Ɛksodɔs 13:15 - Krio Fɔs Oli Baybul

¹⁵ Wɛn di kiŋ bin traŋa in at ɛn nɔ gri fɔ lɛf una fɔ go, PAPA GƆD kil ɔl di fɔs-bɔy-pikin ɛn man animal dɛn na Ijipt. So na dat mek unasɛf de gi PAPA GƆD ɔl di fɔs-bɔy-pikin dɛn, bɔt una kin bay dɛn bak na PAPA GƆD in an.

Ɛksodɔs 13:15 Referans Kwoze

Ɛksodɔs 12:29

Midul nɛt PAPA GƆD kil ɔl di fɔs-bɔy-pikin dɛn na Ijipt. Frɔm di kiŋ we de rul in yon fɔs-bɔy-pikin to di jelman we de na lɔkɔp in sɛf yon fɔs-bɔy-pikin. Ɛn i kil di animal dɛnsɛf yon fɔs man pikin.

Ɛksodɔs 34:20

Bɔt fɔ ɛni dɔŋki we bɔn pikin na ship una fɔ tek ɛkschenj am, bɔt if una nɔ want du dat una fɔ brok di dɔŋki in nɛk. Una fɔ ridim di fɔs-bɔy-pikin. Nɔbɔdi nɔ fɔ kam bifo mi ɛmti an.

Di Nɔmba Dɛm 3:46

Di nɔmba we dɛn kɔnt 273 pas ɔmɔs Livayt de so dɛn kin pe sɔntin fɔ ɛkschenj dɛn.

Di Nɔmba Dɛm 18:15

“Di fɔs pikin wɛda na mɔtalman bɔn am ɔ na animal bɔn am, we dɛn gi PAPA GƆD na una yon. Bɔt di pipul dɛn fɔ gi sɔntin fɔ bay bak di fɔs pikin we na man we ɛni mɔtalman ɔ animal we nɔ klin na PAPA GƆD in yay bɔn.

Di Sam Dɛm 105:36

Dɔn PAPA GƆD mek ɔl di fɔs pikin dɛn day na di kɔntri, na di fɔs pikin de sho se dɛn na man.

Ɛksodɔs 3:19

A no se di kiŋ na Ijipt nɔ go gri fɔ mek una go pas a fos am.

Ɛksodɔs 4:23

so i fɔ lɛf dɛn fɔ go wɔship am. I se if di kiŋ nɔ gri, PAPA GƆD go kil di kiŋ in yon fɔs pikin fɔ dat.