Ɛksodɔs 12:9 - Krio Fɔs Oli Baybul

⁹ Dɛn nɔ fɔ it di bif rɔ wan ɛn dɛn nɔ fɔ bwɛl am. Na ros nɔmɔ dɛn fɔ ros am ɛn dɛn fɔ ros di ed, di fut dɛn ɛn di gɔt ɔl.

Ɛksodɔs 12:9 Referans Kwoze

Ɛksodɔs 12:8

Da sem nɛt de dɛn fɔ ros di animal we dɛn dɔn kil ɛn it in bif wit bita tin dɛn ɛn bred we nɔ gɛt yist.

Ditarɔnɔmi 16:7

I se na di ples we PAPA GƆD we na dɛn PAPA GƆD go pik dɛn fɔ kuk ɛn it di sakrifays. Di nɛks de mɔnin, dɛn fɔ go bak na dɛn tɛnt dɛn.

Lamɛnteshɔn 1:13

“PAPA GƆD sɛn faya kam dɔŋ pan mi we a fil insay mi bon dɛn; i kech mi wit trap; i mek a nɔ ebul go bifo; i mek a jɛs de wanples, wit pen ɔl di tɛm.

Ɛksodɔs 29:13

Wɛn yu dɔn du dis, gɛda ɔl di fat we de rawnd di kaw bɛlɛ ɛn kaw gɔt, wit di bɛst pat pan di liva, ɛn di tu kidni wit dɛnsɛf yon fat ɛn bɔn ɔl na di ɔlta as sakrifays to mi.

Ɛksodɔs 29:17

Kɔt di ship smɔl smɔl, was in gɔt ɛn in fut dɛn; dɔn put dɛn ɔl na wan ples wit di ed.

Lɛvitikɔs 1:9

bɔt dɛn go was in gɔt ɛn lɛg dɛn wit wata. Dɔn di man we de mek sakrifays fɔ pipul sin go bɔn am wanol wan; na bɔn sakrifays, na sakrifays we dɛn mek na faya ɛn i go pul fayn sɛnt we go mek PAPA GƆD gladi.

2 Kronikuls 35:13

Ɛn dɛn ros di pasova ship pikin wit faya akɔdin to di oli lɔ, ɛn dɛn bwɛl di oli ɔfrin dɛn na pɔt na koŋofo ɛn an pan dɛm ɛn tot am kwik kwik to ɔl di ɔdinari pipul dɛm.