray, di man dɛn we de mek sakrifays fɔ pipul sin we bin tot PAPA GƆD in Ak ɔf di Kɔvinant, bin tinap na di dray grɔn insay Riva Jɔdan te ɔl di pipul dɛn krɔs dɔn.

2 Kiŋ 2:8

Ilayja tek di matirial we i wɛr rawnd in sholda, fol am ɛn nak di wata wit am. Di wata plit tu: af na lɛft, af na rayt, dɔn dɛn tu pas midul go na di ɔda say.

Ayzaya 23:11

I dɔn tret in an oba di si, I dɔn shek di kindɔm dɛm; PAPA GƆD dɔn gi kɔmand bɔt Fonishia, fɔ pwɛl pwɛl ɔl usay i abop.

Ayzaya 43:16

Na dis PAPA GƆD se, In we de mek rod na di si, we de mek futpath na dɛn big big wata dɛn,

Ayzaya 50:2

Wetin mek, wɛn a bin kam, nɔbɔdi nɔ de? Wɛn a kɔl, nɔbɔdi nɔ bin de fɔ ansa? Mi an dɔn shɔt we a nɔ ebul sev? Adinɔ a nɔ gɛt pawa fɔ diliva? Lisin, we a tɔk pan di si, i dray, A tɔn di riva dɛn to ɛmti ples we pɔsin nɔ go ebul tap; dɛn fish smɛl bikɔs dɛn nɔ gɛt wata, ɛn day wit tɔsti.

Ayzaya 63:13

di wan we pas dɛn na di dip dip si? Lɛ we ɔs kin stɛdi na di ɛmti ples we pipul nɔ go ebul tap, na so dɛn nɔ shek wan.

Abakɔk 3:8

PAPA GƆD, na di watasay dɛn yu vɛks pan so? Na di sɔlwata dɛn mek yu vɛks bad bad wan so? We yu de rayd ɔp na di klawd; na briz bin de kɛr yu go we yu kin sidɔm pan di chariɔt we dɔn de mek yu win.

Job 38:24

Yu sabi di rod fɔ go usay layt de kɔmɔt go ɔlsay, usay di briz we de kɔmɔt na di ist de skata go na di wɔl?

Di Sam Dɛm 148:8

di laytin ɛn di ren we de fɔdɔm lɛk grabul-grabul, ɛn di klawd, dɛn traŋa briz ɛn ɔl wetin de biev lɛk aw PAPA GƆD want,

Ayzaya 44:27

we de tɔk to di si se, ‘Dray, A go dray una riva dɛm’;