Ɛksodɔs 14:16 - Krio Fɔs Oli Baybul

¹⁶ Es yu tik ɔp ɛn tret yu an oba di si fɔ mek di wata sheb so di pipul dɛn go gɛt rod fɔ pas.

Ɛksodɔs 14:16 Referans Kwoze

Ɛksodɔs 7:19

PAPA GƆD tɛl Mozis se, “Tɛl Erɔn fɔ pɔynt in wɔkinstik pan ɔl di wata dɛn na Ijipt - di riva dɛn, di watasay, dɛn brij, dɛn wɛl ɛn ɔl usay wata de, dɛn ɔl go tɔn blɔd. Ɔl dɛn wata we dɛn dɔn kip na drɔm ɔ bokit, ɔl go tɔn to blɔd.”

Ɛksodɔs 14:26

PAPA GƆD tɔk to Mozis. I se, “Tret yu an oba di si, dɔn di wata go kam bak ɛn kɔba di Ijipshian dɛn wit dɛn chariɔt ɛn di drayva dɛn.”

Ɛksodɔs 4:20

So Mozis tek in wɛf ɛn in bɔypikin dɛn, dɛn put dɛn na dɔŋki ɛn ol rod go na Ijipt. I mek shɔ se i tek tɛl am fɔ tek.

Ɛksodɔs 4:17

Mek shɔ se yu tek yu tik we yu kin yuz we yu de mɛn dɛn ship ɛn got, bikɔs nain yu go de tek ple wɔnda.

Ɛksodɔs 4:2

Nain PAPA GƆD aks Mozis wetin i ol nain an. Mozis ansa se nain wɔkinstik.

Ayzaya 10:26

Ɛn PAPA GƆD Ɔlmayti go yuz in pawa fɔ dɛn wit koboko, lɛk aw i bin pɔnish Midian na di big ston na Ɔrɛb; in ratlan go de oba di si, ɛn i go es am lɛk aw i bin du na Ijipt.

Ɛksodɔs 7:9

“We di kiŋ aks una fɔ pafɔm, Mozis, yu fɔ tɛl Erɔn se mek i trowe in tik, bifo di kiŋ na grɔn, ɛn i go tɔn to snek.”

Di Nɔmba Dɛm 20:11

Dɛn Mozis es in an ɔp ɛn nak di big ston tu tɛm wit di wɔkinstik. Bɔku wata jɛs bɔs kɔmɔt insay dɔn di wanol kɔmyuniti ɛn ɔl di animal dɛn drink.

Ɛksodɔs 14:15

PAPA GƆD tɔk to Mozis. I se, “Wetin mek yu de beg mi fɔ ɛp yu? Tɛl di pipul dɛn lɛ dɛn muf go bifo.

Ɛksodɔs 17:5

PAPA GƆD ansa Mozis. I se, “Tek sɔm pan di bigman dɛn ɛn waka go bifo. Ol di tik we yu bin tek nak Riva Nayl na yu an ɛn go.

Ɛksodɔs 17:6

A go tinap bifo yu pantap wan rɔk na Mawnt Ɔrɛb. Tek di tik nak di rɔk, dɛn wata go bɔs kɔmɔt pan am fɔ lɛ di pipul dɛn go drink.” Mozis du wetin PAPA GƆD tɛl am bifo di bigman dɛn na Izrɛl dɛn yay.

Jɔshwa 8:18

Nain PAPA GƆD tɛl Jɔshwa se mek i pɔynt in spia we de nain an to Ay bikɔs in go mek dɛn kapchɔ di siti. So Jɔshwa pɔynt di spia we de nain an to di siti.

2 Kiŋ 4:29

Ilaɛlsha tɛl Gɛazi se lɛ i rɛdi wantɛm fɔ go dɔŋ wit in wɔkinstik. I se if i mit ɛnibɔdi na rod, lɛ i nɔ tɛl am adu, ɛn if ɛnibɔdi tɛl am adu lɛ i nɔ ansa; lɛ i put in wɔkinstik pan di pikin in fes.

Abakɔk 3:8

PAPA GƆD, na di watasay dɛn yu vɛks pan so? Na di sɔlwata dɛn mek yu vɛks bad bad wan so? We yu de rayd ɔp na di klawd; na briz bin de kɛr yu go we yu kin sidɔm pan di chariɔt we dɔn de mek yu win.