Ɛksodɔs 13:12 - Krio Fɔs Oli Baybul

¹² dɛn fɔ mek shɔ se dɛn gi PAPA GƆD ɔl di fɔs tin dɛn we bɔn bikɔs nain yon. Dat na di fɔs pikin we bɔn we na bɔypikin ɛn di fɔs wan we bɔn pan di animal dɛn.

Ɛksodɔs 13:12 Referans Kwoze

Di Nɔmba Dɛm 18:15

“Di fɔs pikin wɛda na mɔtalman bɔn am ɔ na animal bɔn am, we dɛn gi PAPA GƆD na una yon. Bɔt di pipul dɛn fɔ gi sɔntin fɔ bay bak di fɔs pikin we na man we ɛni mɔtalman ɔ animal we nɔ klin na PAPA GƆD in yay bɔn.

Lɛvitikɔs 27:26

I se na PAPA GƆD gɛt ɛni animal we nain fɔs dɛn bɔn, nid nɔ de fɔ pre pan am ɛn gi PAPA GƆD igen; wɛda na man kaw ɔ na ship, na PAPA GƆD yon.

Ɛksodɔs 34:19

Na mi gɛt ɔl di fɔs-bɔy-pikin dɛn we dɛn bɔn ɛn ɔl di animal dɛn we na di fɔs wan we bɔn; a min man kaw, man ship ɛn man got.

Izikɛl 44:30

Ɛn di fɔs wan pan ɔl di fɔs frut dɛn, ɔl kayn, ɛn ɔl ɔfrin, ɔlkayn, pan ɔl una ɔfrin dɛn, go blant di man we de mek sakrifays fɔ pipul sin dɛm; sɛf una go gi di fɔs pat pan una kos mil to di man we de mek sakrifays fɔ pipul sin dɛm so dat blɛsin go lɛf na una os.

Ɛksodɔs 13:2

lɛ i gi ɔl di fɔs-bɔy-pikin dɛn to am. I se ɔl di fɔs-bɔy-pikin ɛn di fɔs man animal dɛn we di Izrɛlayt dɛn gɛt nain yon.

Ditarɔnɔmi 15:19

Mozis se ɔl di fɔs man pikin dɛn we dɛn kaw ɛn ship dɛn go bɔn, dɛn fɔ gi to PAPA GƆD we na dɛn PAPA GƆD; dɛn nɔ fɔ put di kaw dɛn fɔ wok na fam ɛn dɛn nɔ fɔ pul di ship dɛn ia fɔ mek wul.

Ɛksodɔs 22:29

“Una nɔ fɔ olɔp mi we una avɛst una plant, wayn ɛn ɔliv ɔyl. Na mi gɛt una fɔs-bɔy-pikin dɛn.

Di Nɔmba Dɛm 8:17

Bay rayt ɛni pikin we dɛn bɔn fɔs na Izrɛl we na man fɔ bi mi yon wɛda na man ɔ na animal. Di tɛm we a bin mek ɔl dɛn fɔs pikin day na Ijipt na frɔm da tɛm de a bin dɔn se ɔl di fɔs pikin dɛn na Izrɛl go bi mi yon.

Di Nɔmba Dɛm 3:12

in dɔn pik di Livayt dɛn fɔ bi in yon as bay rayt nain fɔ gɛt ɔl di fɔs-bɔy-pikin we ɛni Izrɛlayt uman bɔn.

Lyuk 2:23

Na so Gɔd in lɔ se, “Ɔl fɔs bɔy pikin fɔ du Gɔd wok.”

Ɛksodɔs 13:1

PAPA GƆD tɛl Mozis se,

Izikɛl 16:20

Ɛn una tek una bɔy ɛn gyal pikin dɛn, we una bɔn fɔ mi ɛn sakrifays dɛn to dɛn gɔd ya fɔ mek dɛn it dɛn. Una rare nɔ bin min natin

Ɛksodɔs 22:28

“Una nɔ fɔ tɔk bad bɔt PAPA GƆD ɔ di wan dɛn we de lid una.

Ɛksodɔs 34:20

Bɔt fɔ ɛni dɔŋki we bɔn pikin na ship una fɔ tek ɛkschenj am, bɔt if una nɔ want du dat una fɔ brok di dɔŋki in nɛk. Una fɔ ridim di fɔs-bɔy-pikin. Nɔbɔdi nɔ fɔ kam bifo mi ɛmti an.

Di Nɔmba Dɛm 3:13

I se wɛn i bin gɛt fɔ lɛ di fɔs wan dɛn day na Ijipt, i bin kip di fɔs pikin dɛn pan di Izrɛlayt dɛn fɔ bi in yon, wɛda dɛn na mɔtalman ɔ dɛn na animal. I se nain gɛt dɛn. In na PAPA GƆD.

Nɛimaya 10:36

“As dɛn rayt na PAPA GƆD in lɔ bak, wi go mɔs briŋ di fɔs-bɔy-pikin ɛn di fɔs wan pan wi ship, got, kaw ɛn ɔda animal dɛn we wi de mɛn, kam na PAPA GƆD in os fɔ gi PAPA GƆD fɔ di man dɛn we go de mek sakrifays fɔ pipul sin.

Nɛimaya 10:37

“Pantap dat, we go kip sɔm tin dɛn na di sto we de na PAPA GƆD in os. Wi go briŋ flawa, sɔm gren fɔ ɔfrin, frut dɛn we kɔmɔt pan ɔl dɛn tik, nyu wayn ɛn ɔyl. Wi go de gi wi tayth pan di tin dɛn we wi plant to di Livayt dɛn as na dɛn rɛspɔnsibul fɔ gɛda am no ɔl di siti dɛn we wi de wok.”