Ɛksodɔs 13:3 - Krio Fɔs Oli Baybul

³ Mozis tɛl di pipul dɛn se dɛn fɔ mɛmba da de, de dat na di de we dɛn lɛf Ijipt usay dɛn na bin slev, bikɔs na da de de PAPA GƆD yuz in pawa pul dɛn kɔmɔt Ijipt. I tɛl dɛn se dɛn nɔ fɔ it ɛnitin we gɛt yist.

Ɛksodɔs 13:3 Referans Kwoze

Ditarɔnɔmi 24:18

bɔt fɔ mɛmba se dɛnsɛf na bin slev na Ijipt, ɛn na PAPA GƆD we na dɛn PAPA GƆD, bin pul dɛn kɔmɔt de. I se paopa, dɛn fɔ de du dɛn kayn gud tin dɛn de.

Ditarɔnɔmi 5:15

Izrɛl nɔ fɔ fɔgɛt we dɛn bin bi slev na Ijipt, we PAPA GƆD we na dɛn PAPA GƆD bin yuz in pawa ɛn trɛnk fɔ sev dɛn, ɛn na dat mek in PAPA GƆD we na dɛn PAPA GƆD, de tɛl dɛn paopa se nain nɔmɔ dɛn fɔ de mɛmba di de we mek sɛvin ɛvri wik.

Ɛksodɔs 20:2

“Mi na PAPA GƆD, di PAPA GƆD we una fɔ wɔship we pul una kɔmɔt na Ijipt usay una na bin de as slev.

Ditarɔnɔmi 16:12

Mozis se dɛn nɔ fɔ fɔgɛt se dɛn na bin slev na Ijipt, so dɛn fɔ mek shɔ se dɛn du ɔl wetin PAPA GƆD we na dɛn PAPA GƆD se dɛn fɔ du.

Ditarɔnɔmi 5:6

nain PAPA GƆD we na dɛn PAPA GƆD, we pul dɛn kɔmɔt na Ijipt usay dɛn bin tek dɛn mek slev ɛn dɛn bin de sɔfa bad bad wan.

Ditarɔnɔmi 15:15

Mozis tɛl dɛn se dɛnsɛf fɔ mɛmba wetin dɛn bin pas we dɛn na bin slev dɛn na Ijipt, bifo PAPA GƆD we na dɛn PAPA GƆD go pul dɛn de. I se na ɔl dat mek in tɛl dɛn se, dɛn fɔ fri dɛn slev dɛn afta siks ia ɛn gi dɛn sɔntin fɔ dɛnsɛf.

Ditarɔnɔmi 6:12

lɛ dɛn tek tɛm lɛ dɛn nɔ go fɔgɛt bɔt PAPA GƆD we pul dɛn kɔmɔt pan slev layf na Ijipt.

Ditarɔnɔmi 16:3

Mozis tɛl di Izrɛlayt dɛn se dɛn fɔ it di bif we dɛn go dɔn sakrifays dɔn wit bred we nɔ gɛt yist, we dɛn bin de kɔl trɔbul bred. I se na da kayn bred de dɛn fɔ de it fɔ sɛvin de. I se dɛn fɔ de du dat ɛvri ia, so dat dɛn nɔ go fɔgɛt di de we dɛn bin kɔmɔt na Ijipt ɔri ɔri wan.

Ditarɔnɔmi 8:14

dɛn kam prawd ɛn fɔgɛt bɔt PAPA GƆD we na dɛn PAPA GƆD we pul dɛn kɔmɔt pan slevri na Ijipt.

Ɛksodɔs 13:14

Tɛm go kam we una pikin dɛn go aks una wetin mek una de du ɔl dis. Una fɔ ansa dɛn se PAPA GƆD yuz in pawa fɔ pul una kɔmɔt pan slev layf na Ijipt.

Jɔshwa 24:17

PAPA GƆD we bin du wɔndaful tin dɛn we dɛn ɔl bin si, ɛn pul dɛn ɛn dɛn papa dɛn kɔmɔt slevri na Ijipt? PAPA GƆD we gyad dɛn we dɛn bin de pas insay ɔda neshɔn dɛn land we dɛn bin de kɔmɔt Ijipt?

Ditarɔnɔmi 13:10

ɛn dɛn fɔ ston am te i day, bikɔs i bin wan pul di pɔsin kɔmɔt biɛn PAPA GƆD we na dɛn PAPA GƆD, we pul dɛn kɔmɔt pan slev layf na Ijipt.

Ditarɔnɔmi 24:22

Mozis tɛl dɛn se dɛn fɔ de mɛmba ɔltɛm se, dɛn na bin slev na Ijipt, ɛn na dat mek in se, dɛn fɔ de du dɛn gud tin dɛn de.

Ɛksodɔs 12:42

PAPA GƆD bin mek wachnɛt da nɛt de fɔ mek shɔ se i pul ɔl di Izrɛlayt dɛn kɔmɔt na Ijipt. So ɛvri ia da nɛt de di Izrɛlayt dɛnsɛf fɔ kip wachnɛt fɔ mɛmba wetin PAPA GƆD du fɔ dɛn sote go.

Ditarɔnɔmi 13:5

So da pɔsin we go se in na prɔfɛt ɔ de intaprit drim, we go tɛl dɛn fɔ wɔship ɔda gɔd, dɛn fɔ kil am, bikɔs i go de tray fɔ lɛ dɛn kɔmɔt biɛn PAPA GƆD ɛn tɔn rebɛl pan am; PAPA GƆD we pul dɛn kɔmɔt pan slev layf na Ijipt usay dɛn bin de sɔfa lɛkɛ dɔg. Da kayn pɔsin de nɔ go fit fɔ de wit dɛn.

Ditarɔnɔmi 4:34

I tɛl dɛn se nɔn ɔda gɔd nɔ ɛva du wetin PAPA GƆD we na dɛn PAPA GƆD dɔn du, we i fɛt Ijipt fɔ dɛn sek ɛn fri dɛn kɔmɔt pan sɔfrin wit sayn ɛn bad bad tin dɛn we kin mek pipul dɛn fred ɛn wɔnda.

Ɛksodɔs 23:15

Di fɔs wan we na di ɔlide fɔ it bred we nɔ gɛt yist pan am, fɔ bi insay Abib mɔnt, dat na dis mɔnt we una lɛf Ijipt. Una mek di ɔlide ya fɔ ɔna mi. Nɔbɔdi nɔ fɔ kam bifo mi ɛmti an.

Ɛksodɔs 20:8

“Una mɛmba di de fɔ pre ɛn blo ɛn kip am oli.

Ɛksodɔs 12:19

Dɛn sɛvin de de, nɔbɔdi nɔ fɔ kip ɛni yist nain os. Ɛnibɔdi we it ɛnitin we yist de pan dɛn fɔ pul am kɔmɔt na di Izrɛlayt kɔmyuniti, i lɛk sɛf di pɔsin na fɔrina we tap wit una.

Ɛksodɔs 12:8

Da sem nɛt de dɛn fɔ ros di animal we dɛn dɔn kil ɛn it in bif wit bita tin dɛn ɛn bred we nɔ gɛt yist.

Ɛksodɔs 6:1

PAPA GƆD ansa Mozis I se, “Yu go si wetin a go du wit di kiŋ. A go fos am fɔ mek i lɛf di pipul dɛn fɔ go. Wetin a go du, go mek na drɛb i go drɛb dɛn fɔ kɔmɔt na di kɔntri.

Ɛksodɔs 3:20

A go pafɔm wɔnda na Ijipt we go mek dɛn go lɛf una fɔ go.

Ɛksodɔs 12:15

“Fɔ sɛvin de, di bred we una fɔ it na bred we dɛn bek we nɔ gɛt yist. Frɔm di fɔs de una fɔ dɔn pul ɔl di yist kɔmɔt na una os. Ɛnibɔdi we it bred we dɛn bek wit yist ɛnitɛm insay da sɛvin de de, dɛn fɔ drɛb am kɔmɔt na di Izrɛlayt kɔmyuniti.

Di Sam Dɛm 105:5

Mɛmba ɔl di wɔndaz we PAPA GƆD dɔn du, di mirekul dɛn we i dɔn ple, di jɔj we i jɔj wi ɛnimi dɛn fɔ wi.

Lɛta Fɔ Ɛfisɔs 1:19

ɛn aw in big big pawa de wok pan wi we biliv pan am.

1 Kɔrint 5:8

So lɛ wi ɔl gladi fɔ dis Pasova ya. Wɛn wi de gladi, wi nɔ fɔ it bred we gɛt bad yist, da yist de na sin ɛn bad layf, wi fɔ it bred we nɔ gɛt yist, da bred de na klin ɛn tret layf.

Lyuk 22:19

Jizɔs tek bred ɛn wɛn i dɔn tɛl Gɔd tɛnki, i kɔt, kɔt am gi in apɔsul dɛn ɛn se, “Dis bred na mi bɔdi [we a dɔn sakrifays fɔseka una. Una fɔ de it am fɔ mɛmba mi.”

Nɛimaya 9:10

We yu no se di Kiŋ, in ɔfisa dɛn ɛn ɔl in pipul dɛn na Ijipt de trit dɛn bad yu ple wɔnda ɛn ple mirekul pan dɛn. Yu mek nem fɔ yusɛf we de te tide.

1 Kronikuls 16:12

Mɛmba di wɔndaful wok dɛm we i dɔn du, di wɔnda dɛm we dɔn wok, di jɔjmɛnt dɛm we i dɔn pul nain mɔt.

Matyu 10:12

Ɛn ɛni os we una go, una fɔ se, ‘Mek Gɔd blɛs una.’

Ɛksodɔs 6:6

So tɛl di Izrɛlayt pipul dɛn se, Mi na PAPA GƆD ɛn a go pul una kɔmɔt pan di waala we di Ijipshian dɛn put pan dɛn. A go pul dɛn kɔmɔt pan di slev layf we dɛn liv ɛn a go sho dɛn mi pawa.

Ɛksodɔs 7:4

A go briŋ waala na di kɔntri ɛn pul di Izrɛlayt dɛn, we na mi pipul dɛn, kɔmɔt de.

Ɛksodɔs 12:17

Una fɔ sɛlibret di fɛstival wit bred we nɔ gɛt yist, fɔ mek una go de mɛmba di de we a pul una kɔmɔt bay una famili na Ijipt. Una fɔ sɛlibret dis fɛstival ɔltɛm.

Ɛksodɔs 13:9

I se dat go mek dɛn de mɛmba ɔltɛm lɛk we mak kin de na pɔsin in an ɔ in fɔrɛd fɔ sho se PAPA GƆD in Lɔ de nain at ɛn fɔ de rid PAPA GƆD in lɔ dɛn ɔltɛm, bikɔs na PAPA GƆD yuz in traŋa pawa fɔ pul dɛn kɔmɔt na Ijipt.

Ditarɔnɔmi 7:8

Bɔt PAPA GƆD lɛk dɛn ɛn de kip in prɔmis we i bin dɔn prɔmis dɛn fɔstɛm-papa dɛn se i go pul dɛn kɔmɔt slevri na Ijipt dɛn kiŋ in an, ɛn dɛn go bi in yon pipul dɛn sote go.

1 Kiŋ 8:42

dɛn go de yɛri bɔt yu wok ɛn di wɔndaful tin dɛn we yu de du; if dɛn kam na dis os fɔ wɔship yu,

Di Sam Dɛm 114:1

Wɛn di Izrɛlayt dɛn we na Jekɔb in jɛnareshɔn bin de kɔmɔt Ijipt, da fɔren land we dɛn bin de,

Di Sam Dɛm 136:11

ɛn pul di Izrɛlayt dɛn kɔmɔt de saful, in lɔv de de sote go;

Jɛnɛsis 15:16

Fo jɛnareshɔn go dɔn bɔn bifo ɛniwan go kam bak na ya so, bikɔs di tɛm nɔ go rich yet we di Amɔrayt dɛn sin go dɔn pasmak.”

Ɛksodɔs 6:7

A go mek una bi mi yon pipul dɛn ɛn a go bi dɛn PAPA GƆD. Da tɛm de dɛn go no se mi na dɛn PAPA GƆD we a pul dɛn kɔmɔt pan slev layf na Ijipt.

Ɛksodɔs 12:2

“Dis mɔnt na di fɔs mɔnt na di ia fɔ una.

Ɛksodɔs 12:41

ɛn na di vɛri de we mek dɛn fo ɔndrɛd ɛn tati ia ɔl di Izrɛlayt famili dɛn kɔmɔt na Ijipt.

Ɛksodɔs 34:18

“Una fɔ sɛlibret di fɛstival fɔ mɛmba di pasova. Lɛkɛ aw nɔmɔ a bin dɔn tɛl una, una fɔ it bred we nɔ gɛt yist fɔ sɛvin de insay Abib mɔnt, bikɔs na da mɔnt de una bin lɛf Ijipt.

Ditarɔnɔmi 6:21

I se dɛn fɔ ansa dɛn se dɛn na bin Ijipt dɛn kiŋ in slev dɛn, bɔt PAPA GƆD bin yuz in pawa fɔ pul dɛn kɔmɔt de.

Ditarɔnɔmi 9:12

We PAPA GƆD bin gi am di tablɛt dɛn, i tɛl am se lɛ i grap go wantɛm, lɛ i go si di sin we di Izrɛlayt dɛn we i bin dɔn stren pul kɔmɔt slevri na Ijipt dɔn kɔmit; dɛn lɛf fɔ du ɔl wetin PAPA GƆD bin tɛl dɛn fɔ de du, dɛn grap go mek lay lay gɔd wit ayɛn de wɔship.

Ditarɔnɔmi 13:6

I se if dɛn brɔda, ɔ dɛn wan dadi brɔda, ɔ wan mami brɔda, ɔ dɛn bɔypikin ɔ gyal pikin, ɔ ivin dɛn wɛf we dɛn lɛk bad bad wan, ɔ dɛn bɛst padi, tray fɔ koks dɛn sikrit wan fɔ wɔship ɔda gɔd we dɛn ɛn dɛn fɔstɛmpapa dɛn nɔ bin no,

Ditarɔnɔmi 13:11

We dɛn ston wan pɔsin, ɔlman go fred we dɛn yɛri, so nɔbɔdi na Izrɛl nɔ go gɛt maynd fɔ du da kayn tin de igen

Ditarɔnɔmi 16:1

Mozis tɛl di Izrɛlayt dɛn se dɛn fɔ de sɛlibret di pasova to PAPA GƆD we na dɛn PAPA GƆD, ɛn dɛn fɔ de du am fɔ PAPA GƆD we na dɛn PAPA GƆD in sek ɛvri Abib mɔnt we na di mɔnt we PAPA GƆD we na dɛn PAPA GƆD bin pul dɛn kɔmɔt na Ijipt na nɛt.

Ditarɔnɔmi 26:8

So PAPA GƆD bin yuz in pawa mek ɔlkayn mirekul, sayn ɛn tin dɛn we bin mek pipul dɛn wɔnda, we mek di Ijipshian dɛn fred ɛn lɛf dɛn fɔ go.

Di Jɔj Dɛm 2:12

Dɛn fɔgɛt bɔt PAPA GƆD we na dɛn papa dɛn PAPA GƆD we pul dɛn kɔmɔt Ijipt, ɛn go wɔship di Kenanayt dɛn gɔd dɛn. Dɛn bin de butu to dɛn ɔl we mek PAPA GƆD vɛks.

Di Jɔj Dɛm 6:8

PAPA GƆD sɛn wan prɔfɛt go tɛl dɛn se, in PAPA GƆD we na Izrɛl dɛn PAPA GƆD se nain pul dɛn kɔmɔt slev na Ijipt;

Nɛimaya 1:10

“PAPA GƆD, wi na yu pikin dɛn we yu yuz ɔl yu pawa ɛn trɛnk fɔ pul pan trɔbul.

Di Sam Dɛm 89:14

Pipul no yu as udat gud ɛn de rul fia wan yu lɔv ɛn fethfulnɛs na lɛk yu mɛsenja dɛn.

Di Sam Dɛm 136:12

fɔ sho aw i gɛt pawa; in lɔv de de sote go.

Jɛrimaya 34:13

Na dis PAPA GƆD we na Izrɛl dɛn Gɔd se: A bin mek Kɔvinant wit una fɔstɛmpapa dɛm, wɛn a pul dɛm kɔmɔt Ijipt insay waala. Di Kɔvinant se,

Daniɛl 9:15

So duya PAPA GƆD we na wi Gɔd, yu we pul yu pipul dɛn kɔmɔt Ijipt wit yu pawa, dɔn gɛt gud nem te dis tɛm ya; wi dɔn kɔmit sin, wi dɔn du bad.