Ɛksodɔs 13:9 - Krio Fɔs Oli Baybul

⁹ I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt.

Ɛksodɔs 13:9 Referans Kwoze

Ditarɔnɔmi 6:8

I se dɛn fɔ rayt dɛn ɛn tay am na dɛn ed ɛn dɛn an, so dat dɛn nɔ go fɔgɛt dɛn.

Di Nɔmba Dɛm 15:39

Dɛn dɛkɔreshɔn ya fɔ de so dat ɛnitɛm we dɛn luk dɛn, dɛn go mɛmba ɔl wetin PAPA GƆD se ɛn obe dɛn. Dat go mek dɛn nɔ jɛs de fala wetin dɛn at tɛl dɛn fɔ du ɛn wetin dɛn yay sɛf si.

Ɛksodɔs 13:16

Una de du dis fɔ mɛmba unasɛf lɛk aw mak kin de na pɔsin in an ɔ in fɔrɛd fɔ sho se na PAPA GƆD pul una kɔmɔt na Ijipt wit in pawa.

Ɛksodɔs 12:14

Una fɔ mɛmba dis de ɔltɛm, ɛn ɛvri ia una fɔ sɛlibret am as spɛshal fɛstival to mi we na una PAPA GƆD.

Lɛta Fɔ Rom 10:8

Dɛn rayt na Gɔd in Buk se: “Gɔd in mɛsej de klos yu, yu dɔn tɔk am ɛn i de na yu at,” dat na di mɛsej we wi de tɔk ɔlɔbɔt se una fɔ biliv pan Gɔd.

Ayzaya 59:21

“PAPA GƆD se, “As fɔ mi, dis na mi Kɔvinant wit dɛm: mi spirit we de pan yu ɛn mi wɔd we a dɔn put na yu mɔt, nɔ go kɔmɔt na yu mɔt, i nɔ go kɔmɔt na yu pikin dɛm mɔt, ɔ dɛn yon pikin pikin dɛn mɔt. Na so PAPA GƆD se, frɔm naw, ɛn sote go.”

Matyu 23:5

Dɛn want fɔ mek ɔlman si dɛn wɛn dɛn de du ɛnitin. Dɛn de tay smɔl lɛda kes na dɛn fɔrɛd ɛn dɛn an; dɛn kes de gɛt difrɛn difrɛn wɔd we rayt na Gɔd in Buk, insay dɛn; di Faresi dɛn mek dɛn big so dat ɔlman kin si dɛn. Semwe so, dɛn so lɔŋ tasul na di bɔtɔm pat pan dɛn klos we dɛn de wɛr pantap.

Ditarɔnɔmi 30:14

Mozis tɛl dɛn se di kɔmandmɛnt dɛn de wit dɛn, bikɔs dɛn bin dɔn no dɛn ɔl na dɛn at ɛn bin de rid dɛn.

Ɛksodɔs 13:3

Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Rɛvɛleshɔn 18:8

Bikɔs na dat i de mɛmba, di big waala we fɔ mit am go fɔdɔm pan am. Wan gren de, i go sik, in at go ebi, i nɔ go gɛt natin fɔ it, ɛn faya go bɔn am. Bikɔs Gɔd we na wi Masta, gɛt pawa ɛn nain dɔn kɔndɛm am.”

Joɛl 2:11

PAPA GƆD yuz in vɔys fɔ tɔk bifo in ami, di pipul nain ami so bɔku; di pɔsin we de gi dɛn ɔda so pawaful. Di de we PAPA GƆD go kam na big de we pɔsin fɔ fred; nɔbɔdi nɔ go ebul fɔ bia am.

Jɛrimaya 22:24

PAPA GƆD se, as lɔŋ as a de alayv, ɔldo na Jɛoiachin, we na Jɛoiakim, kiŋ na Juda in bɔypikin na bin di riŋ na mi an we a de tek sayn, a go stil rut una kɔmɔt na mi an,

Ayzaya 51:9

Grap o, grap, pik trɛnk, E PAPA GƆD in pawa; grap, lɛk aw yu bin de du fɔstɛm, fɔ di jɛnareshɔn dɛn lɔntɛm. Nɔto yu bin kɔt Reab pis pis, we bin chuk di dragɔn?

Ayzaya 49:16

A de tɛl yu, a dɔn kav yu na mi an dɛn; yu wɔl dɛn de bifo mi ɔltɛm.

Ayzaya 40:10

Una luk, Papa Gɔd we na Gɔd de kam wit pawa, ɛn nain an de rul fɔ am; luk, di pe we i de pe pɔsin fɔ di gud we i du, de wit am, ɛn di kɔmpɛnset we i de kɔmpɛnset, de wit am.

Ayzaya 27:1

Da tɛm de, PAPA GƆD go tek in pawaful, big ɛn traŋa sɔd pɔnish Lɛviatan, da snek we de rɔnawe, Lɛviatan, da snek we de twis twis, ɛn i go kil di dragɔn we tap na di si.

Prɔvabs 3:21

Mi pikin, gɛda yu sɛns ɛn tray fɔ si fa; mek shɔ se dɛn tu tin ya nɔ lɛf yu,

Prɔvabs 1:9

Wetin dɛn de tɛl yu go tan lɛkɛ fayn fɛda at na yu ed, ɛn fayn silva chen na yu nɛk.

Di Sam Dɛm 89:13

Yu gɛt pawa; yu riali pawaful.

Nɛimaya 1:10

“PAPA GƆD, wi na yu pikin dɛn we yu yuz ɔl yu pawa ɛn trɛnk fɔ pul pan trɔbul.

Ditarɔnɔmi 6:6

Dɛn fɔ mek shɔ se dɛn nɔ fɔgɛt di lɔ dɛn; dɛn fɔ kram dɛn.

Sɔlɔmɔn In Siŋ Dɛm 8:6

Fiks mi lɛkɛ lɔk na yu at lɛkɛ lɔk na yu an; bikɔs lɔv traŋa lɛk day, jɛlɔs wikɛd pas di grev. I de bɔs lɛk we faya de bɔs, di faya we wam tumɔs.

Prɔvabs 7:23

te dɛn chuk in gɔt wit aro; lɛk bɔd nɔmɔ we de fɔdɔm na trap, we nɔ no se nain layf i de risk.

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Ɛksodɔs 7:4

A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.

Ɛksodɔs 13:14

Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt.

Di Sam Dɛm 136:12

fɔ sho aw i gɛt pawa; in lɔv de de sote go.

Ayzaya 44:5

Dis wan go se, ‘Na mi blant PAPA GƆD’, ɔda wan go kɔl insɛf bay Jekɔb in nem, ɛn ɔda wan go rayt nain an se, ‘PAPA GƆD in yon,’ ɛn gi insɛf sɔn nem we na Izrɛl.”

Ɛksodɔs 12:41

ɛn na di vɛri de we mek dɛn fo ɔndrɛd ɛn tati ia ɔl di Izrɛlayt famili dɛn kɔmɔt na Ijipt.

Ditarɔnɔmi 5:15

Izrɛl nɔ fɔ fɔgɛt we dɛn bin bi slev na Ijipt, we PAPA GƆD we na dɛn PAPA GƆD bin yuz in pawa ɛn trɛnk fɔ sev dɛn, ɛn na dat mek in PAPA GƆD we na dɛn PAPA GƆD, de tɛl dɛn paopa se nain nɔmɔ dɛn fɔ de mɛmba di de we mek sɛvin ɛvri wik.

Ditarɔnɔmi 6:21

I se dɛn fɔ ansa dɛn se dɛn na bin Ijipt dɛn kiŋ in slev dɛn, bɔt PAPA GƆD bin yuz in pawa fɔ pul dɛn kɔmɔt de.

Di Jɔj Dɛm 2:12

Dɛn fɔgɛt bɔt PAPA GƆD we na dɛn papa dɛn PAPA GƆD we pul dɛn kɔmɔt Ijipt, ɛn go wɔship di Kenanayt dɛn gɔd dɛn. Dɛn bin de butu to dɛn ɔl we mek PAPA GƆD vɛks.

Di Sam Dɛm 136:11

ɛn pul di Izrɛlayt dɛn kɔmɔt de saful, in lɔv de de sote go;

Daniɛl 9:15

So duya PAPA GƆD we na wi Gɔd, yu we pul yu pipul dɛn kɔmɔt Ijipt wit yu pawa, dɔn gɛt gud nem te dis tɛm ya; wi dɔn kɔmit sin, wi dɔn du bad.